രണ്ടില് ആരെന്നചോദ്യം ശക്തം....ടോമിന് ജെ. തച്ചങ്കരിയുടെ കസേര തെറിക്കും? പുകച്ചുചാടിക്കാന് ഗതാഗത സെക്രട്ടറിയെ കൂട്ടുപിടിച്ച് തച്ചങ്കരി ഒതുക്കിയ യൂണിയന് നേതാക്കള്; തച്ചങ്കരി ജ്യോതിലാല് പോര് രൂക്ഷം
രണ്ടില് ആര് എന്ന ചോദ്യമാണ് ഇപ്പോള്. രണ്ടില് ഒരാള് ഒതുങ്ങും. തച്ചങ്കരി രണ്ടും കല്പ്പിച്ച്.കെ.എസ്.ആര്.ടി.സി സി.എം.ഡി ടോമിന് ജെ. തച്ചങ്കരിയും ഗതാഗത സെക്രട്ടറി കെ.ആര്. ജ്യോതിലാലുമായുള്ള ഏറ്റുമുട്ടല് ഐ.എ.എസ്ഐ.പി.എസ് പോരായി മാറുന്നതു തടയാന് സര്ക്കാര്. കര്ശന നിലപാടിലേക്കു മുഖ്യമന്ത്രി പിണറായി വിജയന് കടന്നാല് രണ്ടിലൊരാളുടെ കസേര തെറിക്കും. ബസുകളെ ജി.പി.എസ്. സംവിധാനത്തിനു കീഴില് കൊണ്ടുവരാനും ടിക്കറ്റ് മെഷീനില് ക്യു.ആര്. കോഡിങ് നടപ്പാക്കാനും കൂടുതല് ഇ ബസുകള് വാങ്ങാനുമൊക്കെ കെ.എസ്.ആര്.ടി.സിയില് നീക്കം നടക്കുമ്പോള് തച്ചങ്കരി ജ്യോതിലാല് പോര് തിരിച്ചടിയാകുമെന്ന കണക്കുകൂട്ടലിലാണു സര്ക്കാര്. നേരത്തെതന്നെ ഏറ്റുമുട്ടലിന്റെ വക്കിലായിരുന്നു ഇരുവരും. ജീവനക്കാര്ക്കു ശമ്പളം നല്കാന് ധനവകുപ്പ് അനുവദിച്ച 20 കോടി രൂപ വൈകിച്ചതിനെ തച്ചങ്കരി ചോദ്യംചെയ്തതാണ് ഇപ്പോള് വിവാദമായത്. ഇതോടെ 50 ലക്ഷത്തില് കൂടുതല് ചെലവാക്കുന്നതില്നിന്നു സി.എം.ഡിയെ വിലക്കി ഗതാഗത സെക്രട്ടറി ജ്യോതിലാല് ഉത്തരവിറക്കി.
വന്കിട പര്ച്ചേസിങ്ങുകള് കൂടുതല് സുതാര്യമാക്കാനാണിതെന്നും ജ്യോതിലാല് മന്ത്രി എ.കെ ശശീന്ദ്രനെ അറിയിച്ചു. സുതാര്യതയ്ക്കായി മൂന്നംഗ സമിതിയേയും നിയോഗിച്ചു. ഗതാഗത സെക്രട്ടറിക്കു പുറമേ ഐ.ടി സെക്രട്ടറിയും കെ.എസ്.ആര്.ടി.സി. എംഡിയുമാണ് അംഗങ്ങള്.
എന്നാല്, കമ്മിറ്റിയുടെ നേരവും കാലവും നോക്കി അടിയന്തര തീരുമാനങ്ങള് എടുക്കാന് കഴിയില്ലെന്നാണു തച്ചങ്കരിയുടെ വാദം. ഇപോര്ട്ടല് വഴി ഇ ടെന്ഡറാണ് ഇപ്പോള് നടക്കുന്നത്. പോരാത്തതിന് ഐ.ടി വകുപ്പിന്റെ നിയന്ത്രണങ്ങളുമുണ്ട്.
https://www.facebook.com/Malayalivartha
