ശബരിമല വിഷയം വീണ്ടും കോണ്ഗ്രസില് കലാപക്കൊടി
ശബരിമല വിഷയം രാഷ്ട്രീയ പാര്ട്ടികളെ ഒന്നുകൂടി ഇളക്കുകയാണ്. അതിനിടെ ശബരിമല വിഷയത്തെച്ചൊല്ലി കോണ്ഗ്രസില് കലാപക്കൊടിയും ഉയരുകയാണ്. തീവ്ര നിലപാടെടുക്കുന്ന വിഭാഗങ്ങളും യുവതുര്ക്കികളും തമ്മിലുള്ള അടി മുറുകുകയാണ്.
ശബരി മലയില് യുവതികള് വന്നാല് തടയുമെന്നാണ് വര്ക്കിങ് പ്രസിഡന്റ് കെ സുധാകരന് പ്രഖ്യാപിച്ചത്. ഇത് ആര്എസ്എസിന്റെയും ബിജെപിയുടെയും തീവ്ര നിലപാടാണ്. യുവതികളെ പ്രവേശിപ്പിക്കരുതെന്നും പ്രതിഷേധം സമാധാനപരമായിരിക്കണമെന്നുമായിരുന്നു കെപിസിസി രാഷ്ട്രീയകാര്യ സമിതി തീരുമാനം. കൊടിയില്ലാതെ സമരത്തില് പങ്കെടുക്കാന് തീരുമാനിച്ചപ്പോള് നേതാക്കള് ഉള്പ്പെടെ ആര്എസ്എസ് പാളയത്തിലെത്തി. പിന്നീടാണ് ജാഥകള് നടത്താന് തീരുമാനിച്ചത്. ഇതില് ഒരു ജാഥ നയിച്ച നേതാവാണ് സുധാകരന്.
എന്നാല് മുഖം രക്ഷിക്കാന് ബിജെപിയുടെയും ആര്എസ്എസിന്റെയും വര്ഗീയതയ്ക്കും എതിരെയാണ് ജാഥയെന്ന് പറഞ്ഞു. എന്നാല് ജാഥാ ക്യാപ്റ്റന് തന്നെ തീവ്ര നിലപാടാണ് ഉയര്ത്തുന്നത്. ഇത് തിരിച്ചടിയാകുമെന്ന് തോന്നിയപ്പോഴാണ് ചെന്നിത്തല സുധാകരനെ പരസ്യമായി തള്ളിപ്പറഞ്ഞത്. പാര്ട്ടി നിലപാട് കെപിസിസി പ്രസിഡന്റ് മുല്ലപ്പള്ളി രാമചന്ദ്രന് പറയുന്നതാണെന്നായിരുന്നു ചെന്നിത്തല പറഞ്ഞത്.
എന്നാല് മുല്ലപ്പള്ളി വേറെ ലൈനില് പോവുകയാണ്. താന് പറഞ്ഞപ്പോള് മുഖ്യമന്ത്രി സര്വകക്ഷി യോഗം വിളിക്കാത്തതിനാല് വ്യാഴാഴ്ചത്തെ യോഗത്തില് പങ്കെടുക്കേണ്ടെന്നാണ് എടുത്ത നിലപാട്. ഈ നിര്ദേശം മുസ്ലിംലീഗ് ഉള്പ്പെടെ തള്ളിയതോടെ മുല്ലപ്പള്ളിയും വെട്ടിലായി. ഇതോടെയാണ് വ്യാഴാഴ്ചത്തെ സര്വകക്ഷി യോഗത്തില് പങ്കെടുക്കാന് യുഡിഎഫ് തീരുമാനിച്ചത്. എന്നാല് സര്ക്കാര് കടുംപിടുത്തം തുടര്ന്നാല്
യോഗത്തില് നിന്ന് ഇറങ്ങിപ്പോകാനുള്ള വഴിയാണ് യുഡിഎഫ് ഇപ്പോള് ആലോചിക്കുന്നത്.
അതിനിടെ യുവതീപ്രവേശത്തെ അനുകൂലിക്കുന്ന വിഭാഗം കടുത്ത അമര്ഷത്തിലാണ്. വി ഡി സതീശന്, ടി എന് പ്രതാപന്, വി ടി ബലറാം ഉള്പ്പെടെ വലിയ നിരതന്നെ എതിര്പ്പുമായി നില്ക്കുന്നുണ്ട്. വെള്ളിയാഴ്ച വീണ്ടും കെപിസിസി രാഷ്ട്രീയ കാര്യസമിതി യോഗം ചേരുന്നുണ്ട്.
"
https://www.facebook.com/Malayalivartha