സംസ്ഥാനത്ത് തുടർച്ചായി നാലുദിവസം വൻ ഇടിവ് അനുഭവപ്പെട്ട സ്വർണ വിപണിയിൽ ഇന്ന് നേരിയ വർദ്ധനവ് രേഖപ്പെടുത്തി. ഗ്രാമിന് 20 രൂപയാണ് ഇന്ന് വർദ്ധിച്ചത്.

സ്വർണം പവൻ ഒന്നിന് 160 രൂപ വർധിച്ച് 107120 ആയി. 22 കാരറ്റിന് 13,390 രൂപയാണ് ഇന്നത്തെ വില. 18 കാരറ്റിന് ഗ്രാമിന് 15 രൂപയും വർധിച്ചു.
യു.എസ് -ഇറാൻ സമാധാനകരാറിന്റെ പശ്ചാത്തലത്തിൽ കുതിച്ചുയരുമെന്ന് പ്രതീക്ഷിച്ചെങ്കിലും സ്വർണ വിപണി തകർച്ചയിലേക്ക് കൂപ്പുകുത്തുകയായിരുന്നു. ഇന്നലെ ഗ്രാമിന് 335 രൂപ കുറഞ്ഞ് 13370 രൂപയും പവന് 2,680 രൂപ കുറഞ്ഞ് 1,06,960 രൂപയുമായിരുന്നു വില. വ്യാഴാഴ്ച ഗ്രാമിന് 145 രൂപയും പവന് 1,160 രൂപയും കുറഞ്ഞിരുന്നു. 1,09,640 രൂപയായിരുന്നു പവൻ വില.