മേടം രാശി (അശ്വതി, ഭരണി, കാർത്തിക ആദ്യ കാൽഭാഗം): കൃഷി നാശം (പക്ഷി മൃഗാദികൾ മൂലം), കബളിപ്പിക്കപ്പെടാനുള്ള സാധ്യത എന്നിവ കാണുന്നു. നേത്ര രോഗം, അന്യജനങ്ങളിൽ നിന്നും ദോഷഫലങ്ങൾ എന്നിവയും ഇന്ന് ശ്രദ്ധിക്കേണ്ട വിഷയങ്ങളാണ്.

ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം): വിദേശ യാത്രയും ജോലിയും അനുഭവത്തിൽ വരും. കുടുംബത്തിൽ മംഗളകരമായ കർമ്മങ്ങൾ നടക്കാനും ധനഭാഗ്യ യോഗമുണ്ടാകാനും സാധ്യത കാണുന്നു. രോഗങ്ങൾ മാറി ആരോഗ്യവും ശരീര ശോഭയും വീണ്ടെടുക്കുന്നതിനുള്ള അനുകൂല സമയമാണിത്.

മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം): തൊഴിൽ സംബന്ധമായി പുരോഗതി ഉണ്ടാവുകയും സർക്കാർ സംബന്ധമായി ഗുണാനുഭവങ്ങൾ ഉണ്ടാകുകയും ചെയ്യും. പിണങ്ങിയിരുന്ന ഭാര്യയും ഭർത്താവും വീണ്ടും ഒന്നിക്കാനുള്ള തീരുമാനങ്ങൾ ഉണ്ടായേക്കാം.

കർക്കിടകം രാശി (പുണർതം അവസാന കാൽഭാഗം, പൂയം, ആയില്യം): തൊഴിലിൽ സ്ഥാനചലനം ഉണ്ടാകാനും അതിലൂടെ പുതിയ അവസരങ്ങൾ ലഭിക്കാനും സാധ്യതയുണ്ട്. സാമ്പത്തിക പ്രയാസങ്ങൾ കുറയുമെങ്കിലും അമിത ചെലവ് ഒഴിവാക്കാൻ ശ്രദ്ധിക്കുക.

ചിങ്ങം രാശി (മകം, പൂരം, ഉത്രം ആദ്യ കാൽഭാഗം): താൽക്കാലികമായി കുടുംബം വിട്ട് മാറി നിൽക്കേണ്ട അവസ്ഥ ഉണ്ടായേക്കാം. സഞ്ചാര ശീലം കൂടുന്നതോ യാത്രകൾ ആവശ്യമായി വരുന്നതോ ആയ വിഭാഗത്തിലേക്ക് ജോലിമാറ്റം പ്രതീക്ഷിക്കാം. ഉദരസംബന്ധമായ അസ്വസ്ഥതകൾ വരാതെ ശ്രദ്ധിക്കുക.

കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം): സമൂഹത്തിലെ ഉന്നതരും ശ്രേഷ്ഠരുമായ വ്യക്തികളുമായി സൗഹൃദം സ്ഥാപിക്കാനും അവരോടൊപ്പം സമയം ചെലവഴിക്കാനും അവസരങ്ങൾ ലഭിക്കും. അപ്രതീക്ഷിതമായി ആകർഷകമായ സമ്മാനങ്ങൾ തേടിയെത്തും.

തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം): യാത്രാ സാധ്യതകൾ വർദ്ധിക്കുന്ന ഒരു മാറ്റം തൊഴിൽ രംഗത്ത് പ്രതീക്ഷിക്കാം. തുടക്കത്തിൽ ചില ആരോഗ്യപരമായ വെല്ലുവിളികൾ നേരിടേണ്ടി വന്നേക്കാം എങ്കിലും ആത്മീയമായ ചിന്തകൾ വർദ്ധിക്കുകയും ശാരീരികമായ ഉന്മേഷം അനുഭവപ്പെടുകയും ചെയ്യും.

വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട): നല്ല കാര്യങ്ങൾ ചെയ്യാനും സൽപ്പേര് നേടാനുമുള്ള അവസരങ്ങൾ ഉണ്ടാകും. ലോട്ടറി വഴിയോ മറ്റ് ഭാഗ്യപരീക്ഷണങ്ങളിലൂടെയോ സാമ്പത്തിക ലാഭം പ്രതീക്ഷിക്കാം.

ധനു രാശി (മൂലം, പൂരാടം, ഉത്രാടം ആദ്യ കാൽഭാഗം): ഉദര സംബന്ധമായ പ്രശ്നങ്ങളും അലർജികളും ഉണ്ടാകുവാൻ ഇടയുണ്ട്. യാത്രാക്ലേശം ഉണ്ടാവുകയും യാത്രകളിൽ അപകടങ്ങൾ ഉണ്ടാകുവാനും സാധ്യതയുള്ളതിനാൽ അതീവ ജാഗ്രത പാലിക്കുക. ശത്രുദോഷം, വ്യവഹാര പരാജയം, മനഃശാന്തിക്കുറവ് എന്നിവ അനുഭവപ്പെടാം.

മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം): സാമ്പത്തികമായ ഉന്നതിയും തൊഴിൽ രംഗത്ത് വിജയങ്ങളും പ്രതീക്ഷിക്കാം. അർഹമായ സമ്മാനങ്ങൾ ലഭിക്കാനും സാധ്യത കാണുന്നു. വളരെക്കാലമായി അലട്ടിയിരുന്ന അസുഖങ്ങൾക്ക് ശമനം ലഭിക്കുകയും പുതിയ ആഭരണങ്ങൾ സ്വന്തമാക്കാൻ യോഗമുണ്ടാകുകയും ചെയ്യും.

കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം): ബിസിനസ്സ് രംഗത്ത് വ്യക്തമായ പുരോഗതി ദൃശ്യമാകും. ആകർഷകമായ അവതരണ ശൈലിയിലൂടെ മറ്റുള്ളവരുടെ പ്രശംസ പിടിച്ചുപറ്റാൻ സാധിക്കും. അപവാദ പ്രചാരണങ്ങൾ നിഷ്ഫലമായിത്തീരും. കുടുംബത്തിൽ സമാധാനപരമായ അന്തരീക്ഷവും സന്തോഷവും നിലനിൽക്കും.

മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി): എല്ലാ കാര്യങ്ങളിലും തടസ്സം അനുഭവപ്പെടുന്നതായി തോന്നും. വസ്തു തർക്കങ്ങൾ രൂക്ഷമാകുവാൻ ഇടയുണ്ട്. അപമാനത്തിനോ സാമ്പത്തിക നഷ്ടത്തിനോ ഇടയുള്ള സാഹചര്യങ്ങൾ ഉണ്ടായേക്കാം. മൃഗങ്ങളുമായി ഇടപഴകുമ്പോൾ ജാഗ്രത പാലിക്കുന്നത് നന്നാകും.