ബാലപീഡകരുടെ ലൈംഗികശേഷി ഇല്ലാതാക്കുമെന്ന് ഇന്ഡോനേഷ്യന് പ്രസിഡന്റ് ജോക്കോ വിഡോഡോ
ബാലപീഡകര്ക്കെതിരെ എടുത്ത നടപടികള് പിന്വലിക്കാന് ഉദ്ദേശമില്ലെന്ന് ഇന്ഡോനേഷ്യന് പ്രസിഡന്റ് ജോക്കോ വിഡോഡോ. ബാലപീഡകരെ രാസവസ്തുക്കള് ഉപയോഗിച്ച് ലൈംഗിക ശേഷി ഇല്ലാത്തവരാക്കുമെന്ന നയത്തില് ഉറച്ചു നില്ക്കുകയാണെന്നും അതില് യാതൊരു വിട്ടുവീഴ്ച്ചയ്ക്കുമില്ലെന്നും അദ്ദേഹം പറഞ്ഞു.
കുട്ടികളെ ലൈംഗികമായി പീഡിപ്പിക്കുന്നവര്ക്ക് എതിരെ ജോക്കോ നിരവധി കടുത്ത ശിക്ഷാനടപടികള് കൊണ്ടുവന്നിരുന്നു. രാസവസ്തുക്കള് ഉപയോഗിച്ച് ലൈംഗിക ശേഷി നശിപ്പിക്കുക, വധശിക്ഷ തുടങ്ങിയവ ഇതിലുള്പ്പെടുന്നു. ഇവ കഴിഞ്ഞാഴ്ച നിയമമാക്കുകയും ചെയ്തിരുന്നു. ഇതിനെതിരെ ചിലരില് നിന്ന് വിമര്ശനമുയര്ന്ന പശ്ചാത്തലത്തിലാണ് പുതിയ നിയമത്തെ ശക്തമായി ന്യായീകരിച്ചത്.
മനുഷ്യാവകാശത്തെ നമ്മുടെ ഭരണഘടന ബഹുമാനിക്കുന്നു. എന്നാല് കുട്ടികള്ക്ക് എതിരായ ലൈംഗിക കുറ്റകൃത്യങ്ങളില് കടുത്ത നടപടി തന്നെ വേണം. അതില് ഒരു ഒത്തുതീര്പ്പുമില്ല. അദ്ദേഹം പറഞ്ഞു. കുറ്റവാളികളെ ജയിലിനുള്ളില് അടച്ചതുക്കൊണ്ടു മാത്രം പീഡനങ്ങള് കുറയില്ല. രാസവസ്തു ഉപയോഗിച്ച് ലൈംഗിക ശേഷി നശിപ്പിക്കുന്നത് ലൈംഗിക കുറ്റകൃത്യങ്ങള് കുറയ്ക്കാന് സഹായകമാകുമെന്നും അദ്ദേഹം. അദ്ദേഹം കൂട്ടിച്ചേര്ത്തു.
കഴിഞ്ഞ മെയ് മാസത്തില് 14 വയസ്സ് പ്രായമുള്ള പെണ്കുട്ടിയെ ഒരു സംഘം യുവാക്കള് ചേര്ന്ന് ബലാത്സംഗം ചെയ്തത് ഇന്ഡോനേഷ്യയില് വലിയ ചര്ച്ചകള്ക്ക് വഴി തെളിച്ചിരുന്നു. അതേ തുടര്ന്നാണ് വിഡോഡോ ഇത്തരമൊരു കടുത്ത നടപടിയിലേക്ക് നീങ്ങിയത്. നിലവില് പോളണ്ട്, റഷ്യ തുടങ്ങി പല രാജ്യങ്ങളിലും ഈ നടപടി നിലവിലുണ്ട്. എന്നാല് ഇത് മനുഷ്യവകാശ ലംഘനമാണെന്നും ഇത് പ്രാവര്ത്തികമാക്കാന് പാടില്ല എന്ന ആവശ്യവുമായി നിരവധി പേര് രംഗത്തെത്തി.
https://www.facebook.com/Malayalivartha
