മെഡിക്കല് ഓഫീസേഴ്സ് അസോസിയേഷന്റെ ഔദ്യോഗിക പ്രസിദ്ധീകരണത്തില് വന്ന കാര്ട്ടൂണ് പിന്വലിക്കണമെന്ന് ആവശ്യമുയരുന്നു, ശബരിമലയിലെ യുവതിപ്രവേശമാണ് കാര്ട്ടൂണിന്റെ വിഷയം
ശബരിമലയില് യുവതി പ്രവേശനം അനുവദിച്ചാല് അവിടെ ഡ്യൂട്ടിക്ക് പോവുന്ന ഡോക്ടറിന്റെ മനസിലുയരുന്ന ചിന്തകള് എന്ന മട്ടില് ഒരു വിരമിച്ച സര്ക്കാര് ഡോക്ടര് വരച്ച കാര്ട്ടൂണ് വിവാദമാവുന്നു.
കാര്ട്ടൂണ്, കേരള ഗവണ്മെന്റ് മെഡിക്കല് ഓഫീസേഴ്സ് അസോസിയേഷന്റെ ഔദ്യോഗിക പ്രസിദ്ധീകരണത്തിലാണ് അടിച്ച് വന്നിരിക്കുന്നത്. മാസികയുടെ ഒക്ടോബര് ലക്കത്തിലെ ഡോ പി ജയദേവന്റെ ഡോ. പരാധീന്റെ ലോകം എന്ന കാര്ട്ടൂണ് പംക്തിയിലാണിത്.
ശബരിമലയില് യുവതികള് കയറിയാല് അവിടെ ക്ഷണിക പ്രണയങ്ങള്ക്ക് സാദ്ധ്യതയുണ്ടെന്നും, സന്നിധാനത്തും പമ്പയിലും മാനഭംഗം ഉള്പ്പെടെയുള്ളവ നടക്കുമെന്നും പൊട്ടന്സി ടെസ്റ്റ് ഉള്പ്പെടെ ഇവിടങ്ങളില് സജ്ജീകരിക്കേണ്ടി വരുമെന്നും കാര്ട്ടൂണിലൂടെ ഡോക്ടര് വരച്ച് കാട്ടുന്നു.
കാര്ട്ടൂണ് സ്ത്രീ വിരുദ്ധതയുടെ വ്യക്തമായ ഉദാഹരണമാണെന്ന് ആരോപിച്ച് നിരവധി ഡോക്ടര്മാര് സാമൂഹ മാദ്ധ്യമങ്ങളില് പ്രതിഷേധം ഉയര്ത്തുന്നുണ്ട്. കാര്ട്ടൂണ് പിന്വലിച്ച് മാപ്പ് പറയണമെന്ന ആവശ്യവും ഉയരുന്നുണ്ട്.
https://www.facebook.com/Malayalivartha
