മധ്യ ഇറ്റലിയെ കുലുക്കി മറിച്ച കനത്ത ഭൂചലനത്തില്‍ മരണം 159 ആയി. ഒരു നഗരത്തെ പൂര്‍ണ്ണമായും വിഴുങ്ങിയ ഭൂചലനത്തില്‍ കെട്ടിടാവശിഷ്ടങ്ങള്‍ക്കിടയില്‍ ഒട്ടേറെ പേര്‍ ഇപ്പോഴും കുടുങ്ങി കിടക്കുന്നതായിട്ടാണ് റിപ്പോര്‍ട്ട്. റോമില്‍നിന്നു 140 കിലോമീറ്റര്‍ അകലെ മധ്യ ഇറ്റലിയിലെ വിനോദസഞ്ചാരമേഖലയായ മലയോര ഗ്രാമങ്ങളില്‍ ഇന്നലെ പുലര്‍ച്ചെയായിരുന്നു 6.2 തീവ്രത രേഖപ്പെടുത്തിയ ഭൂചലനം.

ഇറ്റലിയിലെ ഏറ്റവും മനോഹരമായ ചരിത്രപട്ടണങ്ങളിലൊന്നായി ബഹുമതി നേടിയ അമാട്രീസ് പൂര്‍ണമായും തകര്‍ന്നടിഞ്ഞു. ഇവിടെ 2500 പേര്‍ക്കു വീടുകള്‍ നഷ്ടമായിട്ടുണ്ട്. അക്യുമോലി, അര്‍ക്വാത ഡില്‍ ത്രോന്തോ എന്നീ ഗ്രാമങ്ങളിലും വ്യാപകനാശമുണ്ടായി. മധ്യമ്യാന്മറിലെ ചൗക്ക് പട്ടണമായിരുന്നു പ്രഭവകേന്ദ്രം. 6.8 തീവ്രത രേഖപ്പെടുത്തിയ ഭൂചലനത്തില്‍ ഒരാള്‍ മരിക്കുകയും ബാഗനിലെ 60 പൗരാണിക ബുദ്ധവിഹാരങ്ങള്‍ തകര്‍ന്നു വീഴുകയും ചെയ്തു. രാത്രിയിലും തുടര്‍ന്ന രക്ഷാപ്രവര്‍ത്തനം ഇപ്പോഴും തുടരുകയാണ്. തിരച്ചിലിനിടയില്‍ മരണ സംഖ്യ ഇനിയും ഉയരുമെന്നാണ് കരുതുന്നത്.

മ്യാന്മാറിലെ പൗരാണികനഗരമായ ബാഗനില്‍ 10-14 നൂറ്റാണ്ടില്‍ നിര്‍മ്മിച്ചിട്ടുള്ള ആയിരക്കണക്കിനു ബുദ്ധവിഹാരങ്ങളില്‍ 60 പഗോഡകളാണു തകര്‍ന്നത്. ഭൂചലനത്തിന്റെ ആഘാതത്തില്‍ മ്യാന്മര്‍ തലസ്ഥാനമായ യാങ്കൂണിലെയും തായ്ലന്‍ഡിന്റെ തലസ്ഥാനമായ ബാങ്കോക്കിലെയും ബഹുനിലക്കെട്ടിടങ്ങള്‍ക്ക് കേടുപാടുപട്ടി. ചൗക്കില്‍ കെട്ടിടങ്ങള്‍ കുലുങ്ങിയതോടെ ഭയന്നോടിയ 20 പേര്‍ക്കു പരുക്കേറ്റു. ബംഗ്ലാദേശിന്റെ തെക്കു പടിഞ്ഞാറന്‍ മേഖലകളില്‍ ചലനം അനുഭവപ്പെട്ടു.
ഇറ്റലിയിലെ നോര്‍സിയ ടൗണിലാണ് പുലര്‍ച്ചെ 3.36ന് ആദ്യത്തെ ഭൂചലനം ഉണ്ടായത്, പുലര്‍ച്ചെ ഭൂകമ്പം ഉണ്ടായതിനാല്‍ വീടുകള്‍ തകര്‍ന്ന് അതിനുള്ളില്‍ കുടുങ്ങിയവര്‍ ഏറെയായിരുന്നു.20 സെക്കന്‍ഡ് നീണ്ടു നിന്ന ഭൂചലനത്തിന്റെ അലയൊലികള്‍ റോമിലും അനുഭവപ്പെട്ടു. നോര്‍സിയ പട്ടണത്തിന്റെ തെക്ക് കിഴക്കു പത്തു കിലോമീറ്റര്‍ മാറിയാണ് ഭൂകമ്പം പൊട്ടിപ്പുറപ്പെട്ടത്. പ്രഭവസ്ഥാനത്തു നിന്ന് 150 കിലോമീറ്റര്‍ ദൂരെയും ഇതിന്റെ പ്രകമ്പനങ്ങള്‍ പ്രകടമായിരുന്നു.
യുറേഷ്യന്‍ ഭൗമപാളിയിലുണ്ടായ പിളര്‍പ്പായിരുന്നു ഇറ്റാലിയന്‍ ഭൂകമ്പത്തിനു കാരണമെന്നു കരുതുന്നു. യൂറോപ്പിനെ വിറപ്പിച്ച ഭൂകമ്പം ഭൗമോപരിതലത്തില്‍നിന്ന് 10 കിലോമീറ്റര്‍ ആഴത്തിലാണ് ഉണ്ടായത്. മൈസിനു സമീപമാണു യൂറേഷ്യന്‍ ഭൗമപാളിയും ആഫ്രിക്കന്‍ ഭൗമപാളിയും ചേരുന്നത്. ഇരുപാളികളുമായുള്ള 'അകല്‍ച്ച അടുപ്പ'ങ്ങളാണു മേഖലയില്‍ ഭൂകമ്പ സാധ്യത ഉണ്ടാക്കുന്നത്. 1997 നു ശേഷം നിരവധി ഭൂചലനങ്ങളാണു മേഖലയിലുണ്ടായത്. കഴിഞ്ഞ ഏഴ് നൂറ്റാണ്ടുകളിലുണ്ടായ ഭൂചലനങ്ങളുടെ കണക്ക് മേഖലയില്‍ ആശങ്ക മാറ്റുന്നില്ലെന്നാണ് വിലയിരുത്തല്‍.

1980ല്‍ 6.5 തീവ്രതയുള്ള ഭൂകമ്പത്തില്‍ ഇറ്റലിയില്‍ 2500 പേര്‍ മരിക്കുകയും 8000 പേര്‍ക്ക് പരുക്കേല്‍ക്കുകയും ചെയ്തിരുന്നു. 2002ല്‍ 27 സ്‌കൂള്‍ കുട്ടികളടക്കം 30 പേര്‍ ഭൂകമ്പത്തിനിരകളായി. രാജ്യത്ത് ഏകദേശം 20 ദശലക്ഷം ആളുകള്‍ ഭൂകമ്പ ഭീഷണിയുള്ള പ്രദേശത്ത് താമസിക്കുന്നുണ്ട്.