നവംബർ ഒന്നു മുതൽ വാൽപാറയിൽ പ്രവേശിക്കാൻ ഇ- പാസ് നിർബന്ധം. നവംബർ ഒന്നു മുതൽ വാൽപാറയിൽ പ്രവേശിക്കാൻ വിനോദസഞ്ചാരികൾ ഇ- പാസ് എടുക്കണമെന്ന് കാട്ടി കോയമ്പത്തൂർ ജില്ലാ കലക്ടർ ഉത്തരവിറക്കി.

നീലഗിരി ജില്ലയിലും കൊടൈക്കനാലിലും വിനോദസഞ്ചാരികളുടെ തിരക്ക് കൂടിയതിനാൽ നേരത്തെ തന്നെ പാസ് നിർബന്ധമാക്കിയിട്ടുണ്ടായിരുന്നു. അതോടെ സഞ്ചാരികൾ വാൽപാറ ലക്ഷ്യമാക്കിയതോടെ വൻതിരക്ക് മൂലം നഗരം പലപ്പോഴും ഗതാഗതക്കുരുക്കിൽ വലയുന്നു. ഈ പശ്ചാത്തലത്തിലാണ് കോയമ്പത്തൂർ ജില്ലാ ഭരണകൂടത്തിന്റെ നടപടി.

സഞ്ചാരികളുടെ ഇഷ്ട റൂട്ടായ വാൽപ്പാറയിൽ ഇ-പാസ് സംവിധാനം ഏർപ്പെടുത്താൻ മദ്രാസ് ഹൈക്കോടതി നിർ‌ദേശിച്ചിരുന്നു. ഇതിന്റെ അടിസ്ഥാനത്തിലാണ് നടപടി. അതീവ ശ്രദ്ധ വേണ്ട പശ്ചിമഘട്ടത്തിന്റെ ഭാഗമായ വാൽപ്പാറയുടെ പരിസ്ഥിതി സംരക്ഷണം മുൻനിർത്തിയാണ് ഇ-പാസ് ഏർപ്പെടുത്തിയിരിട്ടുള്ളത്.