കഴക്കൂട്ടം സ്വദേശിനി മേരി സ്വീറ്റി രാത്രി ശബരിമല കയറാന്‍ വീണ്ടും എത്തി, പ്രതിഷേധത്തെതുടര്‍ന്ന് തിരുവനന്തപുരത്തേക്ക് മടങ്ങി
ഒരിടവേളയ്ക്ക് ശേഷം വീണ്ടും മേരി സ്വീറ്റി. കഴക്കൂട്ടം സ്വദേശിനി മേരി സ്വീറ്റി ശബരിമലയിലേക്ക് പോകാന്‍ വീണ്ടുമെത്തി. പ്രതിഷേധക്കാര്‍ ഇവരെ തടഞ്ഞതിനെതുടര്‍ന്ന് തിരുവനന്തപുരത്തേക്ക് മടങ്ങി. തുലാമാസ പൂജ സമയത്തും മേരിസ്വീറ്റി ശബരിമലയിലെത്തിയിരുന്നു. അന്നും ഇവരെ പമ്ബയില്‍ തടഞ്ഞിരുന്നു
ഇന്നു ട്രെയിനില്‍ ചെങ്ങന്നൂരിലെത്തി നിലയ്ക്കലേക്കുള്ള കെ.എസ്.ആര്‍.ടി.സി ബസില്‍ കയറിയിരുന്നെങ്കിലും പ്രതിഷേധക്കാര്‍ തിരിച്ചറിഞ്ഞു മേരി സ്വീറ്റിയെ പുറത്തിറക്കി. ചെങ്ങന്നൂര്‍ റെയില്‍വേ സ്‌റ്റേഷനിലെ കാത്തിരിപ്പു മുറിയില്‍ ഇവരെത്തിയതിനെ തുടര്‍ന്നു പ്രതിഷേധക്കാര്‍ പ്ലാറ്റ്‌ഫോമില്‍ ശരണം വിളിച്ചു പ്രതിഷേധിച്ചു. തിരിച്ചയയ്ക്കാനുള്ള പൊലീസ് ശ്രമത്തിനൊടുവിലാണ് ഇവര്‍ തിരുവനന്തപുരത്തേക്കു പോയത്.
മേരി സ്വീറ്റി പരസ്പരവിരുദ്ധമായാണു സംസാരിക്കുന്നതെന്നു പൊലീസ് പറഞ്ഞു.ദുബായ് മീഡിയ ആന്‍ഡ് ഇവന്റ്‌സിന്റെ പ്രതിനിധിയാണെന്നും പമ്ബ ഗണപതി ക്ഷേത്രത്തി!ല്‍ പോകാനാണ് എത്തിയതെന്നും മേരി പറയുന്നു. ദുബായില്‍നിന്നു തലച്ചോറിലേക്കു ടെലിപ്പതി നിര്‍ദേശങ്ങള്‍ ലഭിക്കുന്നുണ്ടെന്നും അതനുസരിച്ചാണ് എത്തിയതെന്നും അവര്‍ പറയുന്നു.
https://www.facebook.com/Malayalivartha
