ഐസിസിനെ തുരത്തി ഒരു നഗരം കൂടി സിറിയ പിടിച്ചു; സന്തോഷത്തോടെ തടിച്ച് കൂടിയ സ്ത്രീകള് ബുര്ഖ കത്തിച്ച് ആഹ്ലാദിക്കുന്ന ചിത്രങ്ങള് പുറത്ത്
നാളുകള്ക്ക് ശേഷം ആ നാട്ടില് പുഞ്ചിരിക്കുന്ന ചില മുഖങ്ങള്. ഒപ്പം അവര് തുള്ളിച്ചാടുന്നു. ക്രൂരതയുടെ പര്യായമായവരെ തുരത്തിയ സന്തോഷത്തില് ഒരു നഗരം. ഐസിസിന്റെ കസ്റ്റഡിയിലായിരുന്ന സിറിയയിലെ മന്ബിജ് നഗരം യുഎസ് പിന്തുണയോടെയുള്ള സിറിയ ഡെമോക്രാറ്റിക് ഫോഴ്സുകള് തിരിച്ച് പിടിച്ചു. നീണ്ട ഒരു മാസത്തെ പോരാട്ടത്തിന് ശേഷമായിരുന്നു ഐസിസില് നിന്നും സേ മന്ബിജ് മോചിപ്പിച്ചത്.ഇതിന്റെ ആഹ്ലാദം പങ്ക് വയ്ക്കുന്നതിനായി തടിച്ച് കൂടിയ സ്ത്രീകള് ബുര്ഖ കത്തിക്കുന്നതിന്റെ ചിത്രങ്ങള് പുറത്ത് വന്നിട്ടുണ്ട്. തെരുവില് വച്ചാണ് സ്ത്രീകള് ബുര്ഖ കത്തിച്ച് കൈയടിച്ച് ആഹ്ലാദിച്ചിരിക്കുന്നത്. കുട്ടികളും ആഹ്ലാദം പങ്കിടാന് ആവേശത്തോടെ എത്തിയിരിക്കുന്നതായി കാണാം. തുര്ക്കി അതിര്ത്തിയോട് ചേര്ന്ന് കിടക്കുന്ന മന്ബിജിന്റെ നിയന്ത്രണം കഴിഞ്ഞ രണ്ടു വര്ഷങ്ങളായി ഐസിസിന്റെ കൈകളിലാണ്. സ്വാതന്ത്ര്യം തന്നെ ജീവിതം എന്നവര് ഉറക്കെ പ്രഖ്യാപിക്കുന്നുണ്ടായിരുന്നു.
സ്ത്രീകള് ബുര്ഖ കത്തിക്കുന്ന ചിത്രങ്ങള് പുറത്ത് വിട്ടിരിക്കുന്നത് സിറിയന് കുര്ദിഷ് ന്യൂസ് ഏജന്സിയായ അന്ഹയാണ്. തങ്ങള്ക്ക് ലഭിച്ച പുതിയ സ്വാതന്ത്ര്യം ആഘോഷിക്കുന്നതിനായി നഗരത്തിലെ ജനങ്ങള് തെരുവുകളിലേക്ക് കുതിച്ചെത്തുന്നത് ഇതില് കാണാം. ഐസിസ് ഈ നഗരം അടക്കി ഭരിച്ചപ്പോള് എല്ലാ സ്ത്രീകളും പരമ്പരാഗത ഇസ്ലാം വസ്ത്രമായ നിഖാബ് അല്ലെങ്കില് ബുര്ഖ ധരിച്ച് മാത്രമേ പുറത്തിറങ്ങാവൂ എന്ന കര്ക്കശ നിയമം നടപ്പിലാക്കിയിരുന്നു. അത് പാലിക്കാത്തവര്ക്ക് കടുത്ത ശിക്ഷയും നല്കിയിരുന്നു.സ്ത്രീകളെ സംരക്ഷിക്കാന് വേണ്ടിയാണീ നിയമം നടപ്പിലാക്കുന്നതെന്നായിരുന്നു ഐസിസ് അവകാശപ്പെട്ടിരുന്നത്.
മറ്റുള്ളവരെ ആകര്ഷിക്കുന്ന രീതിയിലുള്ള ബ്രാന്ഡഡ് വസ്ത്രങ്ങളും നിറമുള്ള വസ്ത്രങ്ങളും ധരിക്കാന് ഐസിസ് തങ്ങളുടെ ഭരണപ്രദേശങ്ങളില് സ്ത്രീകളെ അനുവദിക്കുന്നില്ല. മന്ബിജിന്റെ നിയന്ത്രണം തിരിച്ച് പിടിക്കുന്നതിനുള്ള പോരാട്ടത്തിന്റെ ഭാഗമായി 22കാരനായ ബ്രിട്ടീഷുകാരന് ഡീന് കാള് ഇവാന്സ് കൊല്ലപ്പെട്ടിരുന്നു. കുര്ദിഷ് സേനയ്ക്ക് അനുകൂലമായി പോരാടുന്നതിനിടയിലായിരുന്നു ഇവാന്സ് മരിച്ചത്.ജൂലൈ 21ന് ഫേസ്ബുക്കിലൂടെയാണ് ഡീനിന്റെ പിതാവ് ജോണ് ഇവാന്സ് മരണവിവരം പുറത്ത് വിട്ടത്. ഡീന് മിലിട്ടറി യൂണിഫോമണിഞ്ഞ് നില്ക്കുന്ന ചിത്രങ്ങള് ജൂലൈ 24ന് ജോണ് പുറത്ത് വിട്ടിരുന്നു. ഐസിസിനെതിരെ പോരാടുന്ന ഇന്റര്നാഷണല് ബ്രിഗേഡ്സ് ഓഫ് റോജവയില് അംഗമായി പോരാടുകയായിരുന്നു ഡീന്.
https://www.facebook.com/Malayalivartha
