സര്ക്കാര് രക്ഷകരെയും പറ്റിച്ചു...പൊന്നാട തന്നില്ലെങ്കിലും സാരമില്ല ,ഇങ്ങനെ പട്ടിണിക്കിടാതിരുന്നാല് മതി ; രക്ഷകരായ മത്സ്യതൊഴിലാളികളെ അവഗണിച്ച് സംസ്ഥാന സര്ക്കാര്
പറഞ്ഞതുപോലെ തന്നെ സംഭവിച്ചു പ്രളയത്തില് നിരവധിപ്പേരെ രക്ഷിച്ച മത്സ്യതൊഴിലാളികള് പട്ടിണിയില്. അവരെ എല്ലാവരും മറന്നു. ആരും വിളിക്കാതെ രക്ഷകരായവര്ക്ക് ചോദിക്കാതെ സഹായം നല്കേണ്ടതാണ് കടമ.അതാണ് സംസ്ഥാന സര്ക്കാര് മറക്കുന്നതും
മഹാപ്രളയത്തില് മുങ്ങിയ കേരളത്തെ കൈപിടിച്ചുയര്ത്തിയ മഹാസേന മത്സ്യതൊഴിലാളികള്, പുക്ഴത്താനുള്ള ഈ വാക്കുകള്ക്ക് മാത്രം പഞ്ഞമുണ്ടായില്ല കേരള സര്ക്കാരിന്. എന്നാല് ഒരു ജനതയെ ജീവിതത്തിലേക്ക് കൂട്ടിക്കൊണ്ടുവന്നവര് ഇന്ന് പട്ടിണിയിലാണ്.പ്രളയത്തിന്റെ സമയത്ത് പറഞ്ഞ വാഗ്ദാനങ്ങളൊന്നും സര്ക്കാര് പാലിച്ചില്ല.കേടായ വള്ളങ്ങളുടെ അറ്റകുറ്റപ്പണിയ്ക്ക് ഭൂരിപക്ഷം പേര്ക്കും സഹായം നല്കിയില്ലെന്ന് മാത്രമല്ല,സ്വന്തമായി പണം നല്കി നന്നാക്കിയവര്ക്ക് ബില്ലുകള് മാറി നല്കിയിട്ടുമില്ല.
പലരും സ്വന്തം വള്ളങ്ങളുമായാണ് രക്ഷാപ്രവര്ത്തനങ്ങള്ക്കിറങ്ങി തിരിച്ചത്.കൂറ്റന് മതിലുകളിലും,കടപുഴകി വീണ മരങ്ങളിലുമിടിച്ച് പലരുടെയും വള്ളങ്ങള്ക്ക് കേടുപാടുകള് സംഭവിച്ചു. അതോടെ പലര്ക്കും കടലില് പോകാന് കഴിയാതെയായി.ആലപ്പുഴയില് 110 വള്ളങ്ങളും,കൊല്ലത്ത് 7 വള്ളങ്ങളുമാണ് ഇനിയും കേടുപാടുകള് തീര്ക്കാന് ഉള്ളത്.669 ബോട്ടുകളാണ് രക്ഷാപ്രവര്ത്തനത്തില് പങ്കെടുത്തത് ഇതില് 454 എണ്ണം കേടായെന്നാണ് കണക്കുകള്.
ഓരോ ബോട്ടിനും ഇന്ധനത്തിനു പിറമെ ദിവസം തോറും 3000 രൂപയും നല്കുമെന്നും,കേടുപാടുകള് തീര്ത്ത് നല്കുമെന്നും,അവരെ ഉചിതമായ രീതിയില് ആദരിക്കുമെന്നുമൊക്കെയായിരുന്നു മുഖ്യമന്ത്രിയുടെ അന്നത്തെ പ്രഖ്യാപനം. ആദരവും,പൊന്നാടയും ഒന്നും കിട്ടിയില്ലെങ്കിലും തങ്ങളുടെ ഉപജീവന മാര്ഗം നന്നാക്കി തന്നാല് മതിയെന്നാണ് മത്സ്യതൊഴിലാളികളുടെ ഇപ്പോഴത്തെ അപേക്ഷ. മത്സ്യത്തൊഴിലാളികളുടെ കാര്യത്തില് ആത്മാര്ത്ഥമായ ശ്രമം മന്ത്രിയുടെ ഭാഗത്തു നിന്നുപോലും ഉണ്ടാകാത്തത് കഷ്ടമാണ്.
https://www.facebook.com/Malayalivartha
