പേഴ്സണല് സ്റ്റാഫിനെ കൊണ്ട് ഇങ്ങനെ ചെയ്യിക്കാമോ മന്ത്രി ഭാര്യേ? മന്ത്രിയുടെ ഭാര്യയടക്കം അഞ്ചു പേര്ക്കെതിരെ എഫ്ഐആര്; അച്ചാമ്മ അലക്സ് തന്നോട് മരുമകന്റെ ഷൂസ് പോളീഷും മറ്റു വീട്ടുജോലിയും ചെയ്യാന് ആവശ്യപ്പെട്ടു; മറ്റുള്ളവര് കേട്ടു നില്ക്കെ അവര് ജാതി പറഞ്ഞ് അധിക്ഷേപിച്ചു
അയ്യപ്പ കോപം മന്ത്രിമാരെ കൂട്ടത്തോടെ പിടിപെടും പോലെയാണ്. ശബരിമല വിഷയത്തിന് പുറകെ ഒന്നൊന്നായി മന്ത്രിമാര് വെട്ടിലായിരിക്കുകയാണ്. ഇത്തവണ പെട്ടുപോയത് മന്ത്രി മാത്യു ടി തോമസാണ്. മുന് ജീവനക്കാരിയുടെ പരാതിയില് മന്ത്രി മാത്യു ടി തോമസിന്റെ ഭാര്യയ്ക്കും നാല് ജീവനക്കാര്ക്കുമെതിരെ പോലീസ് കോടതിയില് എഫ്ഐആര് സമര്പ്പിച്ചു. മന്ത്രിയുടെ ഭാര്യ അച്ചാമ്മ അലക്സ്, ജീവനക്കാരായ അനുഷ, മൈമുന, സുശീല, സതീശന് എന്നിവര്ക്കെതിരെയാണ് കോടതി നിര്ദ്ദേശആനുസരണം അന്വേഷണം നടത്തിയ മ്യൂസിയം പോലീസ് ജില്ല സെഷന്സ് കോടതിയില് എഫ്ഐആര് സമര്പ്പിച്ചത്.
മന്ത്രിയുടെ പേഴ്സണല് സ്റ്റാഫായിരുന്ന ഉഷ രാജേന്ദ്രന് സമര്പ്പിച്ച ഹര്ജിയില് പട്ടികജാതി വര്ഗക്കാര്ക്കെതിരായ അതിക്രമം തടയല് നിയമ പ്രകാരം കോടതി അന്വേഷണത്തിന് ഉത്തരവിട്ടിരുന്നു.
ക്ലിഫ് ഹൗസിനു സമീപം ഔദ്യോഗിക വസതിയായ പ്രശാന്തിയില് വെച്ച് തനിക്ക് മാനസിക പീഡനം ഏല്ക്കേമ്ടി വന്നെന്നായിരുന്നു ഉഷാ രാജേന്ദ്രന്റെ പരാതി. അച്ചാമ്മ അലക്സ് തന്നോട് മരുമകന്റെ ഷൂസ് പോളീഷും മറ്റു വീട്ടുജോലിയും ചെയ്യാന് ആവശ്യപ്പെട്ടിരുന്നു. മറ്റുള്ളവര് കേട്ടു നില്ക്കെ അവര് ജാതി പറഞ്ഞ് അധിക്ഷേപിച്ചു. അതിനു ശേഷം താന് ജോലി രാജി വെച്ചു,. തനിക്കെതിരെ വ്യാജ മോഷണ കുറ്റം ചുമത്തി പോലീസില് പരാതി നല്കിയെന്നും ഉഷ പരാതിയില് ആരോപിച്ചിരുന്നു.
തിരുവനന്തപുരം കന്റോണ്മെന്റ് അസി. കമ്മീഷണറുടെ നിര്ദ്ദേശാനുസരണം മ്യൂസിയം എസ്എച്ച് പ്രശാന്താണ് അന്വേഷിച്ച് എഫ്ഐആര് സമര്പ്പിച്ചത്.
"
https://www.facebook.com/Malayalivartha
