പേരാവൂരില് കെഎസ്ആര്ടിസി ബസ്സുകള് കൂട്ടിയിടിച്ച് ഇരുപതിലധികം പേര്ക്ക് പരിക്ക്, ബസിനുള്ളില് കുരുങ്ങി കിടന്ന ഡ്രൈവറെ ഫയര്ഫോഴ്സും നാട്ടുകാരും ചേര്ന്ന് മണിക്കൂറുകള് നീണ്ട പരിശ്രമത്തിനൊടുവില് രക്ഷപ്പെടുത്തി
പേരാവൂര് തിരുവോണപുറത്ത് കെ.എസ്.ആര്.ടി.സി ബസുകള് തമ്മില് കൂട്ടിയിടിച്ച് 20ലധികം പേര്ക്ക് പരിക്ക്. പരിക്കേറ്റവരെ പേരാവൂരിലെയും, തലശ്ശേരിയിലെയും വിവിധ ആശുപത്രികളില് പ്രവേശിപ്പിച്ചു. ബസിനുള്ളില് കുരുങ്ങി കിടന്ന ഡ്രൈവറെ ഫയര്ഫോഴ്സും നാട്ടുകാരും ചേര്ന്ന് മണിക്കൂറുകള് നീണ്ട പരിശ്രമത്തിനൊടുവിലാണ് രക്ഷപ്പെടുത്തിയത്.ഇരിട്ടിയില് നിന്നും മാനന്തവാടിയിലേക്ക് പോവുകയായിരുന്ന കെ.എസ്.ആര്.ടി.സി സൂപ്പര്ഫാസ്റ്റും മാനന്തവാടിയില് നിന്നും വെള്ളരിക്കുണ്ടിലേക്ക് പോവുകയായിരുന്ന മറ്റൊരു കെ.എസ്.ആര്.ടി.സിയുമാണ് രാവിലെ 7: 30ഓടു കൂടി കൂട്ടിയിടിച്ചത്.
രാവിലെ തിരുവോണപുറം വളവിനാണ് അപകടം. അപകടത്തെത്തുടര്ന്ന് പേരാവൂര് നിടുപൊയില് തലശേരി റൂട്ടില് ഗതാഗതം തടസപ്പെട്ടു. അപകടം ഉണ്ടാകാന് കാരണം റോഡിലേക്ക് ചെരിഞ്ഞ് നിന്ന മരം മുറിച്ച് മാറ്റാത്തതിനാലാണെന്നും മരം മുറിച്ച് മാറ്റാതെ അപകടത്തില് പെട്ട ബസ് മാറ്റാന് അനുവദിക്കില്ലെന്ന് അറിയിച്ച് വാര്ഡ് മെമ്പര് ജോണ്സന് ജോസഫിന്റെ നേതൃത്വത്തില് നാട്ടുകാര് പ്രതിക്ഷേധിച്ചു. ഇതിന് മുന്പ് 8 ഓളം അപകടം നടന്ന സ്ഥലമാണിത്.
കെ.എസ്.ആര്.ടി.സി ഡ്രൈവറെ രക്ഷപ്പെടുത്തിയത് വാഹനത്തിന്റെ മുന് ഭാഗത്തെ മെറ്റല് പാര്ട്ട് മുറിച്ച് മാറ്റിയായിരുന്നു. പേരാവൂര് ഫയര്ഫോഴ്സ് സംഘം ഹൈഡ്രോളിക് കട്ടര് ഉപയോഗിച്ച് പൊളിച്ച് നീക്കി കുടുങ്ങിക്കിടക്കുന്ന കാല് പുറത്തെടുക്കുകയായിരുന്നു. സ്റ്റേഷന് ഓഫീസര് ടി. വി ഉണ്ണികൃഷ്ണന്, വി.കെ. ശശി, ജിതിന് ശശീന്ദ്രന്, അനീഷ് മാത്യു, വിജേഷ് സി പി, വൈശാഖ് കെ. ഗോപി, അനോഗ് പി.വി, രമേഷ് ആലച്ചേരി, ഷാജി സി. എന്നിവര് രക്ഷാപ്രവര്ത്തനത്തില് പങ്കെടുത്തു
https://www.facebook.com/Malayalivartha