രാത്രി സന്നിധാനത്ത് തങ്ങാൻ ഭക്തരെ അനുവദിക്കില്ല, നെയ്യഭിഷേകസമയം മാറ്റണമെന്ന് പോലീസ്...

Sep / 2026

Wednesday

Forex Rates:

1 aed = 19.19 inr ● 1 aud = 50.27 inr ● 1 eur = 79.92 inr ● 1 gbp = 90.97 inr ● 1 kwd = 231.92 inr ● 1 qar = 19.36 inr ● 1 sar = 18.79 inr ● 1 usd = 70.49 inr ●

രാത്രി സന്നിധാനത്ത് തങ്ങാൻ ഭക്തരെ അനുവദിക്കില്ല, നെയ്യഭിഷേകസമയം മാറ്റണമെന്ന് പോലീസ്

17 NOVEMBER 2018 05:46 PM IST

മലയാളി വാര്‍ത്ത

യുകെയിലെ ആൽപ്പൈൻ എക്കോ ട്രക്ക് ഗ്രൂപ്പിനൊപ്പം നേപ്പാളിലേക്ക് യാത്ര; ചൊവ്വാഴ്ച ടിബറ്റ്–നേപ്പാൾ അതിർത്തിക്കു സമീപമുള്ള റാസുവഗാധിയിലെത്തിയതിനു പിന്നാലെ സുനന്ദയുടെ ഫോൺ കണക്‌ഷൻ പോയി; നേപ്പാളിൽ കാണാതായവരുടെ കൂട്ടത്തിൽ മലയാളി വീട്ടമ്മയും

മുല്ലപെരിയാർ വിഷയം വീണ്ടും..മലയാളികൾക്ക് നെഞ്ചിടിപ്പ് കൂടുന്നു.. അഞ്ചംഗ വിദഗ്‌ധ സംഘം പരിശോധന തുടരുന്നു.. ഇന്ന് നിര്‍ണ്ണായക ചര്‍ച്ചകള്‍ നടത്തും...

കെഎസ്ആർടിസി പ്രിയദർശിനി പദ്ധതി നടപ്പാക്കിയത് മൂലം സ്വകാര്യ ബസ് മേഖലക്കുണ്ടാകുന്ന നഷ്ടം പഠിക്കാൻ നിയോഗിച്ച വിദഗ്ധ സമിതി റിപ്പോർട്ട് സമർപ്പിച്ചു....

ശബരിമലയിലെ പൂജാകാര്യങ്ങളിൽ ഇടപെടില്ലെന്ന് സർക്കാർ ദേവസ്വം ബോർഡിന് ഉറപ്പ് നല്കിയിട്ടുണ്ട്. ശബരിമലയിലെ ദൈനംദിന കാര്യങ്ങളിൽ ഇടപെടാൻ സർക്കാരിന് അധികാരമില്ലെന്ന് ഹൈക്കോടതി വിധി വന്നതിനു പിന്നാലെയാണ് സർക്കാട് ഇക്കാര്യം അറിയിച്ചത് എന്നാൽ അയ്യപ്പനുള്ള ഏറ്റവും ശ്രേഷ്ഠമായ വഴിപാടായ നെയ്യഭിഷേകം നടത്തുന്ന സമയക്രമത്തിൽ മാറ്റം വരുത്തണമെന്നാണ് ഇപ്പോൾ പോലീസ് ആവശ്യപ്പെട്ടിരിക്കുന്നത്. രാത്രിയില്‍ സന്നിധാനത്ത് തങ്ങാന്‍ ഇപ്പോൾ ആരെയും അനുവദിക്കില്ല . പുലര്‍ച്ചെ നടത്തുന്ന നെയ്യഭിഷേകം പോലെയുള്ള ചടങ്ങുകളെ ഇത് പ്രതിസന്ധിയിലാക്കും. തുലാമാസപൂജയ്ക്കും ചിത്തിര ആട്ട വിശേഷത്തിനും പ്രശ്‌നങ്ങളുണ്ടാക്കിയത് നെയ്യഭിഷേകമെന്ന പേരില്‍ സന്നിധാനത്ത് തങ്ങിയവരാണ് എന്നാണ് പോലീസ് പറയുന്നത് രാവിലെ 3.30 മുതലാണ് നെയ്യഭിഷേകം ആരംഭിക്കുന്നത്. ഉച്ച വരെയാണ് നെയ്യഭിഷേകം നടത്താന്‍ അവസരമുള്ളത്. എന്നാൽ രാത്രി സന്നിധാനത്ത് താങ്ങാൻ ആരെയും അനുവദിക്കാത്തതിനാൽ നെയ്യഭിഷേകം യഥാസമയം തുടങ്ങാൻ പറ്റില്ല. അതുകൊണ്ടു തന്നെ എല്ലാഭക്തർക്കും നെയ്യഭിഷേകത്തിനുള്ള അവസരം കിട്ടാനുള്ള സാധ്യത കുറവാണ്. ഭക്തരുടെ സകലദുരിത ശാന്തിക്കായി നടത്തപ്പെടുന്ന മുഖ്യവഴിപാടാണ് നെയ്യഭിഷേകം . കായികവും വാചികവും മാനസികവുമായ സമസ്ത പാപങ്ങളേയും അകറ്റുന്ന ഒന്നാണ് ഇതെന്നാണ് വിശ്വാസം . ശബരിമലയിലേക്കുവരുന്ന ഭക്തന്‍ നെയ്യഭിഷേകം നടത്തിയേ മടങ്ങാവൂ എന്നത് ആചാരമാണ്. ഇരുമുടിയില്‍ നെയ്‌ത്തേങ്ങകളുമായി പതിനെട്ടാം പടികയറി അയ്യപ്പനെ ദര്‍ശിച്ചശേഷം തേങ്ങയ്ക്കുള്ളിലെ നെയ്യ് ഭഗവാന്റെ വിഗ്രഹത്തില്‍ അഭിഷേകം ചെയ്യുന്നതിനായി നെയ്‌ത്തോണിയില്‍ ഒഴിക്കും . അഭിഷേകശേഷം ആ നെയ്യ് സ്വീകരിക്കും. അതിനു ശേഷം ഒരു മുറിത്തേങ്ങ പതിനെട്ടാംപടിയുടെ സമീപമുള്ള അഗ്‌നികുണ്ഠത്തിലെറിയുന്നു. ബാക്കിയുള്ള മുറി ഭഗവാന്റെ പ്രസാദമായി വീട്ടില്‍ തിരികെ കൊണ്ടുപോകുന്നു.ഇതാണ് പതിവ്. ഇരുമുടിക്കെട്ടില്‍ കരുതേണ്ട ഏറ്റവും പ്രധാനവസ്തുവാണ് നെയ്ത്തേങ്ങ . ഉത്തമമായ നാളികേരം വൃത്തിയാക്കി ഉള്ളിലെ വെള്ളം കളഞ്ഞു ഉണക്കിയാണു നെയ്‌ത്തേങ്ങ തയ്യാറാക്കുന്നത് . തേങ്ങയുടെ കീഴ്ഭാഗത്തു ബ്രഹ്മാവും സരസ്വതിയും, മദ്ധ്യത്തില്‍ വിഷ്ണുവും ലക്ഷ്മിയും കണ്‍ഠത്തില്‍ ശിവനും പാര്‍വ്വതിയും മുകളില്‍ സര്‍വ്വദേവീ ദേവകളും കുടിയിരിക്കുന്നു എന്നാണ് വിശ്വാസം..മനസാവാചാകര്‍മ്മണാ ചെയ്ത സര്‍വ്വ കര്‍മ്മങ്ങളേയും ശുദ്ധീകരിച്ചവനായി ഭക്തിയോടെയാണ് ഓരോ ഭക്തനും നെയ്‌ത്തേങ്ങയുമായി സന്നിധാനത്തിൽ എത്തുന്നത് . അയ്യപ്പവിഗ്രഹത്തില്‍ ആടിയ നെയ്യ് അമൃതസമമായി ആണ് ഭക്തർ സ്വീകരിക്കുന്നത് . - എന്നാല്‍ രാത്രിയില്‍ സന്നിധാനത്ത് തങ്ങാന്‍ ഭക്തരെ അനുവദിക്കാതെ വരുമ്പോള്‍ ഈ ചടങ്ങുകളെയും നിയന്ത്രണം ബാധിക്കും. .

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha