ഡിവൈഎ​സ്പി ഹ​രി​കു​മാ​റി​നെ മാ​ധ്യ​മ​ങ്ങ​ൾ വേ​ട്ട​യാ​ടി കൊ​ന്ന​താ​ണെ​ന്ന് ആ​രോ​പി​ച്ച് കു​ടും​ബം രം​ഗ​ത്ത്. ഹ​രി​കു​മാ​റി​ന്‍റെ ജേഷ്ഠ പുത്രി ഗാഥാ മാധവാണ് ഇത്തരമൊരു ആരോപണവുമായി രംഗത്ത് വന്നിരിക്കുന്നത്. ഫേസ്ബുക്കിലൂടെയാണ് ആരോപണം ഉന്നയിച്ചിരിക്കുന്നത്. ഹ​രി​കു​മാ​റി​നെ​ക്കു​റി​ച്ച് മാ​ധ്യ​മ​ങ്ങ​ളി​ലൂ​ടെ വ​ന്ന വാ​ർ​ത്ത​ക​ൾ നി​റം പി​ടി​പ്പി​ച്ച നു​ണ​ക​ളാ​ണെ​ന്ന് ഗാഥ പറയുന്നു. മാ​സ​പ്പ​ടി​യാ​യി വാ​ങ്ങു​ന്ന 50 ല​ക്ഷ​ത്തി​ന്‍റെ ക​ണ​ക്ക്, മൂ​ന്നാ​റി​ൽ ഉ​ണ്ടെ​ന്നു പ​റ​യു​ന്ന 300 ഏ​ക്ക​റി​ന്‍റെ രേ​ഖ​ക​ൾ അ​ദ്ദേ​ഹ​ത്തി​നെ​തി​രെ ഇ​ന്‍റ​ലി​ജ​ൻ​സ് ന​ൽ​കി​യ റി​പ്പോ​ർ​ട്ടു​ക​ൾ കൈ​ക്കൂ​ലി വാ​ങ്ങി​യ​തി​ന്‍റെ തെ​ളി​വു​ക​ളെ​ല്ലാം പു​റ​ത്തു​വി​ടണമെന്ന് ഗാഥ ഫേസ്ബുക് പോസ്റ്റിലൂടെ പറയുന്നു.

ഫേസ്ബുക് പോസ്റ്റിന്റെ പൂർണ രൂപം ഇങ്ങനെ;

 നിങ്ങൾ കൊന്നതാണ്. 

കൊലപാതകി എന്ന് വിളിച്ച്, വിചാരണ ചെയ്ത്, നുണ പറഞ്ഞ്.
മനപൂർവവം അല്ലാത്ത നരഹത്യ യിൽ ഒതുങ്ങേണ്ടത്തിനെ ദൃക്സാകഷികൾ പറയുന്നത് പോലും കേൾക്കാതെ നിങ്ങള് ക്രൂശിച്ചു. സംഭവം കണ്ട് നിന്ന കുട്ടി ഇവിടെ ചങ്ക് പൊട്ടി കരയുന്നുണ്ട്.
എല്ലാ സംഭവത്തിനും രണ്ടു വശമുണ്ടെന്ന്, ഡിവൈഎസ്പി ക്കും പറയാനുണ്ടാകും എന്ന്, അയാളും മനുഷ്യൻ ആണെന്ന്, അയാൾക്കും കുടുംബം ഉണ്ടെന്ന് ഒന്നും നിങ്ങൾ ചിന്തിച്ചില്ല..
ഞാൻ വെല്ലു വിളിക്കുന്നു, മാസം വാങ്ങുന്നു എന്ന് പറഞ്ഞ 50 ലക്ഷം രൂപക്ക്, മൂന്നാറിലെ 300 എക്കറിന്, അയാൾക്കെതിരെ ഉള്ള intelligence റിപ്പോർട്ടുകൾക്ക്, കൈക്കൂലി വാങ്ങിയതിന് ഒക്കെ വ്യക്തമായ തെളിവുകൾ നിങ്ങൾക്കാർക്കെങ്കിലും ഹാജർ ആക്കാമോ?
മാധ്യമങ്ങളോട്, നിങ്ങള് കൊന്നതാണ്.
നിങ്ങള് പറഞ്ഞ കൊടും കുറ്റവാളി, എന്റെ എല്ലാം എല്ലാമായ ചിറ്റപ്പൻ, ആകെയുള്ള ഒരു വീടിന്റെ മുറ്റത്ത്, മകന്റെ കല്ലറക്ക് അടുത്ത്, ഏരിഞ്ഞടങ്ങുന്നുണ്ട്.