വത്സേട്ടന് ഒരു വരക്കം കൂടി വരേണ്ടി വരും; വത്സന് തില്ലങ്കേരി കേരളത്തെ വീണ്ടും ഞെട്ടിക്കുമ്പോള് സര്വ്വകക്ഷിയോടെ വിളിച്ച് തടി രക്ഷിക്കാനുളള തത്രപ്പാടിൽ സര്ക്കാര്; കണ്ണൂരില് നിന്ന് അണികളുമായി ശബരിമലയിലെത്തി സര്ക്കാരിനെ വട്ടം കറക്കിയ വത്സന് തില്ലങ്കേരി കൗതുകമുണര്ത്തുമ്പോള് തന്നെ പോലീസിലെ പൊള്ളത്തരങ്ങളും പൊളിച്ചെഴുതുകയാണ്
വത്സന് തില്ലങ്കേരി കേരളത്തെ വീണ്ടും ഞെട്ടിക്കുമ്പോള് സര്വ്വകക്ഷിയോഗം വിളിച്ച് തടി രക്ഷിക്കാനുളള തത്രപ്പാടിലാണ് സര്ക്കാര്. ചിത്തിര ആട്ട ഉത്സവ വിശേഷങ്ങള് ഏറെയും സംഘപരിവാര് വിജയഗാഥയായിരുന്നു. ശബരിമലയിലെത്തിയ രണ്ടായിരത്തിയഞ്ഞൂറ് പോലീസുകാരെയും, ദക്ഷിണ മേഖല ഐജി ഉള്പ്പെടെയുള്ള ഉന്നത പോലീസ് ഉദ്യോഗസ്ഥരെയും നോക്കു കുത്തിയാക്കി വത്സന് തില്ലങ്കേരിയുടെ നേതൃത്വത്തില് ആര്എസ് എസ് വോളന്റിയര്മാരാണ് സന്നിധാനം നിയന്ത്രിച്ചിരുന്നത് എന്നത് സര്ക്കാരുള്പ്പെടെ എല്ലാവരുെ തുറന്നു സമ്മതിച്ചു. പ്രത്യേക സന്ദര്ഭങ്ങളില് ആള്ക്കൂട്ടത്തെ നിയന്ത്രിക്കാന് ഇത്തരം തന്ത്രങ്ങള് പോലീസ് സ്വീകരിക്കാറുണ്ട് എന്നു് പോലീസ് വിശദീകരിക്കണം. വന്നയുടനെ തില്ലങ്കേരി അടുത്ത വെടി പൊട്ടിച്ചു. ശബരിമലയിലേക്കു വന്ന വനിതാ പോലീസുകാരുടെ പ്രായം താന് പരിശോധിച്ചിരുന്നു എന്ന വിവാദപരമായ വിശദീകരണമാണ് തില്ലങ്കേരി നടത്തിയത്. ഇതോടെ പോലീസും പൂര്ണ്ണമായും പെട്ടു. സന്നിധാനത്ത് ഐജിയോടൊപ്പം ചായ കുടിച്ച് പോലീസ് മെഗാ മൈക്കില് അണികളെ നിയന്ത്രിച്ച്, പതിനെട്ടാം പടിയില് നിന്ന് ആര്ജ്ജവത്തോടെ പട നയിച്ച തില്ലങ്കേരി കേരളത്തിലെ ഹീറോ ആയത് പിണറായിയുടെ പോലീസിന്റെ കഴുത്തില് ചവിട്ടിയെന്നത് ഏറെ കൗതുകമുണര്ത്തുന്നു.സോഷ്യല് മീഡിയ കമന്റുകളും, ട്രോളുകളും ഏറെ രസകരമാണ്. എങ്കില് പിന്നെ പോലീസ് ഉപദേഷ്ടാവായി ശ്രീവാസ്തവയ്ക്ക് പകരം തില്ലങ്കേരിയെ വച്ചാല് മതിയെന്നാണ് ഒരു കൂട്ടര്. മണ്ഡലകാലത്തെ ക്രമീകരണങ്ങള് ഡിജിപി തില്ലങ്കേരിയോടാലോചിച്ച് ചെയ്യട്ടെയെന്ന് വേറൊരു കൂട്ടര് എന്തായാലും തില്ലങ്കേരി കസറുകയാണ്. മണ്ഡലകാലത്ത് ശബരിമലയിലെത്തുന്ന തീര്ത്ഥാടകര്ക്ക് പോലീസ് പാസ് നിര്ബന്ധമാക്കിയിരിക്കുകയാണ് സര്ക്കാര്. സര്ക്കാര് എന്തു പാസു നല്കിയാലും ഇതാണ് സ്ഥിതിയെങ്കില് തില്ലങ്കേരിയും വോളന്റിയര്മാരും പാസു പരിശോധിച്ച് അനുമതി നല്കേണ്ടി വരും.കണ്ണൂരില് നിന്ന് അണികളുമായി ശബരിമലയിലെത്തി സര്ക്കാരിനെ വട്ടം കറക്കിയ വത്സന് തില്ലങ്കേരി കൗതുകമുണര്ത്തുമ്പോള് തന്നെ പോലീസിലെ പൊള്ളത്തരങ്ങളും പൊളിച്ചെഴുതുകയാണ്. മുഖ്യമന്ത്രിയും സര്ക്കാരും പറയുന്നതല്ല ശബരിമലയും തീര്ത്ഥാടനവുമായി ബന്ധപ്പെട്ട സത്യങ്ങള്. തോക്കിന് മുനയില് തീര്ത്ഥാടനമൊരുക്കുക അത്രയെളുപ്പമല്ല. ഒരു പോലീസ് പടയ്ക്കും നിയന്ത്രിക്കാനാവാത്ത അയ്യപ്പഭക്തരവിടെയുണ്ട്. നിയന്ത്രണങ്ങള് സ്ഥിതിഗതികള് കലുഷിതമാക്കുകയേ ഉള്ളൂ. ഒരു പൊട്ടിത്തെറി യൊഴിവാക്കാന് ജനക്കൂട്ടത്തിന്റെ നേതാവിനെ കയ്യിലെടുക്കേണ്ടി വരും പോലീസിന്.വത്സേട്ടന് ഒരു വരക്കം കൂടി വരേണ്ടി വരും.
