ശബരിമല വിഷയത്തില് വീണ്ടും മലക്കം മറിഞ്ഞ് എസ്എന്ഡിപി ജനറല് സെക്രട്ടറി വെള്ളാപ്പള്ളി നടേശന് , ശബരിമലയെയും ആത്മീയതയെയും വിശ്വാസത്തെയും ആയുധമാക്കി രണ്ടാം വിമോചന സമരം ആഗ്രഹിക്കുന്നവര് ശ്രമിക്കുന്നത് ക്ഷേത്രങ്ങളില് ആധിപത്യം സ്ഥാപിക്കാന്
വീണ്ടും സര്ക്കാരിന് പിന്തുണയുമായി വെള്ളാപ്പള്ളി. ക്ഷേത്രങ്ങളില് ആധിപത്യം സ്ഥാപിക്കാനും നിലനിര്ത്താനുമുള്ള ശ്രമമാണ് ശബരിമലയെയും ആത്മീയതയെയും വിശ്വാസത്തെയും ആയുധമാക്കി രണ്ടാം വിമോചനസമരം ആഗ്രഹിക്കുന്നവര് നടത്തുന്നതെന്ന് വെള്ളാപ്പള്ളി. കോടതിവിധി എന്തായാലും നടപ്പാക്കുമെന്ന സര്ക്കാര് നിലപാട് ഭരണഘടനാപരമാണെന്നും എന്നിട്ടും സര്ക്കാരിനെതിരെ സമരംചെയ്യുന്നവരുടേത് ഭക്തിയല്ലായെന്ന് ശബരിമലയിലെ കലാപനീക്കം തെളിയിച്ചുവെന്നും വെള്ളാപ്പള്ളി തുറന്നടിച്ചു
അധഃസ്ഥിത പിന്നോക്ക ജനവിഭാഗങ്ങള് ചവിട്ടേല്ക്കാനും തൊഴാനും മാത്രമുള്ളവരെന്നത് തിരുത്തിക്കുറിക്കാനാണ് പൂര്വികര് പരിശ്രമിച്ചത്. ആചാരങ്ങളുടെയും ദൈവനിശ്ചയങ്ങളുടെയും പേരിലാണ് അധഃസ്ഥിതരെയും പിന്നോക്കക്കാരെയും അകറ്റിയതും അടിമകളാക്കിയതും. വരേണ്യവര്ഗത്തിന്റെ തന്ത്രമാണ് ഇതിനെല്ലാം പിന്നില്.
ശബരിമല സ്ത്രീപ്രവേശനത്തിലെ സുപ്രീംകോടതിവിധി സര്ക്കാരിനെതിരെ ആയുധമാക്കുന്നതിലും ഈ തന്ത്രമാണ്. വേഗത്തില് വിശ്വാസികളെ സര്ക്കാരിനെതിരെ അണിനിരത്താനുള്ള ആയുധമാണ് വിശ്വാസവും നാമജപവും.
1957ലെ കമ്യൂണിസ്റ്റ് സര്ക്കാരിനെതിരെ പ്രയോഗിച്ചതും ഈ തന്ത്രമാണ്. ഭൂപരിഷ്കരണവും വിദ്യാഭ്യാസ പരിഷ്കാരവും നടപ്പാക്കിയത് വരേണ്യവര്ഗത്തിന് ഇഷ്ടപ്പെടാതായപ്പോഴാണ് സമരം സംഘടിപ്പിച്ചതും സര്ക്കാരിനെ പരിച്ചുവിട്ടതും. എസ്എന്ഡിപി യോഗം നേതാവ് ആര് ശങ്കറിനെ കെപിസിസി പ്രസിഡന്റാക്കി സമരംന യിച്ചത് പിന്നോക്കക്കാരുടെ പിന്തുണ നേടാനായിരുന്നു. പക്ഷെ, തുടര്ന്ന് അദ്ദേഹത്തിന് മുഖ്യമന്ത്രിപദം നല്കാതെ വരേണ്യവര്ഗം തന്ത്രപരമായി കളിച്ചു. പില്ക്കാലത്ത് മുഖ്യമന്ത്രിയായ ആര് ശങ്കറിനെ മുട്ടുന്യായംപറഞ്ഞ് പുറത്താക്കി.
ഈ ചരിത്രം അറിയാത്ത പുതുതലമുറയെ വിശ്വാസത്തിന്റെ പേരില് അണിനിരത്തി രാഷ്ട്രീയ മുതലെടുപ്പിനാണ് ശ്രമം. ബിജെപിയും കോണ്ഗ്രസും ഇക്കാര്യത്തില് ഒന്നിച്ചു. സുപ്രീംകോതിവിധി നടപ്പാക്കുകയെന്ന കടമയാണ് പിണറായി സര്ക്കാര് നിറവേറ്റുന്നത്. വിധി നിയമപരമായി ചോദ്യംചെയ്യുന്നതിന് പകരം സമരവുമായി ഇറങ്ങിയതിന് പിന്നില് ഭക്തിയല്ല, വരേണ്യവര്ഗ രാഷ്ട്രീയമാണ്. കോടതിവിധി എന്തായാലും നടപ്പാക്കുമെന്ന സര്ക്കാര് നിലപാട് ഭരണഘടനാപരമാണ്.
എന്നിട്ടും സര്ക്കാരിനെതിരെ സമരംചെയ്യുന്നവരുടേത് ഭക്തിയല്ലായെന്ന് ശബരിമലയിലെ കലാപനീക്കം തെളിയിച്ചു. സ്ത്രീകളുടെ പ്രായവും ഇരുമുടിക്കെട്ടും പരിശോധിച്ചത് ശബരിമലയിലെ ശാന്തിയും സമാധാനവും തകര്ക്കാനാണ്. പുനഃപരിശോധനാ ഹര്ജികളില് സുപ്രീംകോടതിയുടെ തീരുമാനം വന്നിട്ടും സമരക്കാര് പിന്തിരിയാന് തയ്യാറാകാത്തത് അവരുടെ രാഷ്ട്രീയ ലക്ഷ്യമാണ് ആവര്ത്തിക്കുന്നത്. ക്ഷേത്രപ്രവേശന വിളംബരം 82 വര്ഷം പിന്നിട്ടെങ്കിലും യഥാര്ഥ ആരാധനാ സ്വാതന്ത്ര്യം ഇപ്പോഴും യാഥാര്ഥ്യമായിട്ടില്ല. അബ്രാഹ്മണരെ പ്രധാനപ്പെട്ട ഒരുക്ഷേത്രത്തിലും പൂജാരിയാക്കിയിട്ടില്ല.
ക്ഷേത്രത്തില് ദൈവദശകം ആലപിച്ച സ്ത്രീയെ തല്ലിയതിനും അബ്രാഹ്മണശാന്തിയെ ക്ഷേത്രത്തില് കയറ്റാതിരുന്നതിനും തൊട്ടുകൂടായ്മ നിലനില്ക്കുന്നതിനും എതിരെ ശബ്ദിക്കാന് ഹിന്ദുക്കളെ കണ്ടില്ല. കൊച്ചിന് ദേവസ്വത്തില് പിന്നോക്കക്കാരെ ശാന്തിമാരാക്കിയ ബോര്ഡിനെയും സര്ക്കാരിനെയും അഭിനന്ദിക്കുന്നു വെള്ളാപ്പള്ളി പറഞ്ഞു.
" f
https://www.facebook.com/Malayalivartha