പാക് പ്രധാനമന്ത്രിയാവുകയെന്നതാണ് തന്റെ ഇപ്പോഴത്തെ ഏറ്റവും വലിയ ആഗ്രഹമെന്ന് മലാല യൂസഫ്സായി
ഇത് മലാലയുടെ രണ്ടാം ജന്മമാണ്. താലിബാന് ഭീകരരുടെ വെടിയുണ്ടയേറ്റ് മരണത്തെ മുഖാമുഖം കാണുമ്പോള് മലാലയ്ക്ക് ഇനിയൊരു ജീവിതം ഉണ്ടാകുമെന്ന് ഉറപ്പില്ലായിരുന്നു. പക്ഷെ ജീവന് തിരിച്ചു കിട്ടിയപ്പോള്, ആ സമയത്ത് തന്റെ ജീവന് രക്ഷിക്കാന് പടപൊരുതിയ ഡോക്ടര്മാരെ പോലെ ഒരു ഡോക്ടര് ആകണമെന്നായിരുന്നു മലാലയുടെ ആഗ്രഹം.
എന്നാല് ലോകത്തിലെ ഏറ്റവും പ്രായം കുറഞ്ഞ നൊബേല് ജേതാവായ മലാല യൂസഫ്സായിയുടെ ഇപ്പോഴത്തെ ആഗ്രഹം അതല്ല. പാകിസ്ഥാന് പ്രധാനമന്ത്രിയാകണമെന്നാണ് മലാലയുടെ ഇപ്പോഴത്തെ വലിയ സ്വപ്നം.
നാല് വര്ഷം മുമ്പ് സ്കൂള് ബസില് കയറി താലിബാന് ഭീകരര് മലാലയെ വെടിവച്ചത് പാകിസ്ഥാനിലെ പെണ്കുട്ടികളുടെ വിദ്യാഭ്യാസത്തിനുവേണ്ടി പോരാടിയെന്ന കുറ്റം ചാര്ത്തിയായിരുന്നു. ആ ആഗ്രഹത്തെക്കുറിച്ച് മലാല പറയുന്നതിങ്ങനെ..ഒരുനാള് ഞാന് പാക് പ്രധാനമന്ത്രിയാകും. പെണ്കുട്ടികളുടെ വിദ്യാഭ്യാസത്തിനുവേണ്ടി അന്ന് ഞാന് ആവുന്നതെല്ലാം ചെയ്യും. പെണ്കുട്ടികള് ഡോക്ടര്മാരോ അധ്യാപകരോ വീട്ടമ്മമാരോ ആകണമെന്ന് ആഗ്രഹമുള്ള കുടുംബപശ്ചാത്തലമാണ് തന്റേത്. എന്നാല് വനിതാ ശാക്തീകരണത്തിന്റെ ബിംബമായി ബേനസീര് ഭൂട്ടോ പാക് പ്രധാനമന്ത്രിയായതോടെ പാകിസ്ഥാനില് പുതിയൊരു അന്തരീക്ഷ സൃഷ്ടിയാണുണ്ടായത്.
ഒരു സ്ത്രീയെന്ന നിലയില് ആര്ക്കും ഏത് പദവി വരെയും ഉയരാമെന്ന് അഭിപ്രായപ്പെട്ട മലാല പാകിസ്ഥാനില് പെണ്കുട്ടികളടക്കമുള്ള എല്ലാപേര്ക്കും വിദ്യാഭ്യാസമുണ്ടാകേണ്ടതിന്റെ ആവശ്യകത ഊന്നിപ്പറഞ്ഞു. ഇസ്ലാമിന്റെ പേരില് ആ മഹാമതത്തെ നിന്ദ്യമാക്കുന്ന ഭീകരതയ്ക്കിരയാകുന്നവര് ഏറെയും മുസ്ലിങ്ങളാണെന്നും ആ ക്ഷുഭിത കൗമാരത്തിന്റെ വാക്കുകള്.
കഴിഞ്ഞ ദിവസം യുഎഇയിലെ തന്നെ അജ്മാനിലെ പാകിസ്ഥാനി ഇസ്ലാമിക സ്കൂളിലെ കുട്ടികളെ അഭിസംബോധന ചെയ്ത മലാല പെണ്കുട്ടികളുടെ വിദ്യാഭ്യാസത്തിന് ഒരു ആഗോളവിധിയുണ്ടാകണം. അറബി ലോകത്തെ സ്ത്രീശാക്തീകരണം സംബന്ധിച്ച ദ്വിദിന സമ്മേളനത്തിന്റെ ഉല്ഘാടന ചടങ്ങില് സംസാരിക്കുകയായിരുന്നു മലാല.
https://www.facebook.com/Malayalivartha
