സുപ്രീംകോടതി കനിയുമെന്ന് വിശ്വാസികള്... മണ്ഡല മകരവിളക്കിന് നട തുറക്കാന് ദിവസങ്ങള് ശേഷിക്കെ വിജയ പ്രതീക്ഷകള്; കേസില് നിര്ണായ നീക്കങ്ങള്; പരാതിക്കാരികളും അഭിഭാഷകരും കൂട്ടത്തോടെ പിന്മാറുന്നു; വിജയ പ്രതീക്ഷയുമായി എല്ലാ കണ്ണുകളും സുപ്രീം കോടതിയിലേക്ക്
എല്ലാ കണ്ണുകളും സുപ്രീം കോടതിയിലേക്കാണ്. മണ്ഡല മകര വിളക്കിന് ദിവസങ്ങള് മാത്രം ശേഷിക്കെ ഇന്നത്തെ സുപ്രീം കോടതി വിധി നിര്ണായകമാണ്. സംഘര്ഷഭരിതമായ തുലാംമാസ പൂജകള്ക്കും ചിത്തിര ആട്ട വിശേഷങ്ങള്ക്കും ശേഷം വൃശ്ചിക മാസത്തില് വീണ്ടും ശബരിമല നട തുറക്കുമ്പോള് സമാധാനമാണ് എല്ലാവരും ഉറ്റുനോക്കുന്നത്. സംസ്ഥാന സര്ക്കാരും നിലപാട് മാറ്റാന് ഇരിക്കുകയാണ്. അതിന്റെ മുന്നോടിയാണ് സര്വകക്ഷി യോഗത്തിന് സര്ക്കാര് പച്ചക്കൊടി കാട്ടിയത്.
അതേസമയം തന്നെ സുപ്രീം കോടതി വിധി എന്തുതന്നെയായാലും യുവതീ പ്രവേശനം അനുവദിക്കില്ലെന്ന നിലപാടിലാണ് ഹൈന്ദവ സംഘടനകള്. കഴിഞ്ഞ ദിവസം തിരുവനനന്തപുരത്ത് നടന്ന അയ്യപ്പ ഭക്തരുടെ സംഗമത്തില് ഹിന്ദു ഐക്യവേദി നേതാവ് ശശികല ടീച്ചറും ആര്എസ്എസ് നേതാവ് വത്സന് തില്ലേങ്കേരിയും ഇക്കാര്യം വ്യക്തമാക്കുകയും ചെയ്യും. ഇതിന് പുറകേയാണ് തീവ്രവാദ സംഘടനകളുടെ ഭിഷണിയും. കാര്യങ്ങള് ഇങ്ങനെ പുരോഗമിക്കുമ്പോഴാണ് ആശ്വാസത്തിന് വക നല്കി ഡല്ഹിയില് നിന്നുള്ള റിപ്പോര്ട്ടുകള് വരുന്നത്.
ശബരിമല വിധിക്കെതിരായ റിട്ട് ഹര്ജികളും പുനപരിശോധന ഹര്ജികളും സുപ്രീംകോടതി ഇന്ന് പരിഗണിക്കാനിരിക്കെ 12 വര്ഷം മുമ്പ് പ്രായഭേദമന്യേ സ്ത്രീകള്ക്ക് പ്രവേശനം വേണമെന്നാവശ്യപ്പെട്ട് ഹര്ജി നല്കിയ അഞ്ച് ഹര്ജിക്കാരില് ഉറച്ചു നില്ക്കുന്നത് ഒരാള് മാത്രമാണ്.
2006 ല് ഹര്ജി നല്കുമ്പോള് ഇന്ത്യന് യങ് ലോയേഴ്സ് അസോസിയേഷന് ജനറല് സെക്രട്ടറിയായിരുന്ന ഭക്തി പ്രസീജ സേഥിയാണ് ഇപ്പോഴും നിലപാടിലുറച്ച് സ്ത്രീ പ്രവേഷനം വേണമെന്ന ഭരണഘടന ബെഞ്ചിന്റെ ഭൂരിപക്ഷ വിധിയെ പിന്തുണച്ചത്. ഭക്തി സേഥിയോടൊപ്പം സ്ത്രീ പ്രവേശനത്തിനായി ഹര്ജി നല്കിയിരുന്ന അന്നത്തെ സുപ്രീംകോടതി ബാര് അസോസിയേഷന് ട്രഷറര് ലക്ഷ്മി ശാസ്ത്രി, എക്സിക്യൂട്ടീവ് അംഗം പ്രേരണകുമാരി, സുധാപാല്, അല്കാശര്മ എന്നിവര് അന്തിമ വിധി വന്നപ്പോഴേക്കും നിലപാട് മാറ്റി. ജസ്റ്റിസ് ഇന്ദു മല്ഹോത്രയുടെ ന്യൂനപക്ഷ വിധിയെയാണ് പിന്തുണയ്ക്കുന്നതെന്ന് വ്യക്തമാക്കി. ഇതെല്ലാം വിജയ പ്രതീക്ഷയാണ് നല്കുന്നത്.
1987 ല് ശബരിമല ക്ഷേത്രത്തില് പോയ തെന്നിന്ത്യന് നടി ജയമാല 2006 ല് ആ വിവരം വെളിപ്പെടുത്തിയതിനെ തുടര്ന്ന് ശബരിമലയില് നടത്തിയ ശുദ്ധി കലശമാണ് തന്നെ കേസിലേക്ക് നയിച്ചതെന്ന് ഭക്തി പ്രസീജ സേഥി പറഞ്ഞു. ശുദ്ധീകരണം അംഗീകരിക്കാന് കഴിയാത്തതിനാല് വ്യക്തിപരമായി ഞാനാണ് കേസിന് മുന്കൈയ്യെടുത്തത് അവര് പറഞ്ഞു.
അതേസമയം ദേവസ്വം ബോര്ഡിന് കൊള്ളാവുന്ന അഭിഭാഷകര് കിട്ടാത്ത അവസ്ഥയാണ്. ശബരിമല യുവതീ പ്രവേശന വിഷയത്തില് സമര്പ്പിച്ച ഹര്ജികളില് സുപ്രീം കോടതിയില് ദേവസ്വം ബോര്ഡിന് വേണ്ടി ഹാജരാകില്ലെന്ന് അഭിഭാഷകന് ആര്യാമ സുന്ദരം തന്നെ പറഞ്ഞു. അതേ സമയം ആര്യാമ സുന്ദരം ബിഎച്ച്പിക്ക് വേണ്ടിയാണ് ഹാജരാകുന്നത്. ഇങ്ങനെ പ്രമുഖ അഭിഭാഷകരെല്ലാം തന്നെ ഒരു വികാരമായി ഭക്തര്ക്കൊപ്പം നില്ക്കുമ്പോള് വിജയത്തില് കുറഞ്ഞൊന്നും നേടില്ലെന്നാണ് ഡല്ഹിയില് നിന്നുള്ള റിപ്പോര്ട്ട് വരുന്നത്.
"
https://www.facebook.com/Malayalivartha
