ഇറാന്റെ മിസൈല് ഭീഷണി; ഔദ്യോഗിക വിമാനം ഒഴിവാക്കി സൈനിക വിമാനത്തില് മാറിയതിന്റെ യാത്ര ചെയ്ത് ട്രംപ്
ട്രംപ് സഞ്ചരിക്കുന്ന വിമാനത്തിനു നേരെ തൊടുക്കാവുന്ന ഉപരിതല വ്യോമ മിസൈല് ഭീഷണി അധികൃതര് കണ്ടെത്തിയതായി രണ്ട് യുഎസ് ഉദ്യോഗസ്ഥര് ന്യൂയോര്ക്ക് ടൈംസിനോട് പറഞ്ഞു. കഴിഞ്ഞ മാസം തുര്ക്കിയിലെ അങ്കറയില് നടന്ന നാറ്റോ ഉച്ചകോടിക്കിടെ യുഎസ് പ്രസിഡന്റ് ഡോണള്ഡ് ട്രംപ് തങ്ങിയിരുന്ന കൃത്യമായ സ്ഥലം ഇറാന് അറിഞ്ഞിരുന്നതായി ന്യൂയോര്ക്ക് ടൈംസ് റിപ്പോര്ട്ട് ചെയ്തു.നാറ്റോ ഉച്ചകോടിയുടെ വേദിക്കടുത്തായി ആയുധവുമായി ഒരാളെ കണ്ടതായും ട്രംപ് താമസിച്ച ഹോട്ടലിലെ ഏത് നിലയിലാണ് അദ്ദേഹമുള്ളതെന്ന് ഇറാന് ഏജന്റുമാര്ക്ക് അറിയാമായിരുന്നുവെന്നും റിപ്പോര്ട്ടിലുണ്ട്.
ഈ മുന്നറിയിപ്പുകളെ തുടര്ന്നാണ് ഔദ്യോഗിക വിമാനമായ എയര്ഫോഴ്സ് വണ്ണിനു പകരം മറ്റൊരു സൈനിക വിമാനത്തില് ട്രംപ് യാത്ര ചെയ്തത്. തുര്ക്കിയിലെ അങ്കറയില് നാറ്റോ ഉച്ചകോടിക്കു ശേഷം ട്രംപ് ബ്രിട്ടനിലേക്കാണ് സഞ്ചരിച്ചത്. പോയത് എയര്ഫോഴ്സ് വണില് ആണെന്ന് എല്ലാവരെയും വിശ്വസിപ്പിച്ചശേഷം ആര്ക്കും സംശയം തോന്നാത്ത ചെറിയൊരു സൈനിക വിമാനത്തിലായിരുന്നു യാത്ര.
അങ്കറയില് ചാനല് ക്യാമറകളോടു കൈവീശിക്കാണിച്ച് എയര്ഫോഴ്സ് വണ് വിമാനത്തില് കയറിയ ട്രംപ് മിനിറ്റുകള്ക്കകം രഹസ്യമായി മറ്റൊരു വാതില്വഴി പുറത്തിറങ്ങി. അവിടെ, വിമാന വാതിലിന്റെ അതേ പൊക്കത്തിലേക്ക് ഉയര്ത്തിയ നിലയില് കാത്തുനിന്ന കേറ്ററിങ് ട്രക്കിലേക്കു കയറി. ഭക്ഷണവും മറ്റുമായി റണ്വേയ്ക്കരികിലൂടെ നീങ്ങിയ ട്രക്കില് യുഎസ് പ്രസിഡന്റ് ഉണ്ടെന്ന് ആരും സംശയിച്ചില്ല. അല്പമകലെയുള്ള സൈനിക വിമാനത്തിന്റെ (എയര്ഫോഴ്സ് സി32 എ) അടുത്തെത്തി ട്രക്ക് നിന്നതും ട്രംപ് ഇറങ്ങി അതിലേക്കു കയറി.
ട്രംപ് അകത്തിരിപ്പുണ്ടെന്ന മട്ടില് യഥാര്ഥ എയര്ഫോഴ്സ് വണ് വിമാനം പറന്നുയര്ന്നപ്പോള്, മാധ്യമസംഘമോ വൈറ്റ് ഹൗസ് ജീവനക്കാരോ സത്യം തിരിച്ചറിഞ്ഞതേയില്ല. ടേക്ക് ഓഫ് നടക്കുകയാണ്, വിന്ഡോ ഷേഡ് താഴ്ത്തണം എന്നു നിര്ദേശിച്ചതിനാല് പുറത്തു നടന്നതൊന്നും ആരും കണ്ടില്ല.യുകെയിലെ മില്ഡല്ഹോളില് ആദ്യമെത്തിയ എയര്ഫോഴ്സ് വണിലേക്ക് പിന്നാലെയുള്ള വിമാനത്തിലെത്തിയ ട്രംപ് ആരും കാണാതെ മാറിക്കയറുകയായിരുന്നു.
https://www.facebook.com/Malayalivartha
