കേരളത്തില്‍ കലാലയ രാഷ്ട്രീയം നിയന്ത്രിക്കാനാവില്ലെന്ന നിലപാടുമായി സര്‍ക്കാര്‍ ഹൈകോടതിയില്‍. എറണാകുളം മഹാരാജാസ് കോളേജിലെ അഭിമന്യു കൊലപാതകത്തി​​ന്റെ പശ്ചാത്തലത്തില്‍ കാമ്പസ്‌ രാഷ്ട്രീയം നിരോധിക്കണമെന്ന ഹർജിയിലാണ് സര്‍ക്കാര്‍ നിലപാട് അറിയിച്ചത്.

അഭിമന്യുവി​​ന്റെ കൊലപാതകം ഒറ്റപ്പെട്ട സംഭവമാണെന്നും അതി​​ന്റെ പശ്ചാത്തലത്തില്‍ വിദ്യാര്‍ഥി സംഘടനകളോ രാഷ്​ട്രീയമോ വിലക്കാനോ, നിയന്ത്രിക്കനോ കഴിയില്ലെന്നും​ സര്‍ക്കാര്‍ വ്യക്തമാക്കി. കലാലയത്തിനകത്തും പുറത്തും നടക്കുന്ന കൊലപാതകങ്ങള്‍ തമ്മില്‍ വ്യത്യാസമില്ലെന്ന്​ കോടതി നിരീക്ഷിച്ചു. ചീഫ് ജസ്റ്റിസ് അധ്യക്ഷനായ ബഞ്ചാണ് ഹർജി പരിഗണിച്ചത്.