തൃശൂർ‍ വെള്ളറക്കാട് തറമേൽഞാലിൽ വീട്ടിൽ പരേതനായ സുധീഷിന്റെയും മനുരാധയുടെയും പെൺകുഞ്ഞാണ് മരിച്ചത്. പാൽ തൊണ്ടയിൽ കുടുങ്ങിയതാണ് മരണകാരണമെന്നാണ് നിഗമനം. രണ്ടുദിവസം മുൻപ് കുട്ടിയുടെ പിതാവായ സുധീഷ് വാഹനാപകടത്തിൽ മരിച്ചതിന്റെ ചടങ്ങുകൾക്കിടെയാണ് മറ്റൊരു ദുരന്ത വാർത്ത കൂടെ ആ വീടിലേക്ക് എത്തിയത്. സുധീഷിന്റെ അസ്ഥി സഞ്ചയന ദിവസമായിരുന്ന ദിവസം കുട്ടിക്ക് പാൽ കൊടുത്ത ശേഷം തൊട്ടിലിൽ ഉറക്കാൻ കിടത്തിയതായിരുന്നു. പിന്നീട് നോക്കുമ്പോൾ കുഞ്ഞിന്റെ വായിൽനിന്ന് നുരയും പതയും മൂക്കിൽനിന്ന് രക്തവും വന്ന നിലയിൽ കണ്ടു. ആശുപത്രിയിലെത്തിച്ചെങ്കിലും രക്ഷിക്കാനായില്ല. സംഭവത്തിൽ പൊലീസ് കേസെടുത്തു.

അതേ സമയം കുട്ടികളുടെ തൊണ്ടയിൽ പാൽ കുരുങ്ങുക എന്നത് സാധാരണവും എന്നാൽ അതി ​ഗുരുതരവുമായ ഒരുപ്രശ്നമാണ്. കുഞ്ഞുങ്ങളെ

പാൽ തൊണ്ടയിൽ കുരുങ്ങി ശ്വാസംമുട്ടൽ ഉണ്ടായാൽ ആദ്യത്തെ ഏതാനും മിനിറ്റുകൾ വളരെ നിർണായകമാണ്. കുഞ്ഞിനെ കമഴ്ത്തിക്കിടത്തി മുതുകിൽ തട്ടുകയോ, നെഞ്ചിൽ അമർത്തുകയോ ചെയ്ത് ശ്വാസതടസ്സം മാറ്റാൻ ശ്രമിക്കണം. അപൂർവമായി വലിയ അപകടങ്ങൾ ഉണ്ടാകാൻ സാധ്യതയുള്ളതിനാൽ അടിയന്തിര വൈദ്യസഹായം തേടുക.ഇത്തരം സാഹചര്യങ്ങളിൽ ചെയ്യേണ്ട പ്രധാന പ്രഥമ ശുശ്രൂഷാ രീതികൾ:

1. കുഞ്ഞ് ബോധമുള്ളപ്പോൾ ചെയ്യേണ്ടത് (Back Blows)കുഞ്ഞിനെ നിങ്ങളുടെ കൈവെള്ളയിൽ കമിഴ്ത്തിപ്പിടിക്കുക. കുഞ്ഞിന്റെ തല താഴ്ന്നിരിക്കാൻ പ്രത്യേകം ശ്രദ്ധിക്കണം.മറുെെെകയിലെ വിരലുകൾ ഉപയോഗിച്ച് കുഞ്ഞിന്റെ താടിയെല്ല് താങ്ങിപ്പിടിക്കുക (ശ്വാസകോശത്തിൽ അമരാതിരിക്കാൻ).മറ്റേ കൈപ്പത്തി ഉപയോഗിച്ച് കുഞ്ഞിന്റെ തോളെല്ലുകൾക്കിടയിൽ 5 തവണ സാമാന്യം ബലത്തിൽ തട്ടുക.

2. പാൽ പുറത്തുവന്നില്ലെങ്കിൽ (Chest Thrusts)തട്ടിയിട്ടും പാൽ പുറത്തുവന്നില്ലെങ്കിൽ കുഞ്ഞിനെ മലർത്തിപ്പിടിക്കുക.കുഞ്ഞിന്റെ നെഞ്ചിന്റെ മധ്യഭാഗത്തായി (മുലക്കണ്ണുകൾക്ക് നേരെ താഴെ) രണ്ടു വിരലുകൾ കൊണ്ട് 5 തവണ അമർത്തുക. പാൽ പുറത്തുവരുന്നതുവരെ ഇത് ആവർത്തിക്കാം.

3. കുഞ്ഞിന് ബോധം നഷ്ടപ്പെട്ടാൽഉടൻ തന്നെ കുഞ്ഞിനെ പരന്ന പ്രതലത്തിൽ കിടത്തി കൃത്രിമ ശ്വാസം നൽകാൻ ശ്രമിക്കുക.ഇൻഫോക്ലിനിക് (Infoclinic) ഡോക്ടർമാരുടെ നിർദ്ദേശങ്ങൾ അനുസരിച്ച് കുഞ്ഞുങ്ങളെ കിടത്തി പാൽ കൊടുക്കുമ്പോൾ പ്രത്യേക ശ്രദ്ധ നൽകണം.