പതിനെട്ടാം പടിയിൽ വനിതാ പൊലീസിനെ വിന്യസിക്കില്ലെന്ന് തിരുവിതാംകൂർ ദേവസ്വം ബോർഡ് പ്രസിഡന്റ്
ശബരിമല സന്നിധാനത്തെ 18ാം പടിയിൽ വനിതാ പൊലീസിനെ വിന്യസിക്കാൻ തീരുമാനിച്ചിട്ടില്ലെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് എ. പത്മകുമാർ. നിലവിലെ സൗകര്യങ്ങളില് മുമ്പും സ്ത്രീകള് വന്നിട്ടുണ്ട് എന്നും ദേവസ്വം പ്രസിഡന്റ് പറഞ്ഞു. തുടര് നടപടികള് ഹൈക്കോടതി നിര്ദേശമനുസരിച്ചെന്നും പദ്മകുമാര് വ്യക്തമാക്കി.
സുപ്രീംകോടതി വിധിയ്ക്കെതിരെ വലിയ പ്രതിഷേധങ്ങളാണ് കേരളത്തില് ഹിന്ദു സംഘടനകള് നടത്തുന്നത്. ശബരിമല കര്മസമിതിയുടെ നേതൃത്വത്തില് മൂവാറ്റുപുഴയില് നടത്തിയ റോഡ് ഉപരോധത്തിനിടെ സംഘര്ഷമുണ്ടായി. പ്രതിഷേധക്കാര് നടത്തിയ റാലിക്കിടയില് റോഡിന്റെ ഒരു വശത്തു കൂടെ വാഹനങ്ങള് പോകാന് അനുവദിക്കണം എന്ന് പൊലീസ് ആവശ്യപ്പെട്ടതാണ് സംഘര്ഷത്തിനിടയാക്കിയത്. പൊലീസിന്റെ ആവശ്യം അംഗീകരിക്കാന് കഴിയില്ലെന്ന് സമരക്കാര് അറിയിച്ചതോടെ ഇവരെ ബലം പ്രയോഗിച്ച് നീക്കാന് പൊലീസ് ശ്രമിച്ചു. ഇതേ തുടര്ന്നാണ് സംഘര്ഷം ഉണ്ടായത്.
https://www.facebook.com/Malayalivartha
