വിവാദ വെളിപ്പെടുത്തലുമായി വെള്ളാപ്പള്ളി നടേശന്‍... ശബരിമലയുമായി ബന്ധപ്പെട്ടുള്ള സമരങ്ങള്‍ക്കു പിന്നില്‍ രാജാവും തന്ത്രിയും ഒരു സമുദായവും
ശബരിമല യുവതീ പ്രവേശന വിഷയത്തില്‍ ഉയരുന്ന പ്രതിഷേധങ്ങള്‍ക്കെതിരെ എസ്എന്‍ഡിപി യോഗം സെക്രട്ടറി വെള്ളാപ്പള്ളി. ശബരിമലയുമായി ബന്ധപ്പെട്ടുള്ള സമരങ്ങള്‍ക്കു പിന്നില്‍ രാജാവും തന്ത്രിയും ഒരു സമുദായവുമാണെന്നും മറ്റുള്ളവരെല്ലാം തെറ്റിദ്ധരിക്കപ്പെട്ട് ഇറങ്ങിയവരാണെന്നുമാണ് വെള്ളാപ്പള്ളി പറയുന്നത്. പുതിയ സാഹചര്യത്തില്‍ വിവേകമുള്ളവര്‍ സമരം അവസാനിപ്പിച്ച് സമാധാനത്തിനായി ശ്രമിക്കണമെന്നും സര്‍ക്കാര്‍ വിളിച്ച ചര്‍ച്ചകളില്‍ വിവേകത്തോടെ പങ്കെടുക്കണമെന്നുമാണ് അദ്ദേഹം പറഞ്ഞത്.
രാഷ്ട്രീയമായി സംസ്ഥാനസര്‍ക്കാരിനെ നേരിടാന്‍ കഴിയാത്തവരാണ് ആത്മീയത ആയുധമാക്കുന്നതെന്ന് എസ്.എന്‍.ഡി.പി. യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. ആത്മീയതയെ മാര്‍ക്കറ്റു ചെയ്യുന്നതില്‍ ബി.ജെ.പി.യും കോണ്‍ഗ്രസും ചെയ്യുന്നത് ഒന്നുതന്നെയാണെന്നും അദ്ദേഹം പറഞ്ഞു.
രാജാവും തന്ത്രിയും ഒരു സമുദായവുമാണ് ശബരിമല സമരങ്ങള്‍ക്കു പിന്നില്‍. മറ്റുള്ളവരെല്ലാം തെറ്റിദ്ധരിക്കപ്പെട്ട് ഇറങ്ങിയവരാണ്. ശബരിമലയില്‍ ശാന്തിയും സമാധാനവും ഉണ്ടാകാന്‍ ആരുമായും ചര്‍ച്ച നടത്തണം. തങ്ങളെ ചര്‍ച്ചയ്ക്കു വിളിക്കാത്തതില്‍ പരിഭവമില്ല. ശബരിമലയില്‍ സമാധാനം പുലരണമെന്നതുമാത്രമാണ് ആഗ്രഹം. ഇപ്പോഴത്തെ കോടതിവിധിയില്‍ വിജയം അവകാശപ്പെടുന്നവര്‍ എന്തിനായിരുന്നു ഇതുവരെയുള്ള സമരമെന്ന് ജനങ്ങളോടു വ്യക്തമാക്കണമെന്നും വെള്ളാപ്പള്ളി പറഞ്ഞു.
കോടതിവിധി നടപ്പാക്കണമെന്ന ഭരണഘടനാ നിലപാടു മാത്രം സ്വീകരിച്ച സര്‍ക്കാരിനെതിരേയായിരുന്നു വിഷംചീറ്റിയുള്ള സമരം. വിയോജിപ്പുകളേറെയുണ്ടെങ്കിലും ശബരിമലവിഷയത്തില്‍ സര്‍ക്കാരിന്റെ പ്രവര്‍ത്തനത്തില്‍ തെറ്റുകാണാനാകുന്നില്ല. പുതിയ സാഹചര്യത്തില്‍ വിവേകമുള്ളവര്‍ സമരം അവസാനിപ്പിച്ച് സമാധാനത്തിനായി ശ്രമിക്കണമെന്നും സര്‍ക്കാര്‍ വിളിച്ച ചര്‍ച്ചകളില്‍ വിവേകത്തോടെ പങ്കെടുക്കണമെന്നും അദ്ദേഹം ആവശ്യപ്പെട്ടു.
എന്‍എസ്എസ് സര്‍വാധിപത്യത്തിനാണ് ശ്രമിക്കുന്നത്. വിഷസര്‍പ്പങ്ങളെ വിളിച്ചിരുത്തി സമാധാനത്തിനുള്ള നീക്കം സ്വാഗതാര്‍ഹമാണ്. ശബരിമലയില്‍ ശാന്തിയും സമാധാനവും ഉണ്ടാക്കാന്‍ ബിഡിജെഎസ് ഉള്‍പ്പെടെയുള്ളവര്‍ സമരപരിപാടികള്‍ നിര്‍ത്തണം. ശബരിമല വിഷയത്തില്‍ സര്‍ക്കാരിനെ കുറ്റപ്പെടുത്തുന്നതില്‍ യാതൊരു ന്യായീകരണവുമില്ലെന്നും വെള്ളാപ്പള്ളി പറഞ്ഞു.
ദേവസ്വംബോര്‍ഡുകളിലെ ഉദ്യോഗനിയമനങ്ങളില്‍ സാമ്പത്തികസംവരണം ഏര്‍പ്പെടുത്തിയ സര്‍ക്കാര്‍ നടപടി ഉടന്‍ പിന്‍വലിക്കണമെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. ബോര്‍ഡിലെ ഉദ്യോഗസ്ഥരില്‍ 96 ശതമാനവും നിലവില്‍ മുന്നോക്കക്കാരാണ്. ഹിന്ദു ഐക്യത്തിനായി സര്‍ക്കാര്‍ നടപടിയെ തള്ളിപ്പറയുന്നവര്‍ തന്നെയാണ് ഈഴവര്‍ക്ക് മതിയായ പ്രാതിനിധ്യം ലഭിച്ചതിനാല്‍ സംവരണത്തില്‍നിന്ന് ഒഴിവാക്കണമെന്ന് ആവശ്യപ്പെട്ട് സുപ്രീംകോടതിയില്‍ പോയതെന്നും വെള്ളാപ്പള്ളി പറഞ്ഞു.
"
https://www.facebook.com/Malayalivartha
