വെള്ളപ്പൊക്കത്തിന്റെ ദുരിതഫലങ്ങള്‍ ഏറ്റവും കൂടുതല്‍ ബാധിച്ചത് ആലപ്പുഴ ജില്ലയിലെ കുട്ടനാട്ടിലായിരുന്നു. വെള്ളത്തിലൂടെ ഒഴുകി നീങ്ങുന്ന റേഷന്‍കട പദ്ധതിയിലൂടെ സൗജന്യ റേഷന്‍ വിതരണം സാധ്യമാക്കിയാണ് കുട്ടനാട് ഈ പ്രളയദുരിതത്തെ അതിജീവിക്കാനൊരുങ്ങുന്നത്. ഈ പദ്ധതിക്ക് ഇന്ന് തുടക്കം കുറിക്കും. ഭക്ഷ്യമന്ത്രി പി. തിലോത്തമന്‍ തന്റെ ഫേസ്ബുക്ക് പോസ്റ്റിലൂടെയാണ് ഇക്കാര്യം അറിയിച്ചിരിക്കുന്നത്. 

കുട്ടനാട് താലൂക്കിലാണ് പ്രളയം രൂക്ഷമായ നാശം വിതച്ചിരുന്നു. അതുപോലെ നിരവധി റേഷന്‍കടകളാണ് വെള്ളപ്പൊക്കത്തില്‍ നശിച്ചു പോയത്. ഈ വകയില്‍ സര്‍ക്കാരിന് വളരെയധികം നഷ്ടം വന്നെങ്കിലും അത് കണക്കാക്കുന്നില്ല. ഈ മാസം എട്ടാം തീയതി വരെ ജലയാനങ്ങളില്‍ സൗജന്യ റേഷന്‍ വിതരണം നടത്തുമെന്ന് മന്ത്രി തന്റെ ഫേസ്ബുക്ക് പോസ്റ്റില്‍ പറയുന്നു. റേഷന്‍കടകള്‍ മുടങ്ങിയ ദുരിതബാധിത പ്രദേശങ്ങളില്‍ ബദല്‍ സംവിധാനം ഏര്‍പ്പെടുത്തിയതായും അദ്ദേഹം അറിയിക്കുന്നു.