മോഷണം, പിടിച്ചുപറി, വധശ്രമം , കഞ്ചാവ് കടത്തൽ ഉൾപ്പെടെ അമ്പതോളം കേസ്സുകളിലെ കുപ്രസിദ്ധ പ്രതി ആണ് ആറ്റിങ്ങൽ പോലീസ് ഇൻസ്പെക്ടർ എം. അനിൽകുമാറിന്റെ നേതൃത്വത്തിൽ തിരു: റൂറൽ ഷാഡോ പോലീസിന്റെ പിടിയിൽ ആയത്. വെഞ്ഞാറമൂട് , കോട്ടുകുന്നം ഇടവം പറമ്പിൽ ,വൃന്ദാവനത്തിൽ ചന്ദു എന്ന് വിളിക്കുന്ന ദിലീപ് (വയസ്സ് 38) ആണ് രണ്ട് കിലോ കഞ്ചാവും അത് കടത്താൻ ഉപയോഗിച്ച പുതിയ ബുള്ളറ്റുമായി പോലീസ് പിടിയിൽ ആയത്.

കഴിഞ്ഞ ദിവസം വിവിധ ജയിലുകളിൽ നിന്നും കോടതിയിൽ എത്തിക്കുന്ന വിചാരണ തടവുകാർക്ക് കൈമാറുന്നതിനായി കരുതിയിരുന്ന മൂന്ന് കിലോയിൽ അതികം കഞ്ചാവുമായി ആറ്റിങ്ങൽ കോടതി പരിസരത്ത് നിന്ന് രണ്ട് പേർ പോലീസ് പിടിയിൽ ആയിരുന്നു. ഇപ്പോൾ പിടിയിൽ ആയ ദിലീപ് ഇടുക്കി , വണ്ടിപ്പെരിയാറിൽ പത്ത് കിലോ കഞ്ചാവും അത് കടത്താൻ ഉപയോഗിച്ച സ്വിഫ്റ്റ് കാറും ആയി കഴിഞ്ഞ വർഷം പിടിയിൽ ആയിരുന്നു.

ജയിലിൽ നിന്നും ഇറങ്ങി വീണ്ടും കഞ്ചാവ് കച്ചവടം ചെയ്യുന്നതിനിടയിൽ കഴിഞ്ഞ മാർച്ച് മാസത്തിൽ ഇയാൾ 7 കിലോ കഞ്ചാവും കാട്ടുമൃഗങ്ങളുടെ കൊമ്പും , തോലും , വെടിവെക്കാൻ ഉപയോഗിക്കുന്ന തോക്കുമായി പിടിയിൽ ആയിരുന്നു. ജയിൽ മോചിതൻ ആയി വീണ്ടും കഞ്ചാവ് കച്ചവടം ആരംഭിച്ചതായി തിരു: റൂറൽ ജില്ലാ പോലീസ് മേധാവി P അശോക് കുമാർ lPS ന് രഹസ്യവിവരം ലഭിച്ചതിനെ തുടർന്ന് ഷാഡോ പോലീസിന്റെ നിരീക്ഷണത്തിൽ ആയിരുന്നു . നേരത്തേ ജില്ലയിലും പുറത്തും നടന്ന അനവധി മോഷണക്കേസ്സുകളിലേയും , ഹൈവേ റോബറി , ജ്വല്ലറി കവർച്ച ഉൾപ്പെടെ ഉള്ള മറ്റ് അനേകം കേസ്സുകളിലെയും പ്രതിയാണ് ഇയാൾ.

ആന്ധ്രപ്രദേശ് ,തമിഴ്നാട് , കർണ്ണാടക സംസ്ഥാനങ്ങളിലെ വിവിധ ഭാഗങ്ങളിൽ നിന്നാണ് ഇയാൾ കഞ്ചാവ് കേരളത്തിൽ എത്തിച്ചിരുന്നത്. തമിഴ്നാട്ടിൽ എഞ്ചിനീയറിംഗിനും മറ്റും പഠിക്കുന്ന വിദ്യാർത്ഥികളെ ഉപയോഗിച്ചും ഇയാൾ കഞ്ചാവ് എത്തിച്ചിരുന്നു. അത്തരക്കാരെ കുറിച്ചുള്ള വിവരങ്ങളും ഇയാൾ പിടിയിൽ ആയതോടെ ലഭ്യമായിട്ടുണ്ട്. സ്കൂൾ , കോളേജ് വിദ്യാർത്ഥികൾ ആണ് ഇയാളുടെ കഞ്ചാവിന്റെ ഉപഭോഗക്താക്കളിൽ ഏറെയും. ഇത്തരക്കാരുടെ വീടുകളിൽ അറിയിച്ച് കൗൺസിലിംഗ് ഉൾപ്പെടെ ഉള്ള നടപടികൾ സ്വീകരിക്കാൻ ഒരുങ്ങുകയാണ് പോലീസ്.

ആറ്റിങ്ങൽ DYSP പി. അനിൽകുമാർ ,ആറ്റിങ്ൽപോലീസ് ഇൻസ്പെക്ടർ എം. അനിൽകുമാർ , SI തൻസിം അബ്ദുൾ സമദ്, ഷാഡോ SI സിജു കെ.എൽ.നായർ ,ഷാഡോ ASI മാരായ ഫിറോസ് , ബിജു ഹക്ക് , ഷാഡോ ടീം അംഗങ്ങളായ ദിലീപ് , ബിജുകുമാർ , റിയാസ്സ് , ജ്യോതിഷ് എന്നിവരുടെ നേതൃത്വത്തിൽ ആയിരുന്നു പ്രതിയെ അറസ്റ്റ് ചെയ്തത്.