ശബരിമല യുവതി പ്രവേശന വിഷയത്തിൽ ക​ല​ക്ക​വെ​ള്ള​ത്തി​ല്‍ മീ​ന്‍ പി​ടി​ക്ക​രു​തെ​ന്ന് ഹ​ര്‍​ജി​ക്കാ​രോ​ട് ഹൈ​ക്കോ​ട​തിയുടെ നിർദ്ദേശം. ശ​ബ​രി​മ​ല​യി​ലെ​ത്തു​ന്ന ഭ​ക്ത​രു​ടെ വാ​ഹ​ന​ങ്ങ​ള്‍​ക്കു ലോ​ക്ക​ല്‍ പോ​ലീ​സി​ല്‍​നി​ന്നു പാ​സെ​ടു​ക്ക​ണ​മെ​ന്ന നി​ര്‍​ദേ​ശം സു​ര​ക്ഷ മു​ന്‍​നി​ര്‍​ത്തി​യാ​ണ് സ​ര്‍​ക്കാ​ര്‍ കൊ​ണ്ടു​വ​ന്ന​തെ​ന്ന് ഹൈ​ക്കോ​ട​തി. ഇ​ത് തെ​റ്റാ​ണെ​ന്ന് പ​റ​യാ​നാ​കി​ല്ലെന്നും കോ​ട​തി ഹ​ര്‍​ജി​ക്കാ​രോ​ട് നിര്‍ദേശിച്ചു.

തി​ര​ശീ​ല​യ്ക്ക് പി​ന്നി​ല്‍ ചി​ല​ര്‍ കു​ഴ​പ്പ​മു​ണ്ടാ​ക്കാ​ന്‍ ശ്ര​മി​ക്കു​ന്നു​ണ്ടാ​കും, അ​ത് ത​ട​യ​ണ​മെ​ന്നും കോ​ട​തി ആവശ്യപ്പെട്ടു. ഇ​ത്ത​ര​മൊ​രു നി​യ​ന്ത്ര​ണം സ്വ​ത​ന്ത്ര​മാ​യി സ​ഞ്ച​രി​ക്കാ​നു​ള്ള അ​വ​കാ​ശം നി​ഷേ​ധി​ക്കു​ന്ന​താ​ണെ​ന്നും കേ​ര​ള പോ​ലീ​സ് ആ​ക്ടി​നും മോ​ട്ടോ​ര്‍ വെ​ഹി​ക്കി​ള്‍ നി​യ​മ​ത്തി​നും വി​രു​ദ്ധ​മാ​യ നി​ര്‍​ദേ​ശ​മാ​ണി​തെ​ന്നു​മാ​യി​രു​ന്നു ഹ​ര്‍​ജി​ക്കാ​രു​ടെ വാ​ദം. ശ​ബ​രി​മ​ല ക്ഷേ​ത്ര​ത്തി​ന്‍റെ കാ​ര്യ​ത്തി​ല്‍ മാ​ത്ര​മാ​ണ് ഇ​ത്ത​ര​മൊ​രു നി​ല​പാ​ട് എ​ടു​ത്തി​ട്ടു​ള്ള​ത് ഡി​വി​ഷ​ന്‍ ബെ​ഞ്ച് ചൊ​വ്വാ​ഴ്ച നി​രീ​ക്ഷി​ച്ചി​രു​ന്നു. ശ​ബ​രി​മ​ല​യ്ക്കു പോ​ക​ണ​മെ​ന്നു​ണ്ടെ​ങ്കി​ല്‍ പോ​ലീ​സി​ല്‍​നി​ന്നു പാ​സ് വാ​ങ്ങ​ണം. നി​യ​മ​വാ​ഴ്ച​യും ക്ര​മ​സ​മാ​ധാ​ന നി​ല​യും ഉ​റ​പ്പാ​ക്കാ​ന്‍ കൊ​ണ്ടു​വ​ന്ന നി​യ​ന്ത്ര​ണ​ത്തി​ല്‍ കു​റ്റം പ​റ​യാ​ന്‍ ക​ഴി​യി​ല്ലെ​ന്നും ഡി​വി​ഷ​ന്‍ ബെ​ഞ്ച് വാ​ക്കാ​ല്‍ അ​ഭി​പ്രാ​യ​പ്പെ​ട്ടി​രു​ന്നു.

അതേസമയം ശബരിമലയില്‍ യുവതീപ്രവേശനമാകാമെന്ന വിധിക്കു സ്‌റ്റേ ഇല്ലെന്നു വീണ്ടും സുപ്രീംകോടതി. പുനഃപരിശോധനാ ഹര്‍ജികള്‍ ജനുവരി 22ന് മുമ്ബ് പരിഗണിക്കണമെന്ന ആവശ്യം കോടതി തള്ളി. ഹര്‍ജികള്‍ പരിഗണിക്കില്ലെന്ന് ചീഫ് ജസ്റ്റിസ് രഞ്ജന്‍ ഗൊഗോയ് വ്യക്തമാക്കി. ഹര്‍ജിക്കാരി ഷൈലജ വിജയന്റെ അഭിഭാഷകന്‍ വിഷയം ഉന്നയിച്ചപ്പോഴായിരുന്നു ചീഫ് ജസ്റ്റിസിന്റെ ഈ പ്രതികരണം.

ജനുവരി 22ന് മുന്‍പ് പുന:പരിശോധനാ ഹര്‍ജി പരിഗണിക്കണമെന്നും മുഴുവന്‍ സ്ത്രീകള്‍ക്കും പ്രവേശനം അനുവദിച്ചുകൊണ്ടുള്ള വിധി സ്‌റ്റേ ചെയ്യണമെന്നുമുള്ള ആവശ്യമാണ് കോടതിക്കു മുമ്ബാകെ ഉന്നയിച്ചത്. എന്നാല്‍, പുനഃപരിശോധനാ ഹര്‍ജികള്‍ 22ന് മാത്രമേ പരിഗണിക്കൂ എന്നും അതുവരെ കാത്തിരിക്കണമെന്നും ചീഫ് ജസ്റ്റിസ് പറഞ്ഞു. ശബരിമലയില്‍ യുവതീപ്രവേശം അനുവദിച്ച ഭരണഘടനാ ബെഞ്ചിന്റെ വിധിയില്‍ പുനഃപരിശോധന ആവശ്യപ്പെട്ടുള്ള ഹര്‍ജികള്‍ ജനുവരി 22ന് തുറന്ന കോടതിയില്‍ പരിഗണിക്കാന്‍ സുപ്രീം കോടതി ചൊവ്വാഴ്ച തീരുമാനിച്ചിരുന്നു. യുവതീപ്രവേശം അനുവദിച്ച വിധിക്കു സ്‌റ്റേ ഇല്ലെന്ന് ചീഫ് ജസ്റ്റിസ് രഞ്ജന്‍ ഗൊഗോയ് അധ്യക്ഷനായ അഞ്ചംഗ ബെഞ്ച് കഴിഞ്ഞദിവസവും വ്യക്തമാക്കിയിരുന്നു.