കുറുവാ ദ്വീപിലേയ്ക്ക് പുറപ്പെട്ട കേന്ദ്രമന്ത്രി അല്‍ഫോണ്‍സ് കണ്ണന്താനം വഴിതെറ്റി അലഞ്ഞത് മാവോവാദി ഭീഷണിയുള്ള കാട്ടില്‍
വയനാട്ടില്‍ കേന്ദ്ര ടൂറിസം മന്ത്രി അല്‍ഫോണ്‍സ് കണ്ണന്താനത്തിന്റെ വാഹനം വഴി തെറ്റി കിലോമീറ്ററുകളോളം അലഞ്ഞു. മാവോവാദി ഭീഷണിയെത്തുടര്‍ന്ന് തണ്ടര്‍ബോള്‍ട്ടിനെ വിന്യസിച്ചിരുന്ന വനപ്രദേശത്താണ് മന്ത്രിയുടെ വാഹനം വഴിതെറ്റി എത്തിയത്. കല്‍പറ്റയിലെ വയനാട് പ്രസ് ക്ലബ്ബിന്റെ മീറ്റ് ദി പ്രസ് പരിപാടിയില്‍ പങ്കെടുത്ത ശേഷം മടങ്ങുകയായിരുന്നു മന്ത്രി. കിലോമീറ്ററുകളോളമാണ് മന്ത്രിയും അകമ്ബടി വാഹനവും വനത്തില്‍ അലഞ്ഞത്.മാവോവാദി ഭീഷണിയെത്തുടര്‍ന്ന് തണ്ടര്‍ബോള്‍ട്ടിനെ വിന്യസിച്ചിരുന്ന വനപ്രദേശത്താണ് മന്ത്രിയുടെ വാഹനം വഴിതെറ്റി എത്തിപ്പെട്ടത്.
ജില്ലാ ടൂറിസം വകുപ്പിന്റെ പരിപാടിയില്‍ പങ്കെടുക്കാന്‍ വേണ്ടിയുള്ള യാത്രക്കിടെയായിരുന്നു സംഭവം. വഴി തെറ്റിപ്പോയെന്ന് മനസ്സിലാക്കിയ ബിജെപി പ്രവര്‍ത്തകര്‍ ഫോണില്‍ ബന്ധപ്പെട്ടെങ്കിലും അകമ്ബടിപോയ പോലീസ് വാഹനത്തിനെ ലഭ്യമായില്ല. കിലോമീറ്ററുകള്‍ സഞ്ചരിച്ചശേഷമാണ് അബദ്ധം മനസ്സിലാക്കിയ അകമ്ബടി വാഹനം തിരിച്ച ലക്ഷ്യം കണ്ടത്.
ഉച്ചയ്ക്ക് 12.30-ഓടെ കല്പറ്റയില്‍ നിന്ന് പുറപ്പെട്ട വാഹനം പനമരം-കൊയിലേരി-പയ്യമ്ബള്ളി വഴി പാല്‍വെളിച്ചത്തായിരുന്നു എത്തേണ്ടത്. എന്നാല്‍, വാഹനം പനമരത്തുനിന്ന് പുഞ്ചവയല്‍- നീര്‍വാരം വഴി പുല്‍പ്പള്ളി വനമേഖലയിലാണെത്തിയത്. വാഹനം വഴിതെറ്റിയതുകാരണം അരമണിക്കൂറോളം വൈകിയാണ് കുറുവാ ദ്വീപിലെ പരിപാടി ആരംഭിച്ചത്.
https://www.facebook.com/Malayalivartha
