സര്ക്കാര് സാവകാശ ഹര്ജി നല്കിയാല് സുപ്രീംകോടതി അത് പരിഗണിക്കും അതിന് പകരം വിശ്വാസികളെ തല്ലിച്ചതയ്ക്കാനാണ് തീരുമാനം, അതിനാല് ബി.ജെ.പി പ്രക്ഷോഭവുമായി മുന്നോട്ട് പോകുമെന്ന് പി.എസ് ശ്രീധരന്പിള്ള വ്യക്തമാക്കി
ആത്മീയ വിശ്വാസം അനുവര്ത്തിക്കരുതെന്ന സി.പി.എം പാര്ട്ടി കോണ്ഗ്രസ് പാസാക്കിയ പ്രമേയമാണ് ശബരിമല യുവതീപ്രവേശന വിധിയെ തുടര്ന്ന് മുഖ്യമന്ത്രി പിണറായി വിജയന് നടപ്പാക്കുന്നതെന്ന് ബി.ജെ.പി സംസ്ഥാന അധ്യക്ഷന് പി.എസ് ശ്രീധരന് പിള്ള ആരോപിച്ചു. ശബരിമല വിഷയത്തില് സര്ക്കാര് വിളിച്ച സര്വകക്ഷിയോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ജനഹിതം അനുസരിച്ച് പ്രവര്ത്തിക്കേണ്ട ജനാധിപത്യ സര്ക്കാര് സ്റ്റാലിനിസ്റ്റ് നിലപാടാണ് സ്വീകരിക്കുന്നത്. അതിനാല് നിയമവ്യവസ്ഥയെ അംഗീകരിച്ച് പ്രക്ഷോഭം നടത്തും. അത് സുപ്രീംകോടതി വിധിക്കെതിരായ വെല്ലുവിളിയായി കാണരുതെന്നും ഭക്തര്ക്കൊപ്പം ബി.ജെ.പി ഉണ്ടാകുമെന്നും അദ്ദേഹം പറഞ്ഞു. വിധി നടപ്പാക്കുന്നതിന് പ്രായോഗിക ബുദ്ധിമുട്ടുണ്ടെന്ന് കാട്ടി സര്ക്കാരിന് സാവകാശ ഹര്ജി നല്കാം. പുരി ജഗന്നാഥ ക്ഷേത്രവുമായി ബന്ധപ്പെട്ട് കഴിഞ്ഞ ഒക്ടോബറില് സുപ്രീകോടകി പുറപ്പെടുവിച്ച ഉത്തരവ് ക്രമസമാധാനപ്രശ്നത്തെ തുടര്ന്ന് താല്ക്കാലികമായി നിര്ത്തിവെച്ചിരിക്കുകയാണ്.
അതിനാല് സംസ്ഥാന സര്ക്കാരിനും സാവകാശ ഹര്ജി നല്കാം. കാരണം പ്രളയം തകര്ത്ത പമ്പയുടെ അവസ്ഥയും അവിടുത്തെ അസൗകര്യങ്ങളും എല്ലാവര്ക്കും അറിയാമല്ലോ. ശബരിമല യുവതീപ്രവേശനം നടപ്പാക്കരുതെന്ന് ആവശ്യപ്പെട്ട് പാര്ലമെന്റ് നിയമം പാസാക്കാന് ബി.ജെ.പി സര്ക്കാര് തയ്യാറാണ്. എന്നാല് മുഖ്യമന്ത്രി പിണറായി വിജയനും പ്രതിപക്ഷനേതാവ് രമേശ് ചെന്നിത്തലയും ഇക്കാര്യം കേന്ദ്രസര്ക്കാരിനോട് ആവശ്യപ്പെടണം. ബി.ജെ.പി സംസ്ഥാന നേതൃത്വവും അവര്ക്കൊപ്പം ഉണ്ടാവുമെന്നും ശ്രീധരന്പിള്ള വ്യക്തമാക്കി.
സാവകാശ ഹര്ജി സര്ക്കാര് നല്കിയാല് കോടതി പരിഗണിക്കും അതിന് കോടതിക്ക് അധികാരമുണ്ട്. അതിന് പകരം വിശ്വാസികളെ തല്ലിച്ചതയ്ക്കാനാണ് സര്ക്കാര് നോക്കുന്നതെന്നും ശ്രീധരന്പിള്ള കുറ്റപ്പെടുത്തി. റിവ്യൂ പെറ്റീഷന് അപേക്ഷ പരിഗണിക്കാമെന്ന് കോടതി പറഞ്ഞ സാഹചര്യത്തില് ജനുവരി 22 വരെ വിധി നടപ്പാക്കാതിരിക്കാന് സാവകാശം തേടാന് സര്ക്കാരിനാകും. സാധാരണ കോടതി വിധിക്കെതിരെ അപ്പലേറ്റ് കോടതിയെ സമീപിക്കാനാവും ഇവിടെ ഭരണഘടനാ ബെഞ്ചിന് മുകളില് മറ്റ് കോടതികളില്ല. അതിനനാലാണ് റിവ്യൂഹര്ജി നല്കുന്നത്. അവര് അത് പരിഗണിക്കുമെന്നാണ് വിശ്വസിക്കുന്നത്.
വധശിക്ഷ നടപ്പാക്കുന്നതിന് മുന്നോടിയായി റിവ്യൂ ഹര്ജി നല്കുമ്പോള് ഭരണകുടങ്ങള് കാത്തിരിക്കാറില്ലേ, യാക്കൂബ്മേമന്റെയും അഫ്സല് ഗുരുവിന്റെയും കാര്യത്തില് അതുണ്ടായി. പിന്നെ എന്തുകൊണ്ട് ഇക്കാര്യത്തില് അത് അനുവര്ത്തിച്ചുകൂടാ എന്നും ശ്രീധരന്പിള്ള ചോദിക്കുന്നു.
https://www.facebook.com/Malayalivartha