മുന്വിധിയോടെ ഒരു സര്വകക്ഷി യോഗം.... ശബരിമല നാളെ നട തുറക്കാനിരിക്കെ സര്വകക്ഷിയോഗം പ്രഹസനമാകുമെന്ന് റിപ്പോര്ട്ട്; എല്ലാ രാഷ്ട്രീയ കക്ഷികളും സ്വന്തം നിലപാടില് ഉറച്ച് നില്ക്കുന്നതോടെ സമവായ സാധ്യതയില്ല; പരസ്പരം പഴിചാരി രക്ഷപ്പെടാന് സാധ്യത
ശബരിമല നട നാളെ തുറക്കാനിരിക്കെ നിര്ണായകമാകുന്നു ഇന്നതെ സര്വകക്ഷിയോഗം. ശബരിമല പുനഃപരിശോധനാഹര്ജികള് ജനുവരി 22ലേക്കു മാറ്റിവച്ച സുപ്രീം കോടതി നടപടിയുടെ പശ്ചാത്തലത്തില് ഇന്നുചേരുന്ന സര്വകക്ഷിയോഗത്തിലും സമവായ സാധ്യതയില്ല. ശബരിമലയില് യുവതീപ്രവേശനം അനുവദിച്ചുകൊണ്ടുള്ള വിധി സ്റ്റേ ചെയ്യാത്തതിനാല് സര്വകക്ഷിയോഗം പ്രഹസനമാകും.
വിധിക്കു സ്റ്റേ ഇല്ലാത്തതുകൊണ്ടുതന്നെ മണ്ഡലമകരവിളക്കുകാലത്തു യുവതികള് ദര്ശനത്തിനെത്തിയാല് സര്ക്കാര് സംരക്ഷണം നല്കേണ്ടിവരും. ശബരിമലയില് സംഘര്ഷമൊഴിവാക്കാന് മുന്കൈയെടുത്തില്ലെന്ന പഴി ഒഴിവാക്കാന് മാത്രമാണു മുഖ്യമന്ത്രി പിണറായി വിജയന് സര്വകക്ഷിയോഗം വിളിച്ചിരിക്കുന്നത്.
സമരരംഗത്തുള്ള സാമുദായികസംഘടനകളെ അനുനയിപ്പിച്ച്, ബി.ജെ.പിയെ ഒറ്റപ്പെടുത്തുക എന്നതാണു സര്ക്കാരിന്റെ മുഖ്യലക്ഷ്യം. പുനഃപരിശോധനാഹര്ജികളില് സുപ്രീം കോടതിയുടെ അന്തിമവിധി വരുന്നതുവരെ യുവതീപ്രവേശനം അനുവദിക്കരുതെന്നാണു സമരരംഗത്തുള്ളവരുടെ ആവശ്യം. ഇതു സംബന്ധിച്ചു സര്വകക്ഷിയോഗത്തില് കോണ്ഗ്രസിന്റെ നിലപാടാണു മുഖ്യമന്ത്രി ഉറ്റുനോക്കുന്നത്.
സമരരംഗത്തുനിന്നു കോണ്ഗ്രസ് പിന്വാങ്ങിയാല് ബി.ജെ.പിയെ ഒറ്റപ്പെടുത്താമെന്നാണു സി.പി.എമ്മിന്റെയും സര്ക്കാരിന്റെയും നിലപാട്.
എന്നാല്, ഭൂരിപക്ഷവിഭാഗങ്ങള് പാര്ട്ടിയില്നിന്ന് അകന്നുനില്ക്കുന്ന സാഹചര്യത്തില് വിട്ടുവീഴ്ചയ്ക്കു കഴിയാത്ത അവസ്ഥയിലാണു കോണ്ഗ്രസ്. വിശ്വാസം ഹനിക്കാതെ, ശബരിമലയില് സംഘര്ഷം ഒഴിവാക്കണമെന്ന നിലപാടാകും യോഗത്തില് കോണ്ഗ്രസ് സ്വീകരിക്കുക.
ശബരിമല പ്രക്ഷോഭത്തിന്റെ പൂര്ണനിയന്ത്രണം ബി.ജെ.പിക്കല്ലെന്ന വിലയിരുത്തലാണു സി.പി.എമ്മിനും സര്ക്കാരിനുമുള്ളത്. സമരം നയിക്കുന്നതു രാഷ്ട്രീയത്തിന് അതീതമായ ഹിന്ദു സംഘടനകളാണ്.
ഇവരില് പിന്നാക്കവിഭാഗങ്ങളെ ഒപ്പം നിര്ത്താന് സര്ക്കാരിനു കഴിഞ്ഞിട്ടുണ്ട്. ഭൂരിപക്ഷവിഭാഗത്തെയും അനുനയിപ്പിക്കുകയാണു സര്വകക്ഷിയോഗത്തിലൂടെ സര്ക്കാര് ലക്ഷ്യമിടുന്നത്. എന്നാല്, ശബരിമല പ്രക്ഷോഭത്തിന്റെ ജനപിന്തുണ കണ്ടു ഭയന്നാണു സര്ക്കാര് സര്വകക്ഷിയോഗത്തിനു തയാറായതെന്നാണു ബി.ജെ.പിയുടെ നിലപാട്. സമവായത്തിലൂടെ പ്രശ്നം അവസാനിപ്പിക്കുന്നതു ബി.ജെ.പിക്കു തിരിച്ചടിയാകും. അതിനാല് ഒരു വിട്ടുവീഴ്ചയ്ക്കും തയാറാകില്ല.
സമവായസാധ്യതയില്ലെന്ന ബോധ്യത്തോടെതന്നെയാണു മുഖ്യമന്ത്രിയും യോഗം വിളിച്ചിരിക്കുന്നത്. അങ്ങനെയെങ്കില് ശബരിമല വിഷയം ക്രമസമാധാനപ്രശ്നമായി കൈകാര്യം ചെയ്യാനാണു സര്ക്കാര് നീക്കം.
"
https://www.facebook.com/Malayalivartha
