നടനും സംഗീതജ്ഞനുമായ ഹരിനാരായണന് അന്തരിച്ചു
നടനും മൃദംഗവാദകനും ഹരിനാരായണന് (57) അന്തരിച്ചു. ശ്വാസതടസ്സത്തെത്തുടര്ന്ന് ബേപ്പൂരിലെ സ്വകാര്യാശുപത്രിയില് ചികിത്സയിലായിരിക്കെയായിരുന്നു മരണം. ജോണ് എബ്രഹാമിന്റെ 'അമ്മ അറിയാന്' എന്നതായിരുന്നു ഇദ്ദേഹത്തിന്റെ ആദ്യ ചിത്രം.
'നീലാകാശം പച്ചക്കടല് ചുവന്നഭൂമി' എന്ന സിനിമയിലൂടെ ഈ അടുത്ത കാലത്ത് അദ്ദേഹം വീണ്ടും സിനിമയില് സജ്ജീവമായിരുന്നു. മസാല റിപ്പബ്ലിക്, ചാര്ലി, കിസ്മത് എന്നീ സിനിമകളില് രണ്ടാം വരവില് അദ്ദേഹം സാന്നിധ്യമറിയിച്ചു.
മൂന്നര വര്ഷത്തോളം കലാമണ്ഡലത്തില് മൃദംഗവാദകനായി ചെലവിട്ടിട്ടുണ്ട്. പിന്നീട് കോഴിക്കോട് മണി അയ്യരുടെ കീഴില് മൃദംഗം പഠിച്ചു. ജോണിനെ കണ്ടതിനു ശേഷം രണ്ട് വര്ഷത്തോളം അദ്ദേഹത്തിനൊപ്പം ഹരിനാരായണനുണ്ടായിരുന്നു. ഫിലിം സൊസൈറ്റി പ്രസ്ഥാനത്തിലും നാടകരംഗത്തും സജീവ സാന്നിധ്യമായിരുന്നു ഹരിനാരായണന്.
ജോണിന്റെ ജീവിതശൈലി പിന്തുടര്ന്നിരുന്ന ഹരിനാരായണന് സാംസ്കാരികസദസ്സുകളിലെ നിത്യ സാന്നിധ്യമായിരുന്നു. സ്വാതന്ത്യ ദിനത്തില് കോഴിക്കോട്ട് തുംമ്രി സംഗീതക്കച്ചേരി നടത്താനിരിക്കെയാണ് തബലിസ്റ്റ് കൂടിയായ ഹരിനാരായണന്റെ അന്ത്യം.
https://www.facebook.com/Malayalivartha
