വീണ്ടും ശബരിമല ദര്ശനത്തിനായി യുവതികളെത്തുന്നു... കുംഭമാസ പൂജകള്ക്ക് നടതുറക്കുമ്പോള് ദര്ശനത്തിന് പൊലീസ് സംരക്ഷണം നല്കണമെന്ന് ആവശ്യപ്പെട്ട് നാല് യുവതികള് നല്കിയ ഹര്ജി ഹൈക്കോടതി വെളളിയാഴ്ച പരിഗണിക്കും
വീണ്ടും ശബരിമല ദര്ശനത്തിനായി യുവതികളെത്തുന്നു. രണ്ടാഴ്ചയ്ക്ക് ശേഷം കുംഭമാസ പൂജകള്ക്ക് നടതുറക്കുമ്പോള് ദര്ശനത്തിന് പൊലീസ് സംരക്ഷണം നല്കണമെന്ന് ആവശ്യപ്പെട്ട് കണ്ണൂര് സ്വദേശികളായ രേഷ്മാ നിഷാന്തും ഷാലീനയും അടക്കം നാലി യുവതികള് ഹൈക്കോടതിയെ സമീപിച്ചിരിക്കുകയാണ്. ഇവരുടെ ഹര്ജി വെള്ളിയാഴ്ച പൊലീസ് പരിഗണിക്കും. സ്വാഭാവികമായി കോടതിക്ക് സംരക്ഷണം നല്കേണ്ടിവരും. അങ്ങനെയെങ്കില് ശബരിമല വീണ്ടും സംഘര്ഷ ഭൂമിയാകും. കുംഭം ഒന്ന് മുതല് അഞ്ച് വരെയാണ് നടതുറക്കുന്നത്. അന്നേരം യുവതികളെ പ്രവേശിപ്പിക്കാന് ശ്രമിച്ചാല് പല്ലും നഖവും ഉപയോഗിച്ച് എതിര്ക്കുമെന്ന് ബി.ജെ.പി സംസ്ഥാന ജനറല്സെക്രട്ടറി കെ.സുരേന്ദ്രനും വ്യക്തമാക്കിയിട്ടുണ്ട്.
യുവതികള് നല്കിയ ഹര്ജികള് അടക്കമുള്ള എല്ലാ ഹര്ജികളും ഹൈക്കോടതി വെള്ളിയാഴ്ച പരിഗണിക്കും. അതോടൊപ്പം ചിത്തിര ആട്ട വിശേഷത്തിനിടെ മര്ദ്ദിച്ചെന്നാരോപിച്ച് തൃശൂര് സ്വദേശിനി ലളിത നല്കിയ ഹര്ജിയും കോടതിയുടെ പരിഗണനയിലുണ്ട്. 52കാരിയായ ലളിതയ്ക്കും മകനും ക്രൂരമായ മര്ദ്ദനമാണ് ഏറ്റത്. ലളിതയെ നെയ്ത്തേങ്ങാ ഉപയോഗിച്ച് എറിയുകയും ചെയ്തു. കൊച്ചുമകന്റെ ചോറൂണിനാണ് ലളിതയും കുടുംബവും ശബരിമലയില് എത്തിയത്. തന്റെ തിരിച്ചറിയില് കാര്ഡിന് പകരം മരുമകളുടെ കാര്ഡാണ് ലളിത പ്രതിഷേധക്കാരെ കാണിച്ചത്. അതോടെയാണ് അക്രമം ഉണ്ടായത്. സംഭവത്തില് ഗൂഢാലോചന നടത്തിയെന്ന് ആരോപിച്ച് പൊലീസ് ബി.ജെ.പി ജനറല് സെക്രട്ടറി കെ.സുരേന്ദ്രനെതിരെ കേസ് എടുത്തിട്ടുണ്ട്.
യുവതീപ്രവേശനത്തിന് ശബരിമലയില് അടിസ്ഥാനസൗകര്യങ്ങളില്ലെന്നും ഒരു വര്ഷത്തിനുള്ളില് അതെല്ലാം സാധ്യമാക്കിയ ശേഷമേ യുവതീ പ്രവേശനം നടത്താവൂ എന്ന് ഹൈക്കോടതി നിരീക്ഷക സമിതി കോടതിയില് റിപ്പോര്ട്ട് നല്കിയിട്ടുണ്ട്. പമ്പ മുതല് സന്നിധാനം വരെ ഓരോ കിലോമീറ്റര് ഇടവിട്ട് ശുചിമുറികള് സ്ഥാപിക്കണം. കുടിവെള്ള സംവിധാനം കൂടുതല് ഉണ്ടാകണം. തുടങ്ങിയ കാര്യങ്ങളും റിപ്പോര്ട്ടിലുണ്ട്. കൂടാതെ കനകദുര്ഗയും ബിന്ദുവും ശബരിമലദര്ശനം നടത്തിയതിനെ തുടര്ന്ന് പൊലീസ് സമര്പ്പിച്ച റിപ്പോര്ട്ടും കോടതിയുടെ പരിഗണനയില് വരും. യുവതികള്ക്ക് നാല് മഫ്തിയിലുള്ള പൊലീസുകാരുടെ അകമ്പടി പോയി എന്നും വിഐപി ഗേറ്റുവഴി ഇവരെ കടത്തിവിട്ടത് പ്രതിഷേധക്കാരുടെ ശ്രദ്ധകിട്ടാതിരിക്കാനുണെന്നുമാണ് റിപ്പോര്ട്ടില് പറയുന്നു.
അങ്ങനെയെങ്കില് ഇതെല്ലാം പരിഗണിച്ച ശേഷം തല്ക്കാലം യുവതികള്ക്ക് സുരക്ഷ നല്കാന് കഴിയില്ലെന്ന് കോടതി പറയുമെന്ന പ്രതീക്ഷയിലാണ് ശബരിമല കര്മസമിതി. റിവ്യൂഹര്ജി പരിഗണിച്ച് സുപ്രീംകോടതി വിധി വരും വരെ കോടതി വിധി നടപ്പാക്കരുതെന്നാണ് ഇവരുടെ ആവശ്യം. എന്നാല് സുപ്രീംകോടതി വിധി മറികടക്കാന് ഹൈക്കോടതിക്ക് നിയമംവഴി സാധ്യമല്ല. ആ സ്ഥിതിക്ക് സുരക്ഷ ലഭിക്കുമെന്ന പ്രതീക്ഷയിലാണ് നാല് യുവതികള്. നട അടയ്ക്കുന്നതിന് ഏതാനും ദിവസങ്ങള്ക്ക് മുമ്പും അടയ്ക്കുന്നതിന്റെ തലേദിവസവും ഈ നാല് യുവതികളും ദര്ശനത്തിനായി എത്തിയിരുന്നു. സുരക്ഷാകാരണങ്ങളാല് നിലയ്ക്കലില് വെച്ച് പൊലീസ് ഇവരെ തടയുകയായിരുന്നു.
https://www.facebook.com/Malayalivartha
