വൈക്കത്ത് സ്‌കൂള്‍ കെട്ടിടം ഇടിഞ്ഞുവീണു. വൈക്കം ഗവ. ബോയ്സ് ഹൈസ്‌കൂളിന്റെ പടിഞ്ഞാറ് ഭാഗത്ത് സ്ഥിതിചെയ്യുന്ന ബ്ലോക്കാണ് ഇടിഞ്ഞുവീണത്. അപകടത്തില്‍ ആര്‍ക്കും പരിക്കില്ല. ഇന്ന് രാവിലെ എട്ടരയോടെയാണ് സംഭവം. കെട്ടിടം ഇടിഞ്ഞുവീണത് ക്ലാസുകള്‍ തുടങ്ങുന്നതിന് മുമ്ബായത് കൊണ്ട് വലിയ അപകടം ഒഴിവായി.

സയന്‍സ് ലാബും, ഡസ്‌ക്, ബെഞ്ച് തുടങ്ങിയവ സൂക്ഷിക്കുന്ന മുറിയുമാണ് തകര്‍ന്നത്. അമ്ബതുവര്‍ഷത്തോളം പഴക്കമുള്ള കെട്ടിടമാണിത്. മുഴുവന്‍ സീലിംഗ് നടത്തിയിരിക്കുന്നതിനാല്‍ കാലപ്പഴക്കം മനസിലാക്കാനോ, ജീര്‍ണാവസ്ഥ കണ്ടുപിടിച്ചു അറ്റകുറ്റപ്പണികള്‍ നടത്തുവാനോ സാധിച്ചിരുന്നില്ല.