രാജ്യത്തെ ഐക്യത്തോടെ നിര്ത്തുന്നതില് പാക്കിസ്താന് പരാജയപ്പെട്ടു; കശ്മീരിനെ പാക്കിസ്താന് ആവശ്യമില്ല ; കശ്മീരിനെ ഒരു സ്വതന്ത്ര രാജ്യമാകാൻ അനുവദിക്കണമെന്ന് ഷാഹിദ് അഫ്രീദി
കശ്മീര് വിഷയത്തില് വിവാദ പ്രസ്താവനയുമായി വീണ്ടും പാക്ക് ക്രിക്കറ്റ് താരം ഷാഹിദ് അഫ്രീദി. പാക്കിസ്താന്റെ ശെകവശമുള്ള നാല് പ്രവിശ്യകള് തന്നെ കൈകാര്യം ചെയ്യാന് സാധിക്കാത്ത സാഹചര്യത്തില് ജമ്മു കാശ്മീര് പാക്കിസതാന് ആവശ്യമില്ലെന്നാണ് പാക്കിസ്താന് പ്രധാനമന്ത്രി ഇമ്രാന് ഖാന് അഫ്രീദി ഉപദേശം നല്കിയിരിക്കുന്നത്. ലണ്ടനില് നടത്തിയ വാര്ത്താസമ്മേളനത്തിലാണ് അഫ്രീദി വിവാദ പ്രസ്താവന നടത്തിയിരിക്കുന്നത്.
കശ്മീരില് ജനങ്ങള് മരിക്കുന്നത് കാണുമ്പോള് വേദനയുണ്ട്. രാജ്യത്തെ ഐക്യത്തോടെ നിര്ത്തുന്നതില് പാക്കിസ്താന് പരാജയപ്പെട്ടു. കശ്മീരിനെ പാക്കിസ്താന് ആവശ്യമില്ല, അതുപോലെ തന്നെ ഇന്ത്യയ്ക്കും നല്കരുത്, കശ്മീരിനെ ഒരു സ്വതന്ത്ര രാജ്യമാക്കാന് അനുവദിക്കുക എന്ന് അഫ്രീദി പറഞ്ഞു.
നേരത്തെയും കശ്മീര് വിഷയത്തില് അഫ്രീദി നടത്തിയ പ്രതികരണം വിവാദമായിരുന്നു. കശ്മീരില് സ്വയംഭരണത്തിനും സ്വാതന്ത്ര്യത്തിനും വേണ്ടി പ്രവര്ത്തിക്കുന്നവരെ ഭരണകൂടം അടിച്ചമര്ത്തുന്നത് ആശാങ്കജനകമാണെന്ന് ഇക്കഴിഞ്ഞ ഏപ്രിലില് അഫ്രീദി പറഞ്ഞിരുന്നു. കശ്മീരിലെ രക്തച്ചൊരിച്ചില് അവസാനിപ്പിക്കാന് യുഎന് ഇടപെടല് ആവശ്യപ്പെട്ടും സോഷ്യല് മീഡിയയില് അഫ്രീദി ശബ്ദം ഉയര്ത്തിയിരുന്നു.
https://www.facebook.com/Malayalivartha
