പേരൂർക്കട ഡിപ്പോയ്ക്കു സമീപം നിർത്തിയിട്ടിരുന്ന കെ എസ് ആർ ടി സി ബസിനു മുകളിലേയ്ക്ക് കൂറ്റൻ മരം കടപുഴകി വീണു. പേ​രൂ​ര്‍​ക്ക​ട ഡി​പ്പോ​യി​ല്‍ നി​ന്ന് വ​ഴ​യി​ല വ​ഴി പു​ള്ളി​ക്കോ​ണ​ത്തേ​ക്ക് സ​ര്‍​വ്വീ​സ് നടത്തുന്ന ബസിനാണ് അപ്രതീക്ഷിത അപകടം ഉണ്ടായത്.

മരം വീഴുന്നതിന് തൊട്ടുമുന്‍പ് വരെ ബ​സി​നു​ള്ളി​ല്‍ ഡ്രൈ​വ​റും ക​ണ്ട​ക്ട​റും ഉ​ണ്ടാ​യി​രു​ന്നു​. ഇരുവരും പുറത്തേക്കിറങ്ങിയ സമയത്താണ് അപകടമുണ്ടായത്. സംഭവത്തില്‍ ആര്‍ക്കും പരിക്കേറ്റിട്ടില്ല. പു​ല​ര്‍​ച്ചെ 5.30 ഓടെയായിരുന്നു സംഭവം. പേ​രൂ​ര്‍​ക്ക​ട കെഎ​സ്‌ആ​ര്‍ടിസി ഡി​പ്പോ​യ്ക്കും മാ​തൃ​കാ ആ​ശു​പ​ത്രി​ക്കും മധ്യേനിന്ന മ​ര​മാ​ണ് നി​ലം പൊ​ത്തി​യ​ത്. ക​ഴി​ഞ്ഞ ​ദി​വ​സ​ങ്ങ​ളി​ലെ ശ​ക്ത​മാ​യ കാ​റ്റി​ലും മ​ഴ​യി​ലും അ​പ​ക​ടാ​വ​സ്ഥ​യി​ല്‍ നി​ന്ന കൂ​റ്റ​ന്‍ ത​ണ​ല്‍ ​മ​ര​മാ​ണ് മറിഞ്ഞത്.

അതേസമയം മ​രം വീ​ഴു​ന്ന ശ​ബ്ദം​കേ​ട്ട് ഓ​ടി​മാ​റി​യ​തി​നാ​ല്‍ വ​ഴി​യാ​ത്രി​ക​ര്‍ പ​രി​ക്കി​ല്ലാ​തെ ര​ക്ഷ​പ്പെ​ടു​ക​യാ​യി​രു​ന്നു. ബസ് ഭാഗികമായി തകര്‍ന്നിട്ടുണ്ട്. ചെ​ങ്ക​ല്‍​ച്ചു​ള്ള​യി​ല്‍ നി​ന്ന് ഫ​യ​ര്‍​ഫോ​ഴ്സ് എ​ത്തി​ ഒ​ന്ന​ര​മ​ണി​ക്കൂ​ര്‍ പ​രി​ശ്ര​മി​ച്ചാ​ണ് മ​രം മു​റി​ച്ചു​നീ​ക്കി​യ​ത്.