ശബരിമല യുവതി പ്രവേശന വിഷത്തില് സര്ക്കാര് പിടിവാശി ഉപേക്ഷിക്കണമെന്ന് പ്രതിപക്ഷ നേതാവ് രമേശ് ചെന്നിത്തല
ശബരിമല യുവതി പ്രവേശന വിഷത്തില് സര്ക്കാര് പിടിവാശി ഉപേക്ഷിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. സര്ക്കാരിന് വിവേക പൂര്വം പ്രവര്ത്തിക്കാന് ലഭിച്ച അവസരമാണ് ഇതെന്നും അദ്ദേഹം പറഞ്ഞു. ശബരിമലയില് പ്രായഭേദമന്യേ സ്ത്രീകള്ക്ക് പ്രവേശിക്കാമെന്ന കോടതി വിധി അടിച്ചേല്പ്പിക്കാന് എന്തിനാണ് സര്ക്കാര് തയ്യാറാകുന്നത്.
വിധിയുടെ പകര്പ്പ് ലഭിക്കുന്നതിനു മുന്പുതന്നെ നടപ്പാക്കാന് സര്ക്കാര് തയ്യാറാകുകയായിരുന്നുവെന്നും അദ്ദേഹം വാര്ത്താസമ്മേളനത്തില് പറഞ്ഞു. സര്വകക്ഷി യോഗം വിളിക്കാന് താനും കെപിസിസി അധ്യക്ഷനും ആവശ്യപ്പെട്ടിരുന്നു. എന്നാല് സര്ക്കാര് അതിന് തയ്യാറായില്ല. ശബരിമലയിലുണ്ടായ കലാപങ്ങളുടെ ഉത്തരവാദിത്വം സര്ക്കാരിനാണ്.
രണ്ട് തവണ ശബരിമലയില് നട തുറന്നപ്പോള് അനിഷ്ടസംഭവങ്ങള് ഉണ്ടാക്കുന്നത് തടയാന് സര്ക്കാരിന് സാധിച്ചില്ലെന്നും അദ്ദേഹം കുറ്റപ്പെടുത്തി. രണ്ട് തവണയും ശബരിമല ആര്എസ്എസിന്റെ നിയന്ത്രണത്തിലായിരുന്നു. സര്ക്കാര് ശബരിമലയെ ആര്എസ്എസിന്റെ അഴിഞ്ഞാട്ടത്തിന് വിട്ടുകൊടുത്ത സ്ഥിതിയാണ് ഉണ്ടായത്. ശബരിമലയെ കലാപഭൂമിയാക്കിയതിന്റെ ഉത്തരവാദിത്വം സിപിഎമ്മിനും ബിജെപിക്കും ആര്എസ്എസിനുമാണെന്നും ചെന്നിത്തല കുറ്റപ്പെടുത്തി.
https://www.facebook.com/Malayalivartha
