പത്തനംതിട്ടയില്‍ മത്‌സരിക്കുന്ന ബി ജെ പി സ്ഥാനാര്‍ത്ഥി കെ സുരേന്ദ്രന് എന്‍ എസ് എസിന്റെ പിന്തുണ. സുരേന്ദ്രന്റെ സ്ഥാനാര്‍ത്ഥിത്വത്തില്‍ നിര്‍ണായകമായത് ജി. സുകുമാരന്‍ നായരുടെ ഇടപെടലാണ് . പത്തനംതിട്ടയില്‍ സ്ഥാനാര്‍ത്ഥിയാകാന്‍ ഒരുങ്ങിയ ശ്രീധരന്‍ പിള്ളയെ പിന്തിരിപ്പിച്ചതും സുകുമാരന്‍ നായരാണ്.

വീണാ ജോര്‍ജും ആന്റോ ആന്റണിയും പ്രധാന സ്ഥാനാര്‍ത്ഥികളായി മത്സരിക്കുന്ന പത്തനംതിട്ടയില്‍ ഹിന്ദുവോട്ടുകളുടെ ഏകീകരണം ഉണ്ടാകുമെന്നാണ് കരുതുന്നത്. അത് തീര്‍ച്ചയായും ശബരിമലക്ക് വേണ്ടി ഒരു മാസത്തോളം ജയിലില്‍ കിടന്ന സുരേന്ദ്രന് തന്നെ ലഭിക്കുമെന്ന കണക്കുകൂട്ടലിലാണ് ബി ജെ പി ദേശീയ നേതൃത്വം.1197412 ആണ് പത്തനംതിട്ടയിലെ മൊത്തം ജനസംഖ്യ. ഇതില്‍ ഹിന്ദുക്കള്‍ 681666 ആണ്. 55074 മുസ്ലീങ്ങള്‍ പത്തനംതിട്ടയിലുണ്ട്. 456404 െ്രെകസ്തവരാണ് പത്തനംതിട്ടയിലുള്ളത്. അതായത് രണ്ട് ലക്ഷത്തില്‍പരം ജനസംഖ്യയുടെ വ്യത്യാസം ഹിന്ദുക്കളും ക്രിസ്ത്യാനികളും തമ്മിലുണ്ട്. രണ്ട് െ്രെകസ്തവ സ്ഥാനാര്‍ത്ഥികള്‍ മതസരിക്കുമ്പോള്‍ സ്വാഭാവികമായും ഹിന്ദു ധ്രുവീകരണം ഉണ്ടാകുമെന്നാണ് കരുതുന്നത്. എന്‍ എസ് എസിന്റെ വോട്ട് ഷെയറാണ് ഇതില്‍ പ്രധാനം,

െ്രെകസ്തവരുടെ വോട്ട് മൂന്നായി പിരിയുമെന്നു വേണം കരുതേണ്ടത്. ഓര്‍ത്തഡോക്‌സ് സഭ ഇടതു സര്‍ക്കാരുമായി പള്ളി തര്‍ക്കത്തില്‍ തെറ്റി നില്‍ക്കുകയാണ്. യാക്കോബായക്ക് അനുകൂലമായാണ് പിണറായി സര്‍ക്കാര്‍. പള്ളി വിഷയത്തില്‍ സര്‍ക്കാര്‍ പക്ഷം പിടിക്കുന്നു എന്ന ആക്ഷേപം ശക്തമാണ്. ചെങ്ങന്നൂരില്‍ ഓര്‍ത്തഡോക്‌സ് സഭ പിന്തുണച്ചത് പിണറായിയെയാണ്. ചെങ്ങന്നൂര്‍ മെത്രാന്‍ തെരഞ്ഞടുപ്പിനിടയില്‍ പിണറായിയെ സന്ദര്‍ശിച്ച് തന്റെ നിലപാട് വ്യക്തമാക്കിയാണ്. എന്നാല്‍ സജി ചെറിയാന്‍ ജയിച്ചതോടെ സര്‍ക്കാര്‍ ഓര്‍ത്തഡോക്‌സിന് എതിരായി.

ഇടതു സ്ഥാനാര്‍ത്ഥി വീണാ ജോര്‍ജിനെ നിയമസഭാ തെരഞ്ഞടുപ്പ് കളത്തിലേക്ക് ഇറക്കിയത് ഓര്‍ത്തഡോക്‌സ് സഭയാണ്. സഭയുടെ ഔദ്യോഗിക ഭാരവാഹിയുടെ ഭാര്യ എന്ന നിലയില്‍ വീണയെ ഇറക്കി ശിവദാസന്‍ നായരെ വീഴ്ത്തുകയാണ് സിപിഎം ചെയ്തത്. അതേ തന്ത്രമാണ് ഓര്‍ത്തഡോക്‌സ് സഭയുടെ പ്രതിനിധിയെ തന്നെ രംഗത്തിറക്കി സി പി എം പയറ്റുന്നത്. എന്നാല്‍ ഇത്തവണ കഥ വേറെയാകുമെന്ന് ബിജെപി പറയുന്നു. ഹിന്ദുവോട്ടുകള്‍ സുരേന്ദ്രനില്‍ കേന്ദ്രീകരിക്കാനായി രാജ്യം മുഴുവനുമുള്ള പ്രവര്‍ത്തകരെ പത്തനംതിട്ടയില്‍ ഇറക്കാനാണ് ബിജെ പിയുടെ തീരുമാനം.

അതിനിടെ നരേന്ദ്രമോദിയും അമിത് ഷായും പത്തനംതിട്ടയില്‍ ശ്രദ്ധ കേന്ദ്രീകരിക്കാന്‍ പാര്‍ട്ടി നേതാക്കള്‍ക്ക് നിര്‍ദ്ദേശം നല്‍കി കഴിഞ്ഞു. പത്തനംതിട്ടയില്‍ സുരേന്ദ്രന്റെ വിജയം ഉറപ്പാക്കണമെന്ന് കേന്ദ്ര നേതാക്കള്‍ നിര്‍ദ്ദേശം നല്‍കിയിട്ടുണ്ട്. സുരേന്ദ്രന്‍ ജയിച്ചാല്‍ പത്തനംതിട്ടക്ക് കേന്ദ്രമന്ത്രി പദവിയാണ് കേന്ദ്രം വാഗ്ദാനം ചെയ്തിരിക്കുന്നത്. കേന്ദ്രത്തില്‍ ബി ജെ പി അധികാരത്തില്‍ വരാന്‍ സാധ്യതയുള്ളതിനാല്‍ ഇത് സംഭവിക്കാനിടയുണ്ട്

െ്രെകസ്തവ വോട്ടുകള്‍ ചോര്‍ത്താനും ബിജെപി ആലോചിക്കുന്നുണ്ട്. ചില െ്രെകസ്തവ മെത്രാന്‍മാന്‍മാര്‍ക്ക് ബിജെപി നേതാക്കളുമായി ബന്ധമുണ്ട്. െ്രെകസ്തവ സമൂഹത്തിലെ 25 ശതമാനം വോട്ടെങ്കിലും മറിക്കാനാകുമോ എന്നാണ് ബി ജെ പിയുടെ ചിന്ത.

പി സി ജോര്‍ജിന്റെ സ്ഥാനാര്‍ത്ഥിത്വം വഴി ഇടത് വലത് വോട്ടുകള്‍ മറിയാന്‍ സാധ്യതയുണ്ട്. അത് സുരേന്ദ്രന് ഗുണം ചെയ്യും.സുരേന്ദ്രനുമായി ജോര്‍ജിന് മികച്ച ബന്ധമുണ്ട്. ചുരുക്കത്തില്‍ പതിനായിരം വോട്ടിന്റെയെങ്കിലും ഭൂരിപക്ഷത്തില്‍ സുരേന്ദ്രന്‍ ജയിക്കാനാണ് സാധ്യത.