വിവാദങ്ങള് കൊഴുക്കവേ മലകയറുന്ന അയ്യപ്പന്മാരെ കാത്തിരിക്കുന്നത് ദുരിതങ്ങളുടെ യാത്ര; വാഹന പാസ് മുതല് കൂടിയ നിരക്കുവരെ അനുഭവിച്ച് ശബരിമലയിലെത്തിയാലോ? യുവതികളെ കയറ്റാതിരിക്കാനായി ഹൈന്ദവ സംഘടനകളും എന്ത് വില കൊടുത്തും കയറ്റാന് സര്ക്കാരും ശ്രമിക്കുമ്പോള്...
വരുന്ന മണ്ഡലകാലം ഭക്തരെ സംബന്ധിച്ചടുത്തോളം ദുരിതങ്ങളുടെ കാലമാണ് സമ്മാനിക്കുക. അരാജകത്വം നിറഞ്ഞ ശബരിമല യാത്രയില് വേണ്ടത്ര സൗകര്യങ്ങളില്ലെന്ന് മാത്രമല്ല വന് നിരക്കു വര്ധവുമാണ് കാത്തിരിക്കുന്നത്. അത് ബസ്ചാര്ജ് മുതല് ഭക്ഷണം വരെയാകുന്നു.
ശബരിമല നട തുറക്കാനിരിക്കെ അയ്യപ്പന്മാര്ക്ക് മുന്നില് നിബന്ധനകളുടെയും നിയന്ത്രണങ്ങളുടെയും നീണ്ട നിരയാണുള്ളത്. വാഹന പാസാണ് ഏറ്റവും ഒടുവില് വന്നത്
പ്രളയത്തില് പമ്പയിലുണ്ടായ നാശത്തിനു ശേഷം തീര്ഥാടക വാഹനങ്ങള് നിലയ്ക്കല് വരെ മാത്രമെന്ന നിബന്ധന കന്നിമാസ പൂജ മുതല് നടപ്പാക്കി. മല കയറുംമുമ്പും ഇറങ്ങികഴിഞ്ഞും അയ്യപ്പന്മാര് വിരിവെക്കേണ്ടത് നിലയ്ക്കലിലാകും. പമ്പയില് അധിക സമയം തങ്ങാന് അനുവദിക്കില്ല. കക്കൂസ് അടക്കമുള്ളവ പരിമിതമായതാണ് കാരണം. നിലയ്ക്കലിലെത്തുന്നവര് അവിടെ നിന്ന് കെ എസ് ആര്ടി സി ബസില് പമ്പയിലേക്കു പോകണം. പമ്പ ബസില് വരുന്നവര്ക്ക് നേരെ പമ്പയിലേക്ക് പോകാം. നിലയ്ക്കലില് ഇറങ്ങേണ്ടതില്ല
നിലയ്ക്കലിലേക്ക് വരുന്ന എല്ലാ വാഹനങ്ങളും പുറപ്പെടുന്ന ഇടത്തെ പോലീസ് സ്റ്റേഷനില് നിന്ന് പാസ് വാങ്ങി മുന് വശത്തെ ഗ്ലാസില് പതിക്കണം. ഇതുണ്ടെങ്കിലേ നിലയ്ക്കല് പാര്ക്കിങ്ങ് അനുവദിക്കൂ പാസ് ഇല്ലാത്ത ഇതര സംസ്ഥാന വാഹനങ്ങള് നിലയ്ക്കല് സ്റ്റേഷനിലെത്തി അവിടെ അറിയിച്ച് പാസ് വാങ്ങണം. ടാക്സി ഡ്രൈവര്മാരുടെ യൂണിയനുകളും മറ്റും ഈ തീരുമാനത്തില് ആശങ്ക അറിയിച്ചിട്ടുണ്ട്.
നിലയ്ക്കല് പമ്പ കെഎസ്ആര്ടിസി ബസ് നിരക്ക് 31 രൂപയായിരുന്നത് കന്നിമാസ പൂജാകാലം മുതല് 40 രൂപയാക്കി. വര്ദ്ധന ഹൈക്കോടതി അംഗീകരിച്ചു. 100 സാധാരണ ബസുകളും 150 എസി ബസുകളാണ് വരുന്നത്. എസി ബസിന് 75 രൂപയാണ് നിരക്ക്. ഒരു മിനിറ്റ് ഇടവിട്ട് ചെയിന് സര്വീസ് ഉണ്ടാകും
www.sabarimalaq.com എന്ന സൈറ്റിലൂടെ ബസ് ടിക്കറ്റും ശബരിമല ദര്ശനത്തിനുള്ള സമയം ഉറപ്പാക്കുന്ന വെര്ച്വല് ക്യൂവിലും ഇടം ഉറപ്പിക്കാം. ഓണ്ലൈന് പറ്റാത്തവര്ക്ക് നിലയ്ക്കല് പ്രത്യേക കൗണ്ടര് ഉണ്ടാകും. നിലയ്ക്കല് പമ്പ യാത്ര കെഎസ്ആര്ടിസി വഴി മാത്രമാക്കിയതിനാല് തീര്ഥാടക നിയന്ത്രണം എളുപ്പമാകും., പമ്പ സന്നിധാനം എന്നിവിടങ്ങളിലെ തിരക്ക് പരിഗണിച്ച് നിലയ്ക്കല് തീര്ഥാടകരെ തടയും
അമിത നിയന്ത്രണം തീര്ഥാടകരുടെ വലയ്ക്കുമെന്ന് ദേവസ്വം ബോര്ഡ് ആശങ്കപ്പെടുന്നു. പല ടൂറിസ്റ്റ് ഓപ്പറേറ്റര്മാരെയും വിളിച്ച് തീര്ഥാടക സംഘങ്ങള് ബുക്കിങ്ങ് റദ്ദാക്കിയിട്ടുണ്ട്
എല്ലാ തീര്ഥാടകര്ക്കും തിരിച്ചറിയല് കാര്ഡ് വേണമെന്ന് ചിത്തിര ആട്ട വിശേഷ സമയത്ത് പോലീസ് പറഞ്ഞിരുന്നു. പരിശോധനയ്ക്കായി ആവശ്യപ്പെട്ടാല് കാര്ഡ് കാണിക്കണം. നടന്നു വരുന്നവര്ക്കും കാര്ഡ് വേണ്ടി വരും. മുമ്പ് വെര്ച്വല് ക്യൂ വഴി വരുന്നവര്ക്കായിരുന്നു കാര്ഡ് നിര്ബന്ധം. പമ്പ നിലയ്ക്കല് സന്നിധാനം എന്നിവിടങ്ങളില് ജോലി ചെയ്യുന്ന എല്ലാവര്ക്കും തിരിച്ചറിയല് കാര്ഡൂം പോലീസ് അനുമതിയും വേണം
പ്രധാന ഇടത്താവളമായതിനാല് നിലയ്ക്കല് അന്നദാനം അനിവാര്യം. ഇതില് ദേവസ്വം ബോര്ഡ് തീരുമാനമായിട്ടില്ല. ദിവസം ഒരു ലക്ഷം തീര്ഥാടകര് വരെ നിലയ്ക്കല് എത്തുമെന്നാണ് കണക്ക്. പമ്പയില് അന്നദാന മണ്ഡപത്തിന്റെ തകരാര് തീര്ക്കുന്നതേയുള്ളൂ. കുപ്പി വെള്ളത്തിന് നിലയ്ക്കല്, പമ്പ സന്നിധാനം എന്നിവിടങ്ങളില് മുമ്പേ വിലക്കുണ്ട്. പാത്രങ്ങള് കരുതണം
തീര്ഥാടക വാഹനങ്ങള് എരുമേലി, എംഇഎസ് ജങ്ഷന്, ഇലവുങ്കല്, നിലയ്ക്കല് വടശേരിക്കര എന്നിവിടങ്ങളില് പോലീസ് പരിശോധിക്കും.മണ്ഡലകാലത്ത് തിരക്കേറിയ സമയത്ത് ഇത്തരം പരിശോധന തീര്ഥാടകരെ വലച്ചേക്കും.
"
https://www.facebook.com/Malayalivartha
