സൂപ്പര് ഹിറ്റായ പോക്കിരിരാജയുടെ രണ്ടാംഭാഗമായ മധുരരാജയില് മെഗാസ്റ്റാര് മമ്മൂട്ടിയും ലോകമെമ്പാടും ആരാധകരുള്ള നീലചിത്ര നായികയ സണ്ണിലിയോണും ഒന്നിക്കുന്ന ഐറ്റംഡാന്സ്
മമ്മുക്കയ്ക്കൊപ്പം സണ്ണിലിയോണിന്റെ കൊലമാസ് ഐറ്റംഡാന്സ്. സൂപ്പര് ഹിറ്റായ പോക്കിരിരാജയുടെ രണ്ടാംഭാഗമായ മധുരരാജയിലാണ് മെഗാസ്റ്റാര് മമ്മൂട്ടിയും ലോകമെമ്പാടും ആരാധകരുള്ള നീലചിത്ര നായികയും ബോളിവുഡിലെ ഐറ്റം ഡാന്സറുമായ സണ്ണിലിയോണും ഒന്നിക്കുമ്പോള് അത് ആരാധകരെ ഇളക്കിമറിക്കുമെന്ന് ഉറപ്പാണ്. തിയേറ്ററുകളില് തിരയിളക്കം സൃഷ്ടിക്കാനും യുവ ആരാധകരില് തീ പടര്ത്താനും ഈ ഒറ്റ പാട്ടിലൂടെ കഴിയുമെന്ന് ഉറപ്പാണ്. കൊച്ചിയിലെ സ്റ്റുഡിയോയിലും മറ്റുമായാണ് മമ്മൂട്ടിയും സണ്ണിലിയോണും ഒരുമിച്ചുള്ള പാട്ട് ചിത്രീകരിച്ചത്. സലിംകുമാര്, നോബി, ബൈജു എഴുപുന്ന തുടങ്ങിയവരും കിടുക്കുന്നു.
പുലിമുരുകന് ശേഷം വൈശാഖ് സംവിധാനം ചെയ്യുന്ന സിനിമ കൂടിയാണ് മധുരരാജ. ചിത്രത്തില് അഭിനയിക്കാനായി സണ്ണിലിയോണ് കൊച്ചി രാജ്യാന്തരവിമാനത്താവളത്തില് ഇറങ്ങിയത് മുതല് ആരാധകരുടെ ആര്പ്പൂവിളി തുടങ്ങിയതാണ്. സണ്ണിലിയോണിനൊപ്പം സെല്ഫിയെടുക്കാനും ഫോട്ടോ എടുക്കാനും യുവാക്കളുടെ വലിയ നിരതന്നെ അവിട ഉണ്ടായിരുന്നു. തുടര്ന്ന് അവര് താമസിക്കുന്ന ഹോട്ടലിലും ലൊക്കേഷനിലും സ്വകാര്യ സുരക്ഷാ ഏജന്സികളെ നിയോഗിച്ചു. പുറത്ത് നിന്നുള്ള ആര്ക്കും സണ്ണിലിയോണിനെ കാണാന് അനുമതിയുണ്ടായിരുന്നില്ല. മുമ്പ് മൊബൈല് കടയുടെ ഉദ്ഘാടനത്തിന് സണ്ണിലിയോണ് കൊച്ചിയിലെത്തിയപ്പോള് മണിക്കൂറുകളോളം എം.ജി റോഡില് ഗതാഗതക്കുരുക്കുണ്ടായിരുന്നു.
കേരളത്തില് ഏറ്റവും കൂടുതല് യുവാക്കള് ഇന്റര്നെറ്റില് സെര്ച്ച് ചെയ്യുകയും ഫോളോ ചെയ്യുകയും ചെയ്യുന്ന ബോളിവുഡ് താരങ്ങളില് ഒരാളാണ് സണ്ണിലിയോണ്. അവരുടെ പോണ് വീഡിയോകളും ചിത്രങ്ങളും കാണാന് യുവാക്കള് കാണിക്കുന്ന ആവേശം തിയേറ്ററിലും ഉണ്ടാകുമെന്ന് ഉറപ്പാണ്. ആ ഒരു മാര്ക്കറ്റിംഗ് തന്ത്രമാണ് വൈശാഖ് മധുരരാജയില് പ്രയോഗിച്ചിരിക്കുന്നത്. പ്രിയാമണിയുടെ ലുങ്കിഡാന്സ് പോലെ നാളെ സണ്ണിലിയോണും മമ്മൂട്ടിയും ഒരുമിക്കുന്ന ഐറ്റംഡാന്സ് വയറലാകുമെന്നതില് സംശയമില്ല. ഗോപിസുന്ദറാണ് ഗാനത്തിന് ഈണമിട്ടിരിക്കുന്നത്. ആദ്യഭാഗത്തില് പൃഥ്വിരാജും ശ്രേയാ റെഡിയും അടക്കം വലിയ താരനിരയാണ് ഉണ്ടായിരുന്നത്. രണ്ടാം ഭാഗത്തില് അതുക്കുംമേലെയാണ്. തമിഴില് നിന്ന് ജയ്, മഹിമാ നമ്പ്യാര് എന്നിവരും അനുശ്രീ, ഷംനാകാസിം തുടങ്ങിയ മലയാള നടികളും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു.
ഫഌഷ് എന്ന മോഹന്ലാല് ചിത്രം വരുത്തിവെച്ച വലിയ സാമ്പത്തിക ബാധ്യത ടോമിച്ചന് മുളക്പാടം നികത്തിയത് പോക്കിരിരാജ എന്ന സൂപ്പര്ഹിറ്റിലൂടെയാണ്. 150 ദിവസത്തോളം ചിത്രം തിയേറ്ററുകളില് പ്രദര്ശിപ്പിച്ചു. രണ്ടാം ഭാഗം പക്ഷെ ടോമിച്ചനല്ല നിര്മിക്കുന്നത്. ആദ്യഭാഗത്തിന് തിരക്കഥ എഴുതിയ ഉദയകൃഷ്ണ തന്നെയാണ് രണ്ടാംഭാഗത്തിനും തൂലിക ചലിപ്പിക്കുന്നത്. പോക്കിരി രാജ തമിഴിലും തെലുങ്കിലും മൊഴിമാറ്റി പ്രദര്ശിപ്പിച്ചിരുന്നു. മധുരരാജയില് തമിഴ് യുവനായകന് ജയ്യും മഹിമാ നമ്പ്യാരും ഉള്ളതിനാല് തമിഴ്നാട്ടിലും ആന്ധ്രയിലും തെലുങ്കാനയിലും വിജയസാധ്യത കൂടുതലാണ്. സണ്ണിലിയോണ് ഉള്ളതിനാല് ഗ്ലോബല് മാര്ക്കറ്റും ലഭിക്കും. 100 കോടി ക്ലബില് ഇടംനേടുക എന്ന ചരിത്രം വൈശാഖ് ആവര്ത്തിക്കുമോ എന്ന് കാത്തിരുന്ന് കാണാം.
https://www.facebook.com/Malayalivartha
