വിമാനയാത്രയ്ക്കിടെ പുസ്തകം വായിച്ചുകൊണ്ടിരുന്ന സ്ത്രീ ഭീകരനിയമപ്രകാരം പോലീസ് കസ്റ്റഡിയില്‍
ഡോണ്‍കാസ്റ്റര്‍ വിമാനത്താവളത്തില്‍ വിമാനയാത്രയ്ക്കിടെ സിറിയന്‍ കലകളെക്കുറിച്ചുള്ള പുസ്തകം വായിച്ചുകൊണ്ടിരുന്ന സൈക്കോതെറാപ്പിസ്റ്റായ സ്ത്രീയെ ഭീകരനിയമപ്രകാരം പോലീസ് ചോദ്യംചെയ്യാനായി കസ്റ്റഡിയിലെടുത്തു.
ലീഡ്‌സില്‍ യു കെ ആരോഗ്യവകുപ്പിന് കീഴില്‍ സൈക്കോതെറാപ്പിസ്റ്റായി ജോലിനോക്കുന്ന 27 കാരിയായ ഫൈസ ഷഹീന് എന്ന യുവതിക്കാണ് ഈ തിക്താനുഭവം. ജൂലായ് 25 നുണ്ടായ സംഭവം ഇപ്പോഴാണ് മാധ്യമശ്രദ്ധയിലെത്തിയത്.
അടുത്തിടെ വിവാഹിതയായ ഷഹീന് രണ്ടാഴ്ച തുര്‍ക്കിയില്‍ മധുവിധു കഴിഞ്ഞ് മടങ്ങുകയായരുന്നു. മാലു ഹലാസ രചിച്ച സിറിയ സ്പീക്‌സ്: ആര്‍ട്‌സ് ആന്‍ഡ് കള്‍ച്ചര്‍ ഫ്രം ദ ഫ്രണ്ട്‌ലൈന്‍ എന്ന അവാര്‍ഡ് കൃതി വിമാനയാത്രയ്ക്കിടെ ഷഹീന് വായിക്കുന്നത് വിമാനജീവനക്കാര്‍ ശ്രദ്ധിച്ചു. അവര്‍ ഇക്കാര്യം പോലീസിന് റിപ്പോര്‍ട്ട് ചെയ്യുകയായിരുന്നു.
ഡോണ്‍കാസ്റ്റര്‍ വിമാനത്താവളത്തില്‍ ഇറങ്ങിയ ഉടനെ ഷഹീനിനെ ടെററിസം ആക്ടിലെ ചില വകുപ്പുകള്‍ പ്രകാരം പോലീസ് കസ്റ്റഡിയിലെടുത്തു. അരമണിക്കൂറോളം അവരെ പോലീസ് ചോദ്യംചെയ്തു.
ഒരു പുസ്തകം പോലും വായിക്കുന്നത് ആളുകളെ സംശയിക്കാന് കാരണമാകുന്നത് എങ്ങനെയാണെന്ന് മനസ്സിലാകുന്നില്ലെന്ന് ഷഹീന് പിന്നീട് പ്രതികരിച്ചു.
സുരക്ഷയ്ക്കാണ് തങ്ങള്‍ മുന്‍ഗണന നല്‍കുന്നതെന്ന് തോംസണ് ഹോളീഡെയ്‌സ് വക്താവ് പറഞ്ഞു. ഷഹീനെ അറസ്റ്റ് ചെയ്തില്ല കേവലം 15 മിനിറ്റ് നേരം കാര്യങ്ങള്‍ ചോദിച്ചറിഞ്ഞ ശേഷം വിട്ടയച്ചുവെന്ന് സൗത്ത് യോര്‍ക്ക്ഷയര്‍ പോലീസ് അറിയിച്ചു.
https://www.facebook.com/Malayalivartha
