ശബരിമലയുടെ മറവിൽ കലാപത്തിന് ശ്രമിച്ച് അറസ്റ്റിലായവരിൽ നിരവധി കേസിൽ പ്രതികളായ കൊടും ക്രിമിനലുകളും ഉണ്ടെന്നു റിപ്പോർട്ട് . തിരുവനന്തപുരത്തു നിന്ന് അറസ്റ് ചെയ്ത ആർ എസ് എസ് പ്രവർത്തകരായ കമലേഷ് കുമാർ,ലിതീഷ് എന്നിവരുടെ പേരിൽ 12 ലേറെ കേസുകളുണ്ട്.നേമത്ത് അക്രമം നടത്തിയതിനാണ് സഹോദരങ്ങളായ കമലേഷ് കുമാറിനെയും ലിതീഷിനെയും അറസ്റ്റ് ചെയ്തത്അതിനിടെ, സംസ്ഥാനത്തുമൊട്ടാകെ ശബരിമല സംഘർഷവുമായി ബന്ധപ്പെട്ട് 3505 പേരെ ഇതുവരെ അറസ്റ്റ് ചെയ്തു. 529 കേസിലാണ് ഇത്രയും അറസ്റ്റ്. 124 പേർ ഇതുവരെ റിമാൻഡിലായി.ശബരിമല സംഘർഷത്തിൽ ഉൾപ്പെട്ട 210 പേരുടെ ചിത്രങ്ങൾ കൂടി പത്തനംത്തിട്ട പോലീസ് പുറത്തുവിട്ടു. 

ലിതീഷിന്റെ പേരിൽ കവർച്ച അടക്കം 12 കേസുകളുണ്ട്.കമലേഷ് കുമാറിന്റെ പേരിൽ പോക്സോ അടക്കം 4 കേസ് . തലസ്ഥാനത്തെ പ്രമുഖ ബിജെപി നേതാക്കളുടെ അടുപ്പക്കാരാണ് ഇരുവരും.

ശബരിമലയിൽ നിലയ്ക്കൽ, പമ്പ , മരക്കൂട്ടം, സന്നിധാനം എന്നിവിടങ്ങളിൽ ആക്രമണം കാട്ടിയ 210 പേരുടെ പട്ടിക നേരത്തെ ഫോട്ടോസഹിതം പുറത്തുവിട്ടിരുന്നു .

ഇതിൽ 57 പേരെ തിരിച്ചറിഞ്ഞു.ഇരുപതോളം പേർ അറസ്റ്റിലായി. ഇതിനു പിന്നാലെയാണ് വീഡിയോ ദൃശ്യങ്ങൾ അടക്കം പരിശോധിച്ച് 210 പേരുടെ പട്ടിക ഫോട്ടോസഹിതം വീണ്ടും പുറത്തുവിട്ടത്.