മണ്ഡലം തൊഴാൻ ഗജ എത്തുന്നു, ഇത്തവണയും നടതുറക്കുമ്പോൾ പേമാരി..അയ്യപ്പകോപമോ
ശബരിമലയില്‍ യുവതികളെ പ്രവേശിപ്പിക്കണമെന്ന സുപ്രീംകോടതി വിധിയ്ക്ക് പിന്നാലെ പലരും പല അഭിപ്രായങ്ങളുമായാണ് രംഗത്ത് വന്നത്. ആചാരങ്ങള്‍ തെറ്റിച്ചാല്‍ അയ്യപ്പ കോപമുണ്ടാകുമെന്ന തരത്തിലുള്ള പ്രചാരണങ്ങൾ സോഷ്യൽമീഡിയകളിൽ പടർന്നു പിടിക്കുന്നുണ്ട്. യുവതീ പ്രവേശനവുമായി ബന്ധപ്പെട്ടാണ് ഈ പരാമർശം .

മണ്ഡലകാല പൂജക്ക് നാളെ നട തുറക്കും. ഒപ്പം പതിവുതെറ്റാതെ മഴയും എത്തുന്നു എന്നത് ഒരുപക്ഷെ യാദൃശ്ചികം മാത്രമാകാം. എന്നാലും വിശ്വാസികളുടെ മനസ്സിനെ അങ്ങിനെ തള്ളിക്കളയാനും പറ്റില്ല. കഴിഞ്ഞ പ്രളയത്തിൽ ആര്‍ക്കും പമ്പയാറ് കടന്നു പോകാന്‍ കഴിയാത്ത അവസ്ഥയായിരുന്നു. നിറപുത്തരിക്കും ഓണപൂജക്കും ശബരിമലയില്‍ ശാന്തിക്കാരന്‍ മാത്രമായി. തുലാമാസ പൂജയ്ക്കും ചിത്തിര ആട്ട വിശേഷത്തിനും നട തുറന്നപ്പോഴും മഴയുണ്ടായി.

നാളെ മണ്ഡല പൂജയ്ക്ക് നട തുറക്കാനിരിക്കെ വീണ്ടും ഇതാ മഴയും ചുഴലിക്കാറ്റും. തമിഴ്നാട് - ആന്ധ്ര തീരങ്ങളിലേക്ക് നീങ്ങുന്ന 'ഗജ' ചുഴലിക്കാറ്റ് ഇന്ന് തീരം തൊടും.ഇന്നലെ പത്ത് കിലോമീറ്ററായിരുന്നു കാറ്റിന്റെ വേഗം. എന്നാല്‍, ഇന്ന് രാത്രിയോടെ, വേഗം അറുപത് മുതല്‍ എണ്‍പത് വരെ കിലോമീറ്ററാകും. ഇത് 115 കിലോമീറ്റര്‍ വരെ ആകാനുള്ള സാധ്യതകളും കാലാവസ്ഥ നിരീക്ഷണ കേന്ദ്രം പറയുന്നുണ്ട്.

ഇടുക്കിയിൽ ഇന്ന് യെല്ലോ അലേർടും നാളെ ഓറഞ്ച് അലേർടും പ്രഖ്യാപിച്ചിട്ടുണ്ട്.കൊല്ലം, പത്തനം തിട്ട, ആലപ്പുഴ, കോട്ടയം, എറണാകുളം, പാലക്കാട്, തൃശൂർ ജില്ലകളിൽ നാളെ യെല്ലോ അലേർട് പ്രഖ്യാപിച്ചു.