കാണാതായത് ഒരാഴ്ച മുമ്പ്, കണ്ടെത്തിയത് തൂങ്ങിമരിച്ച നിലയിൽ; പതിനഞ്ചുകാരന്റെ മരണത്തിൽ ദുരൂഹത
തൂങ്ങിമരിച്ച നിലയിൽ കണ്ടെത്തിയ അഞ്ചാംമൈല് കാരാട്ടുകുന്ന് പരേതനായ കട്ടക്കാലന് മൂസയുടെ മകന് നിസാമി(15) ന്റെ മരണത്തില് ദുരൂഹത . ബന്ധുക്കള് നല്കിയ പരാതിയുടെ അടിസ്ഥാനത്തില് പനമരം പോലീസ് അന്വേഷണം തുടങ്ങി. മൃതദേഹം പോസ്റ്റ് മോര്ട്ടത്തിന് ശേഷം കെല്ലൂര് അഞ്ചാംമൈല് ജുമാ മസ്ജിദ് ഖബര് സ്ഥാനില് സംസ്കരിച്ചു.
പനമരം ബദറുല് ഹുദയില് താമസിച്ചു പഠിച്ചു വരികയായിരുന്ന നിസാമിനെ ഈ മാസം ഒന്നാം തീയതി മുതല് കാണാനില്ലായിരുന്നു. ഇതു സംബന്ധിച്ച് പനമരം പോലീസ് അന്വേഷണം നടത്തി വരികയായിരുന്നു.
തിങ്കളാഴ്ച ഉച്ചയോടെയാണ് മാനന്തവാടി പോലീസ് സ്റ്റേഷന് പരിധിയിലെ ചൂട്ടക്കടവില് ആള്താമസമില്ലാത്ത വീട്ടില് നിസാമിനെ തൂങ്ങിമരിച്ച നിലയില് കണ്ടത്. തുടര്ന്ന് മാനന്തവാടി പോലീസ് സ്ഥലത്തെത്തി ഇന്ക്വസ്റ്റ് നടപടികള് പൂര്ത്തീകരിച്ചു. മൃതദേഹം മാനന്തവാടി ജില്ലാ ആശുപത്രിയില് പോസ്റ്റ്മോര്ട്ടത്തിന് ശേഷം ചൊവ്വാഴ്ച ഉച്ചയ്ക്ക് ഖബറടക്കിയത്. നൂറ് കണക്കിനാളുകളാണ് ഖബര്സ്ഥാനില് എത്തിയത്.
https://www.facebook.com/Malayalivartha
