പരിക്കേറ്റ് പിടഞ്ഞ് വിനേഷ്; നിറകണ്ണുകളോടെ ഇന്ത്യന് താരത്തെ യാത്രയാക്കി ചൈനീസ് എതിരാളി
മത്സരവീര്യത്തിനപ്പുറം ഒളിമ്പിക്സ് മനുഷത്വമുള്ളവര് തമ്മിലുള്ള സംഗമം കൂടിയാണ്. പലരും മത്സരിക്കുന്നത് അവരുടെ തന്നെ റെക്കോര്ഡുകള് തകര്ക്കാനാണ്. സാക്ഷി മാലിക്കിനെ പോലെ തന്നെ ഇന്ത്യയ്ക്ക് മെഡല് തരേണ്ട താരമായിരുന്നു വിനേഷ് ഫോഗത്ത് എന്ന വനിതാ ഗുസ്തി താരം. പക്ഷെ പരിക്ക് മൂലം ക്വാര്ട്ടറില് വിനേഷിന് മത്സരത്തില് നിന്ന് പിന്മാറേണ്ടിവന്നു. സുന് യാന് ആയിരുന്നു വിനേഷിന്റെ എതിരാളി.
തുടക്കത്തില് വിനേഷിന്റെ വലംകാലില് പിടിത്തമിടുമ്പോള് അത് വലിയൊരപകടത്തിലേക്ക് നയിക്കുമെന്ന് സുന് കരുതിയില്ല. വലംകാല് തിരിഞ്ഞുപോയ വിനേഷ് അലറിവിളിക്കുന്നതും തുടര്ന്നുള്ള ഒച്ചപ്പാടും കണ്ട് ചൈനക്കാരി ഭയന്നുപോയി. കീഴ്വഴക്കങ്ങള് നോക്കാതെ വിനേഷിനെ ആശ്വസിപ്പിക്കാനെത്തിയ അവളുടെ കൈ പിന്നില് നിന്നെത്തിയ റഫറി പിടിച്ചുയര്ത്തി വിജയിയായി പ്രഖ്യാപിക്കുകയായിരുന്നു. നിറകണ്ണുകളോടെയാണ് ചൈനീസ് താരം കളംവിട്ടത്.
താരത്തെ ആശ്വസിപ്പിച്ച് ധാരാളം പേര് നവമാധ്യമങ്ങളില് രംഗത്തെത്തി. എന്നാല് ഉടന് തന്നെ ഗുസ്തി കളത്തില് നിന്നും തന്നെ ഇന്ത്യയ്ക്ക് ആശ്വാസവാര്ത്തയെത്തി. വനിതകളുടെ 58 കിലോഗ്രാം ഗുസ്തി ഫ്രീസ്റ്റൈല് വിഭാഗത്തിലാണ് സാക്ഷി മാലിക്കിന്റെ അപ്രതീക്ഷിത വെങ്കല നേട്ടം. കിര്ഗിസ്ഥാന്റെ ഐസുലു ടിനിബെക്കോവയെ 85നു മലര്ത്തിയടിച്ചാണു സാക്ഷിയുടെ വെങ്കലത്തിലെത്തിയത്. 50നു എതിരാളി മുന്നിലെത്തിയ ശേഷം ശക്തമായി തിരിച്ചടിച്ചാണ് സാക്ഷിയുടെ ജയം. ഒളിമ്പിക്സ് വനിതാ ഗുസ്തിയില് മെഡല് നേടുന്ന ആദ്യ ഇന്ത്യന് വനിതാ താരം കൂടിയാണ് സാക്ഷി. 800 മീറ്റര് ഓട്ടത്തില് വീണുപോയ വനിതാ താരത്തെ സഹഓട്ടക്കാരി പിടിച്ചെഴുന്നേല്പ്പിക്കുന്ന വാര്ത്തയും വൈറലായിരുന്നു.
https://www.facebook.com/Malayalivartha
