തിരുവനന്തപുരം: വേനല്‍ രൂക്ഷമാകുന്ന പശ്ചാത്തലത്തില്‍ പൊതുജനങ്ങള്‍ക്ക് കുടിവെള്ള സംബന്ധമായ പരാതികള്‍ അറിയിക്കാന്‍ വാട്ടര്‍ അതോറിറ്റി എല്ലാ ജില്ലകളിലും പ്രത്യേക ടെലഫോണ്‍ നമ്പര്‍ ഏര്‍പ്പെടുത്തി. ഇരുപത്തിനാലു മണിക്കൂറും ഈ നമ്പരുകളില്‍ പരാതികള്‍ സ്വീകരിക്കാന്‍ സംവിധാനമുണ്ടാകും. എല്ലാ ജില്ലകളില്‍നിന്നുമുള്ള പരാതികള്‍ 18004255313 എന്ന ടോള്‍ഫ്രീ നമ്പരില്‍ അറിയിക്കാം. കൂടാതെ ഏതു ജില്ലയില്‍നിന്നുള്ള പരാതികളും 9495998258 എന്ന നമ്പരില്‍ വാട്സാപ്പ് വഴി അറിയിക്കാം. വാട്ടര്‍ അതോറിറ്റി വെബ്സൈറ്റായ www.kwa.kerala.gov.in സന്ദര്‍ശിച്ച് ജനമിത്ര ആപ് വഴിയും പരാതികള്‍ റജിസ്റ്റര്‍ ചെയ്യാം. 

പരാതികള്‍ അറിയിക്കാന്‍ ജില്ലാടിസ്ഥാനത്തിലുള്ള ടെലഫോണ്‍ നമ്പറുകള്‍: തിരുവനന്തപുരം 0471-2322674, കൊല്ലം-0474 2742993, പത്തനംതിട്ട-0468 2222670, ആലപ്പുഴ-0477 2242073, കോട്ടയം 0481 2563701, എറണാകുളം 0484 2361369, ഇടുക്കി-0486 2222812, തൃശൂര്‍ 0487 2423230, പാലക്കാട് 0491 2546632, മലപ്പുറം 0483 2734857, കോഴിക്കോട് 0495 2370095, വയനാട് 04936 220422 കണ്ണൂര്‍ 0497 2707080, കാസര്‍കോഡ് 04994 255544.