വ്യാ​ഴാ​ഴ്‌ച​ ​എ.​കെ.​ജി​ ​സെ​ന്റ​റി​ൽ​ ​പാ​ർ​ട്ടി​ ​ജി​ല്ലാ​ ​സെ​ക്ര​ട്ടേ​റി​യ​റ്റ് ​അം​ഗ​ങ്ങ​ളു​ടെ​യും​ ​സം​സ്ഥാ​ന​ ​ക​മ്മി​റ്റി​ ​അം​ഗ​ങ്ങ​ളു​ടെ​യും​ ​ശി​ല്‌പ​ശാ​ല​യി​ൽ​ ​മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യ​ൻ​ ​ന​ട​ത്തി​യ​ ​ഒ​രു​ ​പ​രാ​മ​ർശം വിരൽ ചൂണ്ടുന്നത് തിരുവിതാംകൂർ ദേവസ്വം ബോർഡ് പ്രസിഡന്റ് പത്മകുമാറിലേക്കെനന്ന് രാഷ്‌ട്രീയ നിരീക്ഷകർ.

'ചി​ല​ ​സ്ഥാ​ന​ങ്ങ​ളി​ൽ​ ​ചി​ല​രെ​ ​ഇ​രു​ത്തി​യ​ത് ​പാ​ർ​ട്ടി​ക്ക് ​ഭാ​ര​മാ​യി​ട്ടു​ണ്ട്. ഇ​ത്ത​രം​ ​ഭാ​രം​ ​ഇ​റ​ക്കി​വ​യ്ക്കേ​ണ്ടി​ ​വ​രു​മെ​ന്നു​മാ​ണ് ​തോന്നുന്നത്' എന്നായിരുന്നു മു​ഖ്യ​മ​ന്ത്രി​ ​പി​ണ​റാ​യി​ ​വി​ജ​യന്റെ പരാമർശം. ​മുഖ്യമന്ത്രിയുടെ പരാമർശത്തിന് തൊ​ട്ടു​പി​ന്നാ​ലെ​ ​പ​ത്മ​കു​മാ​റി​ന്റെ​ ​രാ​ജി​വാ​ർ​ത്ത​ പരക്കുകയും ചെയ്‌തു. എന്നാൽ രാജിവാർത്ത നിഷേധിച്ച് പത്മകുമാർ രംഗത്ത് വന്നിരുന്നു. രാജിവച്ചതായി തനിക്കറിയില്ല എന്ന് എ.പത്മകുമാര്‍ വ്യക്തമാക്കി.

തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് സ്ഥാനം എ.പത്മകുമാര്‍ രാജി വച്ചതായി സൂചന എന്ന തരത്തിൽ വാർത്തകൾ പുറത്ത് വന്നിരുന്നു. ബോര്‍ഡംഗം കെ.പി ശങ്കര്‍ദാസിനാകും ഇനി പ്രസിഡന്റിന്റെ ചുമതല. സര്‍ക്കാര്‍ നിര്‍ബന്ധിച്ച് രാജി വാങ്ങിക്കുകയായിരുന്നുവെന്നു പറയപ്പെടുന്നു എന്നും എന്നാല്‍ മകരവിളക്കിനു ശേഷമേ ഇതു സംബന്ധിച്ച പ്രഖ്യാപനം ഉണ്ടാകൂ എന്ന തരത്തിലാണ് വാർത്തകൾ പുറത്ത് വന്നിരുന്നത്.

നവംബര്‍ 14 നാണ് ദേവസ്വം ബോര്‍ഡ് പ്രസിഡന്റ് എന്ന നിലയില്‍ പത്മകുമാറിന്റെ കാലാവധി അവസാനിക്കുന്നത്. കാലാവധി തീരുംവരെ ദേവസ്വം ബോര്‍ഡ് പ്രസിഡന്റ് സ്ഥാനത്ത് സജീവമായിരിക്കും. മാധ്യമവാര്‍ത്തകള്‍ പ്രകാരമാണെങ്കില്‍ എത്രയോ തവണ പത്മകുമാര്‍ ദേവസ്വം ബോര്‍ഡ് പ്രസിഡന്റ് സ്ഥാനത്ത് നിന്ന് രാജിവെച്ചു കഴിഞ്ഞിരിക്കുന്നു എന്നും പത്മകുമാര്‍ പറഞ്ഞു.

തന്റെ വ്യാജരാജി വാര്‍ത്ത ചമച്ച പത്രത്തിന്നെതിരെ നിയമനടപടി സ്വീകരിക്കും എന്നും പത്മകുമാര്‍ വ്യക്തമാക്കി. അതിന്റെ ഭാഗമായി വക്കീല്‍ നോട്ടീസ് അയക്കുമെന്നും പത്മകുമാര്‍ പറഞ്ഞു. ശബരിമലയില്‍ വിവാദമുണ്ടാക്കാന്‍ ആസൂത്രിതമായ നിരന്തര ശ്രമങ്ങള്‍ നടക്കുകയാണ്. അതിന്റെ ഭാഗമായാണ് സ്ഥാനമേറ്റത് മുതല്‍ എന്നെ വിവാദങ്ങളിലേക്ക് വലിച്ചിഴയ്ക്കാന്‍ നിരന്തര ശ്രമങ്ങള്‍ നടക്കുന്നത്. എന്റെ രാജിവാര്‍ത്തയും ഇതിന്റെ ഭാഗമായാണ്. ഇനി രാജിയിലേക്ക് വന്നാല്‍, എന്തിനാണ് രാജി വയ്ക്കുന്നത്. ഞാന്‍ രാജി വയ്ക്കേണ്ട എന്ത് പ്രശ്‌നമാണ് നിലവിലുള്ളത്. തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് ആയി സ്ഥാനമേറ്റത് മുതല്‍ കാര്യങ്ങള്‍ കുഴപ്പമില്ലാതെ നീക്കിയിട്ടുണ്ട്.

പ്രശ്‌നങ്ങള്‍ ഒട്ടുവളരെ വന്നെങ്കിലും അതിനെയെല്ലാം എതിരിട്ട്, നേരിട്ട് മുന്നോട്ടു പോകാന്‍ കഴിഞ്ഞിട്ടുണ്ട്. ശബരിമലയിലെ കാര്യത്തില്‍ വ്യക്തിപരമായി താത്പര്യമുള്ള വ്യക്തികൂടിയാണ് ഞാന്‍. ശബരിമലയും ഞാനും തമ്മിലുള്ള ബന്ധം എല്ലാവര്‍ക്കും അറിയാം. ആ താത്പര്യങ്ങളുടെ അടിസ്ഥാനത്തില്‍, വിശ്വാസത്തിന്റെ അടിസ്ഥാനത്തിലാണ് ശബരിമലയിലെ എല്ലാ കാര്യങ്ങളും മുന്നോട്ടു നീക്കിയത്. എന്റെ കാലാവധി കഴിയുന്നത് വരെ ഈ കാര്യങ്ങള്‍ എല്ലാം നിലവിലെ രീതിയില്‍ തന്നെ മുന്നോട്ടു പോകും. ശബരിമലയ്ക്ക് എതിരായി ഒട്ടേറെ വിവാദങ്ങള്‍ നിരന്തരം സൃഷ്ടിക്കപ്പെട്ടുകൊണ്ടിരിക്കുന്നു.

ആ കൂട്ടത്തില്‍ എന്നെ മനഃപൂര്‍വം വാര്‍ത്തയിലേക്ക് വലിച്ചിഴയ്ക്കാനാണ് ശ്രമം നടക്കുന്നത്. അങ്ങിനെ കുഴപ്പങ്ങള്‍ ഉണ്ട് എന്ന് വരുത്തിത്തീര്‍ക്കാനുള്ള ശ്രമങ്ങള്‍ ആണ് ഇപ്പോള്‍ നടക്കുന്നത്. വാര്‍ത്തകള്‍ ശരിയാണെങ്കില്‍ ഇപ്പോള്‍ പലപ്രാവശ്യം ഞാന്‍ രാജിവെച്ച്‌ കഴിഞ്ഞിരിക്കുന്നു. നിങ്ങള്‍ ഫോണ്‍ വിളിക്കുന്ന ഈ സമയത്ത് ഞാന്‍ എരുമേലി പേട്ടതുള്ളലിനു പോയിക്കൊണ്ടിരിക്കുകയാണ്. നാളെ തിരുവാഭരണഘോഷയാത്രയ്ക്ക് ഒപ്പം ചേരും. എന്നെ ചുമതലപ്പെടുത്തിയിരിക്കുന്ന കാര്യങ്ങള്‍ കൃത്യമായി, ഭംഗിയായി നിര്‍വഹിക്കുകയാണ് ചെയ്യുന്നത്. ഇതെല്ലാം അതിന്റെ തെളിവാണ്. ഈ ബോര്‍ഡിന്റെ കാലാവധി തീരും വരെ ഞാന്‍ തുടരുക തന്നെ ചെയ്യും എന്നും പത്മകുമാര്‍ വ്യക്തമാക്കി.

അതേസമയം, ​ശ​ബ​രി​മ​ല​യി​ലെ​ ​ശു​ദ്ധി​ക്രി​യ​ ​വി​​വാ​ദ​ത്തി​ൽ​ ​ത​ന്ത്രി​യോ​ട് ​വി​ശ​ദീ​ക​ര​ണം​ ​തേ​ടി​ ​ത​ടി​യൂ​രി​യെ​ങ്കി​ലും​ ​തി​രു​വി​താം​കൂ​ർ​ ​ദേ​വ​സ്വം​ ബോ​ർ​ഡി​ൽ​ ​അ​സ്വ​സ്ഥ​ത​ ​പു​ക​യു​ന്നു.​ 22​നു​ള്ളി​ലാ​ണ് ​ത​ന്ത്രി​ ​വി​ശ​ദീ​ക​ര​ണം​ ​ന​ൽ​കേ​ണ്ട​ത്.​ ​എ​ന്നാ​ൽ​ ​ശു​ദ്ധി​ക്രി​യ​യു​ടെ​ ​ഉ​ത്ത​ര​വാ​ദി​ത്വം​ ​ത​ന്ത്രി​യു​ടെ​ ​ത​ല​യി​ൽ​ ​കെ​ട്ടി​വ​ച്ച് ​ഒ​ഴി​യാ​ൻ​ ​ക​ഴി​യി​ല്ലെ​ന്ന​താ​ണ് ​ബോ​ർ​ഡി​നെ​ ​ആ​ശ​ങ്ക​യി​ലാ​ഴ്‌​ത്തു​ന്ന​ത്.

ശു​ദ്ധി​ക്രി​യ​ ​ന​ട​ത്തും​ ​മു​മ്പ് ​ബോ​ർ​ഡ് ​പ്ര​സി​ഡ​ന്റ് ​അ​ട​ക്കം​ ​ഉ​ത്ത​ര​വാ​ദ​പ്പെ​ട്ട​വ​രെ​ ​അ​റി​യി​ച്ച​താ​യാ​ണ് ​ത​ന്ത്രി​ ​വെ​ളി​പ്പെ​ടു​ത്തി​യ​ത്.​ ​പ​ക്ഷേ,​ ​ഇ​ക്കാ​ര്യം​ ​ത​ന്നെ​ ​അ​റി​യി​ച്ചി​ല്ലെ​ന്ന് ​ബോ​ർ​ഡ് ​അം​ഗം​ ​കെ.​പി.​ശ​ങ്ക​ര​ദാ​സ് ​വ്യ​ക്ത​മാ​ക്കി.​ ​മാ​ത്ര​മ​ല്ല​ ​ത​ന്ത്രി​ക്കെ​തി​രെ​ ​ന​ട​പ​ടി​ ​വേ​ണ​മെ​ന്ന് ​ശ​ക്ത​മാ​യി​ ​ആ​വ​ശ്യ​പ്പെ​ട്ട​തു​ ​ശ​ങ്ക​ര​ദാ​സും​ ​ദേ​വ​സ്വം​ ​ക​മ്മി​ഷ​ണ​റു​മാ​ണ്.​ ​ശു​ദ്ധി​ക്രി​യ​ ​ന​ട​ത്തി​യാ​ൽ​ ​അ​ത് ​കോ​ട​തി​ ​അ​ല​ക്ഷ്യ​മാ​വു​മെ​ന്ന് ​ത​ന്ത്രി​ക്ക് ​ദേ​വ​സ്വം​ ​ക​മ്മി​ഷ​ണ​ർ​ ​മു​ന്ന​റി​യി​പ്പ് ​ന​ൽ​കി​യി​രു​ന്ന​താ​യാ​ണ് ​അ​റി​യു​ന്ന​ത്.