സ്‌പെയ്‌നിനോട് പരാജയപ്പെട്ട് പോർച്ചു​ഗൽ.... ക്രിസ്റ്റ്യാനോ റൊണാൾഡോയുടെ ലോക മോഹങ്ങൾക്ക് വിരാമം. ക്രിസ്റ്റിയാനോ ലോകകപ്പ് ഇല്ലാതെ കരിയർ അവസാനിപ്പിക്കുന്നത്.

എതിരില്ലാത്ത ഒരു ഗോളിനായിരുന്നു സ്‌പെയ്‌നിന്റെ ജയം. പകരക്കാരനായി ഇറങ്ങിയ മികേൽ മെറീനോ ഇഞ്ചുറി സമയത്ത് നേടിയ ഗോളാണ് സ്‌പെയ്‌നിനെ ക്വാർട്ടറിലെത്തിച്ചത്. ഈ ഗോൾ റൊണാൾഡോയുടെയും സംഘത്തിന്റെയും ലോകകപ്പ് പ്രതീക്ഷകളെ പൂർണമായും തകർതേതികളയുകയായിരുന്നു.

91-ാം മിനിറ്റിലാണ് മികേൽ മെറീനോ സ്‌പെയ്‌നിന് ജയം സമ്മാനിക്കുന്നത്. ബോക്‌സിനുള്ളിൽ നിന്ന് മെറിനോ തൊടുത്ത മനോഹരമായ ഇടങ്കാലൻ ഷോട്ട് പോർച്ചുഗൽ വലയിൽ പതിക്കുകയായിരുന്നു.

വിരസമായ 90 മിനിറ്റുകൾക്ക് ശേഷമായിരുന്നു വിജയഗോൾ. കളിയിൽ വ്യക്തമായ ആധിപത്യം പുലർത്താനായി ശ്രമിച്ച സ്‌പെയിനിന് ആദ്യ പകുതിയിൽ തന്നെ ഗോൾ നേടാനായി സുവർണ്ണാവസരം കിട്ടിയിരുന്നു. എന്നാൽ സ്‌ട്രൈക്കർ മൈക്കൽ ഒയാർസബാലിന് മുതലാക്കാനായില്ല.

പരിക്കേറ്റതിനെത്തുടർന്ന് പോർച്ചുഗലിന്റെ പ്രധാന പ്രതിരോധതാരം നൂനോ മെൻഡസിനെ മത്സരത്തിനിടയിൽ പിൻവലിക്കേണ്ടി വന്നത് പോർച്ചുഗൽ നിരയ്ക്ക് വലിയ തിരിച്ചടിയായി മാറി.

ഇത് ടീമിന്റെ പ്രതിരോധഘടനയെ ദുർബലപ്പെടുത്തുകയും ചെയ്തു. ഈ വിജയത്തോടെ സ്‌പെയിൻ ക്വാർട്ടർ ഫൈനലിലേക്ക് മുന്നേറി. ക്വാർട്ടറിൽ ബെൽജിയം - യുഎസ്എ മത്സരത്തിൽ വിജയിക്കുന്നവരുമായി സ്‌പെയിൻ ഏറ്റുമുട്ടുന്നതാണ്.