കേരളത്തിലേക്ക് വീണ്ടും പെരുമഴ എത്തുന്നു. കേരളം നേരിട്ട മഹാപ്രളയത്തില്‍ സര്‍ക്കാര്‍ പൂര്‍ണ പരാജയെമന്ന സത്യം അടിവരയിടുന്നതാണ് ഡാം തുറക്കുന്നതിലെ പാളിച്ചകള്‍. അത് രാഷ്ട്രീയ വ്യത്യാസം ഇല്ലാതെ ഏവരും സമ്മതിക്കുകയും ചെയ്തു. പാതി തകര്‍ന്നിരിക്കുന്ന മലയോരമേഖല ഇനിയെരു പ്രളയം നേരിടാന്‍ കെല്‍പ്പില്ലാത്തതാണ്. സര്‍ക്കാര്‍ വീണ്ടും അനങ്ങാപ്പാറ നയമാണ് സ്വീകരിക്കുന്നതെങ്കില്‍ കേരളത്തില്‍ ജീവന്‍ ബാക്കിയുണ്ടാകില്ല.
കേരളത്തില്‍ വീണ്ടും മഴ ശക്തമാകും!. ബംഗാള്‍ ഉള്‍ക്കടലില്‍ ചൊവ്വാഴ്ചയോടെ ന്യൂനമര്‍ദ്ദം രൂപപ്പെടും. കേരളത്തിലും ഇതിന്റെ സ്വാധീനം തുടക്കത്തില്‍ കുറവായിരിക്കും. ചൊവ്വാഴ്ച മുതല്‍ മൂന്ന് ദിവസത്തേക്ക് ചെറിയതോതിലുള്ള മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
ഈ മാസം 21 തൊട്ട് കേരളത്തില്‍ മെച്ചപ്പെട്ട മഴലഭിക്കുമെന്നാണ് റിപ്പോര്‍ട്ട്. ഇന്ന് രൂപം കൊള്ളുന്ന ന്യൂനമര്‍ദ്ദം 48 മണിക്കൂറിനുള്ളില്‍ ശക്തി പ്രാപിച്ച ശേഷം ആന്ധ്രപ്രദേശ് തെലുങ്കാന തെക്കന്‍ ഒഡീഷയുടെയും തീരങ്ങളിലേക്ക് കടക്കും. ഇതാണ് സംസ്ഥാനത്തേയും ബാധിക്കുമെന്ന തരത്തിലുള്ള റിപ്പോര്‍ട്ടുകള്‍.