കരകയറാന്‍ പാടുപെടും. പ്രളയക്കെടുതിയില്‍ കെ.എസ്.ഇ.ബിക്ക് നഷ്ടം 820 കോടി രൂപ. 350 കോടി രൂപയുടെ ഉപകരണങ്ങള്‍ തകരാറിലായി. 470 കോടി രൂപയുടെ വരുമാന നഷ്ടമുണ്ടായി. 28 സബ് സ്‌റ്റേഷനുകളും 5 ഉല്‍പ്പാദന നിലയങ്ങളും പ്രവര്‍ത്തനം നിലച്ചു. അഞ്ച് ചെറുകിട വൈദ്യുതി നിലയങ്ങള്‍ വെള്ളം കയറി പ്രവര്‍ത്തനം നിലച്ചിരിക്കുകയാണ്. 1200 ട്രാന്‍സ്‌ഫോമറുകള്‍ വെള്ളത്തിനടിയിലാണെന്നും കെ.എസ്.ഇ.ബി അറിയിച്ചു. 
വൈദ്യുതി ബന്ധം നിലച്ച പ്രദേശങ്ങളില്‍ അവ പുനരാരംഭിക്കുന്നതിനുള്ള നടപടികള്‍ ആരംഭിച്ചു. പൊതുജനങ്ങളുടെ സുരക്ഷ ഉറപ്പാക്കിക്കൊണ്ട് വൈദ്യുതി വിതരണം പുനഃസ്ഥാപിക്കും. നിലച്ച വൈദ്യുതി വിതരണം പുനഃസ്ഥാപിക്കുന്നതിന് മീഷന്‍ റീകണക്ട് എന്ന പേരില്‍ ടാസ്‌ക് ഫോഴ്‌സ് രൂപീകരിച്ചിട്ടുണ്ട്. വിതരണ വിഭാഗം ഡയറക്ടറുടെ മേല്‍നോട്ടത്തില്‍ തിരുവനന്തപുരം വൈദ്യുതി ഭവനില്‍ 24 മണിക്കൂറും പ്രത്യേക വിഭാഗം ഇതിനായി പ്രവര്‍ത്തിക്കും. പ്രളയം മൂലമുള്ള അപകടം ഒഴിവാക്കുന്നതിന് പതിനായിരം ട്രാന്‍സ്‌ഫോമറുകള്‍ ഓഫാക്കിയിരിക്കുകയാണ്. വെള്ളപ്പൊക്കെ കെടുതി മാറിയ പ്രദേശങ്ങളില്‍ 4500ഓളം ട്രാന്‍സ്‌ഫോമറുകള്‍ ചാര്‍ജ് ചെയ്തു. ബാക്കിയുള്ളവയില്‍ ഏകദേശം 1200ഓളം ട്രാന്‍സ്‌ഫോമറുകള്‍ വെള്ളത്തിനടിയിലാണ്. അവ പ്രവര്‍ത്തനസജ്ജമാക്കാനുള്ള നടപടികള്‍ തുടങ്ങി.