ഹൈജാക്കിന് ഞങ്ങളില്ല... പ്രത്യക്ഷസമരത്തില് നിന്നും എന് എസ് എസ് പിന്വാങ്ങി; പന്തളം രാജ കുടുംബവും തന്ത്രി കുടുംബവും സമരത്തില് നിന്ന് പിന്മാറിയത് പോലെ എന്.എസ്.എസും പിന്മാറിയത് ഒരേ കാരണത്താല്; ബിജെപിയും ഹിന്ദു ഐക്യ വേദിയും വിശ്വഹിന്ദു പരിഷത്തും ചേര്ന്നു സമരം ഹൈജാക്ക് ചെയ്തു
ശബരിമലയിലെ പ്രത്യക്ഷസമരത്തില് നിന്നും എന് എസ് എസ് പിന്വാങ്ങി. ബിജെ പിയും ഹിന്ദു ഐക്യ വേദിയും വിശ്വഹിന്ദു പരിഷത്തും ചേര്ന്നു സമരം ഹൈജാക്ക് ചെയ്തതു കൊണ്ടാണ് പിന്മാറ്റം. പന്തളം രാജ കുടുംബവും തന്ത്രി കുടുംബവും സമരത്തില് നിന്ന് പിന്മാറിയത് പോലെയാണ്.
ജി. സുകുമാരന് നായരുമായി സി പി എമ്മിന് ഉണ്ടായിരുന്ന അഭിപ്രായവ്യത്യാസങ്ങള് ഒരു പരിധി വരെ പരിഹരിച്ചുവെന്നാണ് റിപ്പോര്ട്ട്. എന് എസ് എസിന് വേണ്ടി ദേശാഭിമാനി രണ്ടു പുറമാണ് കഴിഞ്ഞയാഴ്ച നീക്കിവച്ചത്. എന് എസ് എസിനെതിരെ വാര്ത്തകള് നല്കരുതെന്ന കര്ശന നിര്ദ്ദേശം ദേശാഭിമാനി പത്രാധിപര് നല്കിയിയിരുന്നു. എന് എസ് എസിനെതിരെ സംസ്ഥാനത്തിന്റെ വിവിധ ഭാഗങ്ങളില് ആക്രമണം ഉണ്ടായപ്പോള് അതിന് പാര്ട്ടിയുമായി ബന്ധമുണ്ടെങ്കില് പിന്മാറാനും സി പി എം അണികള്ക്ക് നിര്ദ്ദേശം നല്കിയിരുന്നു. എന്നാല് ആക്രമണം നടത്തിയത് തങ്ങളല്ലെന്നതാണ് സി പി എം പറഞ്ഞത്.
ആക്രമണങ്ങളില് കര്ശന നടപടിയെടുക്കാന് സര്ക്കാര് നിര്ദ്ദേശിച്ചിരുന്നു. അതാത് പോലീസ് ഓഫീസര്മാര്ക്ക് ഇതിന്റെ ചുമതലയും നല്കിയിട്ടുണ്ട്.
കോടിയേരിയാണ് ചര്ച്ചകള്ക്ക് ചുക്കാന് പിടിച്ചതെന്നറിയുന്നു. പിണറായിയുടെ നിര്ദ്ദേശാനുസരണമായിരുന്നു നടപടി. ശബരിമല വിഷയത്തില് സര്ക്കാര് പുനപരിശോധനാ ഹര്ജി കൊടുക്കണമെന്നായിരുന്നു സര്ക്കാരിന്റെ ആവശ്യം. എന്നാല് അതിന് സര്ക്കാര് ആദ്യം തയ്യാറായില്ല. പിന്നീട് സര്ക്കാര് നിലപാട് തിരുത്തി. ദേവസ്വം ബോര്ഡിനെ കൊണ്ട് സാവകാശ ഹര്ജി കൊടുപ്പിക്കാന് തീരുമാനിച്ചതോടെ സര്ക്കാരും എന് എസ് എസും തമ്മിലുള്ള വിഷയങ്ങളെല്ലാം തീര്ന്നു. പന്തളം കൊട്ടാരത്തിന്റെയും തന്ത്രി കുടുംബത്തിന്റെയും ആവശ്യം ഇതു തന്നെയായിരുന്നു. സാവകാശ ഹര്ജി നല്കിയതോടെ അവരുടെ വിഷയങ്ങളെല്ലാം തീര്ന്നു.
എന് എസ് എസ് നാമജപ ഘോഷയാത്രകള് നിര്ത്താന് കാരണവും ഇതു തന്നെയാണ്. നാമജപ യാത്രകള് ഇപ്പോള് ആരും നടത്തുന്നില്ല. നടക്കുന്നുണ്ടെങ്കില് അത് ബി ജെ പി നടത്തുന്നതാണ്. അത് ഏറ്റെടുക്കാന് സുകുമാരന് നായര് തയ്യാറല്ല. സര്ക്കാരിനെ പിണക്കാന് ഒരിക്കലും എന് എസ് എസ് തയ്യാറാവില്ല. പുനപരിശോധനാ ഹര്ജി സുപ്രീം കോടതി ഫയലില് സ്വീകരിച്ചത് തന്നെ വലിയ കാര്യമായാണ് എന് എസ് എസ് എടുത്തത്. കാരണം ഹര്ജി ഫയലില് സ്വീകരിക്കുമെന്ന പ്രതീക്ഷ അവര്ക്കില്ലായിരുന്നു. ജനുവരി 22 ന് കേസ് പരിഗണിച്ചില്ലെങ്കില് എന്ത് ചെയ്യുമെന്നാണ് എന് എസ് എസിന്റെ ചോദ്യം. അതു കൊണ്ടു തന്നെ ഇനിയൊരു സമരത്തിന് സാധ്യതയില്ലെന്ന് എന് എസ് എസ് കരുതുന്നു.
അതേസമയം ശബരി മലയില് യുവതികളെ പ്രവേശിപ്പിക്കാന് എന് എസ്എസ് അനുവദിക്കില്ല. സമരത്തില് നിന്ന് എന് എസ് എസ് പിന്മാറുക മാത്രമാണ് ചെയ്യുന്നത്. അതിന്റെ പേരില് നാളെ യുവതികളെ കയറ്റിയാല് ചിലപ്പോള് എന് എസ് എസ് സമരത്തിന് ഇറങ്ങും.
സര്ക്കാരിനെയും സിപി എമ്മിനെയും എന് എസ് എസ് പിണക്കില്ല. സി പി എമ്മിന്റെ നിലപാടും അങ്ങനെ തന്നെയാണ്. ഒരു സര്ക്കാരിനെയും നായര് സര്വീസ് സൊസൈറ്റി പിണക്കിയിട്ടില്ല. നിരവധി സ്ഥാപനങ്ങള് നടത്തുന്ന എന് എസ് എസിനെ സംബന്ധിച്ചടത്തോളം അത്തരം നീക്കങ്ങള് ആപത്കരമാണ്. സമദൂരം ശരിദൂരം എന്ന നായര് സര്വീസ് സൊസൈറ്റിയുടെ തന്ത്രം തന്നെ ഉദാഹരണം.
https://www.facebook.com/Malayalivartha
